EZEKIA 39:18 - Mara Bible RV (BSI)

¹⁸ Chyhsa rônahpazy sa niepa ta, lei beimachâzy thisaih doh aw ei chi ta, mietaku tôhpazy, mietakutawzy, mie tôhpazy nata viahchao tôhpazy thisaih nama doh aw. Viahchao tôhpa zydua cha Bâsanâ viahchao tôhpa thawhpazy ama châ.

EZEKIA 39:18 ပူးပေါင်းရင်းမြစ်များ

HLAZY 22:12

Viahchao tôhpa hluhpi ta na chadô ei ta, Bâsanâ viahchao tôhpa thatlôpazy ta eina dôh ei.

HLAZY 68:30

Lohthizy hry liata sahrâhpazy ra la, Phopizy viahchao tôhpa nata viahchaotawzy ra mah y. Râhpaw a tlaichhaipazy cha na phei ry liata tlypâ la, Adyuhna a pahâh kawpa phopizy hiepatla ha mah y.

ISAI 34:6

Abeipa ta Bôzrâ khihpi liata atheihna hlâ awpa hnei ta, Edômâ râh liata thietuna rarôh ypa tao awpa a hneipa vâta, Abeipa zaozi cha thisaih ta bie ta, Thaw ta a khu; Mietakutawzy nata miezy thisaih ta bie ta, Mietaku tôhpazy lôpo thaw ta a khu.

ISAI 34:7

Chaoliah tôhpazy Môabâ mo hnohta pao aw ei ta, Viahchaotaw chapawpazy chhao, Viahchao tôhpa thatlôpazy chhaota ama pao aw. Ama râh cha thisaih liata pachiepa châ aw ta, Ama dohlei cha thaw ta a khu aw.

ZEREMIAH 46:5

Kheihtazieta ma thlazohpa ta y ei ta, Hnôh amâ sypa ei hmô thlâh ha tly? Ama pasaiphazy tiahpa ta y ei ta, Rawrôhpa ta amâ râpai; Hnôh lâ rai a heih veih ei; Su to chichhihna ta a bie, Abeipa ta a tah.

ZEREMIAH 50:11

“Hy ei ryuto a hraotuhpazy saih u, Thaphapa nata thapawh kawpa ta ypa ta, Si panyupa su liata viahchao zeinô hawhta a chapiepa ta, Arâ tôhpa hawhta sâh hra u la,

ZEREMIAH 50:27

A viahchao tôhpazy thiena su la zu ei sala, Thie khai ha teh u. Ama noh vaw tlô ta, Âmo hriena daihti a vaw tlô haw; Ama hu a po kaw dia!

ZEREMIAH 51:40

Mietakutaw thie awpazy hawhta A chhi aw ei na ta; Mietaku tôhpa nata mie tôhpa thie awpazy hawhta, Ei chhi aw ei.

EZEKIA 29:5

Râhchawhpa liata cha thy aw na ta, Na chavah nga zydua chhaota ei cha thy aw. Lyurâhpa liata tla aw chi ta, Na ri lapa châ leipa aw ta, Pabupa châ hra aw va chi. Nama rizy cha, Lei sahrâhpa nata vâ pavawzy hnohta, Nie awpa ta ei pie aw ei.”

EZEKIA 34:17

“Hy ei mietaku zawzy saih u, nâmo kyh liata, Abeipa Zehôvâh ta hetana heta a tah: Pachâ teh u, mietaku nata mietaku likah pachia aw na ta, mietaku tôhpazy nata mie tôhpazy likah ei pachia aw.

EZEKIA 34:8

Ei hrona reipa ta ei reih, Abeipa Zehôvâh ta a tah. Mietaku­ vaituhpazy y leipa ei ta, ei mietaku vaituhpazy ta ei mietakuzy tlua hra leipa ei ta, mietaku vaituhpazy ta âmo tlao a pasa ei ta, ei mietakuzy ama pasa leipa vâta, ei mietakuzy cha tai awpa dei châ ei ta, sahrâhpazy nie awpa lâta amâ lie haw.

EZEKIA 39:19

Nama châta atheihna kyhchhi ei chhuanohpa liana chata, nama rih biena taihta sa thawhpa nie aw ei chi ta, nama parina taihta thisaih nama doh aw.

AMÔSÂ 4:1

“Nâmo, Samâri tlâhpi liata Bâsanâ viahchao panôzy saih u, He bie he nathlie teh u; Nâmo, dyhchhiepazy tlybai ei chi ta, Phahlapazy chanaohpa ta, Nama vahpazy hnohta, ‘Do awpa vaw cheih la, Doh ei suh u,’ A tahtuhpazy saih u, He bie he thei teh u!

RYHPACHANEINA 32:14

Viahchao hri sâhpiti kuapa ta cha pasa ta, Mietaku zaw sâhpiti ta a cha pasa; Mietakutaw thaw ta cha pasa ta, Bâsanâ mietaku tôhpa thaw ta cha pasapa ta, Mie thaw ta a cha pasa. Sâh pahâh chaipazy cha paniesa ta, Kre thisaih pathaihpa na doh tyh.

BIEPHUAH 19:21

Ahropazy cha arâ a kiahpa pakah tawhta zaozi a vaw puapa ta chhawhsaopa châ ei ta, ama sapa cha pavaw zydua ta nie ei ta, rihbiepa ta ama y.