EZEKIA 39:10 - Mara Bible RV (BSI)

¹⁰ Adyuhna chhaichhizy cha, mei tho châta ama hmâh awpa vâta, lyurâhpa tho ama phao awpa byuh khao leipa aw ta, râhmâhpa tho thlu awpa byuh khao hra aw vei. Âmo a hraotuhpazy hraona sôh chhu aw ei ta, âmo hmo a parutuhpazy hmo ama parupa aw, Abeipa Zehôvâh ta a tah.

EZEKIA 39:10 ပူးပေါင်းရင်းမြစ်များ

PUASAINA 12:36

Abeipa ta Izarei sawzy cha Izi mo ngiachhiena pahlaosa ta, Izi mo ta ama hiapa maih pie lymâ ei ta, cha hawhna chata Izi mo cha hrao ei ta.

PUASAINA 3:22

Chanô maihta ama opazy nata ama o liata a pahrâpa zydua tawhta tâkâ nata ngôh a tobinazy nata chysiazy hiah aw ei ta, nama sawchapawzy nata nama sawchanôzy pakysa aw ei chi ta, cha hawhna chata Izi mo cha nama hrao aw,” tah ta.

ISAI 14:2

Phopizy ta Izarei pathlazy cha a chhipa ta, ama y nawpa su tlôkhei aw ei ta, Izarei pathlazy ta âmo cha seichapawzy nata seichanôzy ta Abeipa râh liata ama hnei aw. Sei ta âmo a vaw patu tyhpazy kha, Izarei pathlazy ta sei ta patu aw ei ta, âmo a vaw tlybai tyhpazy chô liata ryu ama reih aw.

ISAI 33:1

Nâ, a pahleipadiatuhpa y, Pahleipadiapa châ mâh vei hra la, Na hu a po na! Nâ, a paphasaituhpa y, A paphasaipa châ mâh vei hra la, Na hu a po na! Chyhsa na pahleipadiapa tawhta nâ chalih tita, Pahleipadiapa châ hra aw chi ta; Nâ paphasaipa na patlô tita, Ama châ paphasai hra aw.

EZEKIA 39:11

“Kawkâ nata a zawpizy cha pabupa ama châ awpa vâta, cha noh liata, Izarei râh liata Kawkâ châta thlâ su taopa aw na ta, tilaipi nochhi lâ liata Khitlyhpazy Saikao ei taopa aw ei. Cha saikao cha Hâmôkawkâ Saikao tahpa a châ aw.

MIKÂ 5:8

Zakaw laibâhpazy cha, Râhsazy hry liata chakeibarôhneipa hawhta Râhzy hry liata y aw ei ta, Mietaku zaw hry liata chakeibarôhneipa lochopa hawhta Phopizy hry liata ama y aw. A chapia ti ei ta, Âmo cha alei liata a tlypabai aw ei; Âmo cha hriechheih khai aw ta, A pachha thei awpa y veih ei.

HABAKU 2:8

Râh hluhpi hrao chi ta, Chyhsa thisaih palopa ta chhaohlei taochhie chi ta, Khihpizy nata a chhôh liata pahrâpa zydua na paraopa vâta, Phopi laibâhpazy ta ama cha hrao hra aw.

HABAKU 3:8

Hy Abeipa, arâ kiah chi ta, Na pahniena talailih liata na kia no kha, Chavahzy chô liata ma na hie a hâh? Chavahzy chô liata ma na pathi a ia? Tilaipi chô liata ma na ru a chhô?

ZEKARIA 14:14

Zerusale liata adyuhna liata Zudâh chhao a hlao hra aw ta, a chheipâh phopizy hneirôna ngôh, tâkâ nata chysia hluhpi pahmaohpa a châ aw.

MATHAI 7:2

Nama seipa hawhta cha sei aw ei ta, nama panuapa hawhta ama cha panuapa aw.

BIEPHUAH 13:10

Seichâna lâ a sie awpa chyhsa cha, Seichâna lâ sie aw ta; Zaozi ta thie awpa chyhsa cha, Zaozi ta thiepa a châ aw. Cha chata mopathaihpazy cha tao hualuana nata ngiapâna hnei awpa a byuhzie a palâsa.

BIEPHUAH 18:6

Chyhsazy viari a thô tyhpa hawhta, Ano chhao viarithô u la, A hmotaopazy a lie no ta viarithô teh u; A do awpa pahlaona nyu cha, A lie no ta pahlaopa teh u.