EZEKIA 38:4 - Mara Bible RV (BSI)

⁴ Cha pahieh aw na ta, na kâh liata keipa ta cha paao aw na ta, ei châ chhi aw. Na pheisaih zydua a chhi khai aw ei na ta, chariah chhaichhi kipa ta tobipa arâzy nata arâ pheisaihzy, vyhphao laipa nata vyhphao chyhpa a chabapa ta, zaozi a pahiehpa pheisaih hluh ngaitapazy ei chhi khai aw ei.

EZEKIA 38:4 ပူးပေါင်းရင်းမြစ်များ

2 ABEIZY 19:28

Ei chô liata na ruchhô ta, Nâ palaina ei nah liata â kaw ngia hapa vâta, Na hnari cha daoh aw na ta, Ei chhâri na hmao liata pabawpa ta, Nâ vyna lâpi lâ tlai khata ei cha pakuasa heih aw.”

1 THÂTIHZYRONA 12:8

Kâdâ chi liata pasaipha thatlôpa nata chariah a dyuh thaipazy ta râhchawhpa thokhy liata a ypa Dâvi lâ amâ kei bai hra. Âmo cha vyhphao nata asei a hmâh thaipa châ ei ta, chakeibarôhneipa hmia phaoh ei ta, tlâh sakhihzy hawhta a chatliepa ama châ.

2 THÂTIHZYRONA 25:5

Amazia ta Zudâh zawpizy awpakhy ta, Zudâh nata Benzami mo zydua cha ama pho zipa ta, pheisaih sâh kha hyutuhpazy ry liata nata za kha hyutuhpazy ry liata soh ta. Kô kih tawhta chô lâ maluh reih ta, asei nata vyhphao a hmâh theipa, chariah a dyuh thei awpa ta atlyhpa zydua cha 300,000 ama châ.

ISAI 37:29

Ei chô liata na ruchhô ta, Nâ palaina ei nah liata â kaw ngia hapa vâta, Na hnari ei cha daoh aw; Na hmao liata chhâri cha pabaw aw na ta, Nâ vyna lâpi lâ tlai khata ei cha pakuasa heih aw.”

ISAI 43:17

Talailih nata arâzy parao ta, Pheisaih nata pasaiphazy paraopa ta, Pao ei ta thyu thei khao leipa ta a paysatuhpa, Mei pachhaipa hawhta âmo cha pachhai ta, Meiôh pala mei thiepa hawhta âmo a thiepa Abeipa ta hetana heta a tah:

ZEREMIAH 46:9

Hy arâzy saih u, tôh u la, Hy talailihzy saih u, a pathluah teh u! Pasaiphazy pua mawh ei sy: Vyhphao a chabapa Kusi mo nata Puti mozy pua ei sala, Likathaipa Ludi mo chhao pua mawh ei sy.

EZEKIA 23:12

Ano chhao Asuria mo râhvaotuhpazy nata pheisaih hyutuhpazy chô liata aohraoh ta, chariah chhaichhi zydua a tobipa ta arâ a kiahpa arâ pheisaihzy chô liata chhao aohraohpa ta a tlaichhai kaw ei. Cha chyhsazy cha ama zydua ta satlia khochhih ngaitapa sai ama châ.

EZEKIA 29:4

Na kâh ruzy liata keipa ta cha paao aw na ta, Na vo liata chavah ngazy ei pabaisa aw; Na chavahzy tawhta châ daophi aw na ta, Na vo liata a baipa, Na chavah nga zydua chhaota ei châ daophi aw.

EZEKIA 38:15

Maw lâ râh chhâna, na yna su tawhta a vy aw chi ta, nâ nata na hnohta a ypa phopi hluhpi namâ vy aw. Ama zydua ta arâ a kiahpazy châ ei ta, pheisaih hluh ngaitapa nata thatlôpa ama châ.

EZEKIA 38:3

a hnohta hetana heta reih teh. Abeipa Zehôvâh ta hetana heta a tah: Pachâ teh, Hy Kawkâ, Mese nata Tubâ bei lai chaipa, ei châ dyuh.

EZEKIA 39:2

Cha pahiehpa ta, châ daophi aw na ta, Izarei tlâhpizy a dyuh awpa ta, maw chhâna tawhta ei châ vaw chhi aw.

EZEKIA 39:20

Arâzy nata arâ pheisaihzy, chyhsa thatlôpa nata pasaipha chi nanopazy cha, ei tlâhkhai liata lôhrâtlôpa ta nama nie aw,’ Abeipa Zehôvâh ta a tah.

DÂNIAH 11:40

“Chhâna daihti liata, chho bei ta maw bei cha a dyuh aw ta, châhrasala maw bei ta talailihzy, arâ pheisaihzy nata balyh hluhpi chhao ta, chho bei chô liata khiesô hawhta za pathli thlu aw ta, râhzy liata a ngia aw ta, tisaih hawhta âmo cha phaoh aw ta, a sie lymâ aw.

AMÔSÂ 4:2

Abeipa Zehôvâh ta A pathaihna moh reipa ta bie â taih ha ta, Moh teh u, nohzy a cha vaw tlô thlu hai ei; Thua akopazy ta ama châ chhi nawpa noh vaw tlô hai ta, Nama sawzy taihta keipa ta amâ chhi nawpa noh a vaw tlô hai.