EZEKIA 38:13 - Mara Bible RV (BSI)

¹³ Sebâ nata Dedâ nata Tâsi sôdaohpazy nata ama chhituhpa zydua ta na hnohta, ‘Hraona sôh la awpa ta ma nâ vy? Hraona sôh, tâkâ, ngôh nata sahroh zawzy nata hmobaohzy siekheipa ta, sôh hluhpi hrao awpa ta ma na pheisaihzy na pahmaoh?’ ama cha tah aw.

EZEKIA 38:13 ပူးပေါင်းရင်းမြစ်များ

HLAZY 57:4

Ei hrona he chakeibarôhneipazy hry liata y ta, Sahrâhpazy hry liata a zia na ta; Asei nata châtai hâh hnei ta, Zaozi tiahpa paleih a hneipa chyhsa sawzy hry liata ei y.

ISAI 10:6

Hraona sôh lapa ta, Ama hneipazy chhu ta, Khiliah chiatlao hawhta tlypâ awpa ta, Ano cha Khazohpa a pachâ leipa phopi lâ tuah na ta, Ei hie nâ pahâhpa phopi a dyuh awpa ta bie ei pie.

ISAI 33:23

Na chaorizy padaopa châ ta, Poh zawna tôh pa-i thei leipa ei ta, Balyh poh pakai thei vei. Hraona sôh hluhpizy raipa châ aw ta, Pheisypazy chhao ta amâ phao hra aw.

ZEREMIAH 15:13

“Na moleinazy vâta, na râh zydua liata na hneina nata na ryusôhpazy cha, hraona sôh ta a mâ leipa ta pie aw.

ZEREMIAH 50:17

“Izarei cha mietaku pai patlapa châ ta, Chakeibarôhneipa ta â chadai pai hapa a châ. Asuria bei ta ano cha palâ tua ta, Tahmâ Babylaw bei Nebukaneza ta a ruzy a thlie haw.

ZEREMIAH 51:38

Chakeibarôhneipazy hawhta, Hmaohkha ta a rôh aw ei ta; Chakeibarôhneipa tawzy hawhta, Ama sâh aw.

EZEKIA 25:13

Abeipa Zehôvâh ta hetana heta a tah: Edômâ chô liata ei ku hy aw na ta, chyhsapa nata sazy a râh tawhta ei pahleipadia khai ha aw. Roryhrapa ta tao aw na ta, Temâ tawhta Dedâ taihta zaozi ta ama pao aw.

EZEKIA 27:12

“Hmo to liata na hneirôh ngaitapa vâta, Tâsi ta châ daoh ta, na hmobaohzy cha tâkâ, thua, râhvâ nata ky zy ta a cha ri tyh.

EZEKIA 27:15

Dedâ mo chhao ta châ daoh ei ta, tilaipi kiah râh hluhpizy chhao, na hmo zuana râhzy ama châ. Na hmozy ama chaleina mâ châta sianaohzy nata tho vyhpazy ama cha pie.

EZEKIA 27:20

Dedâ mo chhao ta arâ ky padiana pohzy ta na hmozy ama cha ri tyh hra.

EZEKIA 27:25

Tâsi balyhzy ta na hmozy phaohpa ta ama sie tyh. “Hmozy ta pabiepa ta y chi ta, Tilaipizy liah liata Hmo a hri ngaitapa na phaoh tyh.

EZEKIA 32:2

“Chyhsa sawchapawpa y, Izi bei Phiraoh châta chaphôhtuna hla phi la, a hnohta hetana heta reih teh: “Phopizy hry liata Chakeibarôhneipa ta a pachâ chi ta, Châhrasala tilaipizy liata drâkao tlao na lyu; Na chavahzy chatlaosapa ta a pasiepasâ chi ta, Na pheizy ta tizy chahriapa ta, Ama chavahzy na panôsa tyh.

ZÔELA 3:8

Nama sawchapawzy nata nama sawchanôzy cha Zudâh chyhsazy ku liata zuah aw ei na ta, âmo ta lâhlapi liata a ypa phopi, Sabia mo hnohta ama zua pachhuah aw,” Abeipa ta a tah.

ZEKARIA 11:3

Ama sibie panyupa su phapazy a rao khai hapa vâta, Mietaku vaituhpazy chana ao theipa châ ta, Zawdâh râh panyupa a rao khai hapa vâta, Chakeibarôhneipazy a rôhpa pyu theipa a châ.