EZEKIA 38:12 - Mara Bible RV (BSI)

¹² Hraona sôh nata hmobaohzy lapa ta, siekhei awpa ta âmo cha siehnao aw chi ta, roryhrapa ta a y tyhpa, tahmâ deikua chyhsazy pahrâna su a châ hapazy chô liata nata râhzy tawhta pakhypa phopi, sahroh zaw nata hmobaohzy hneipa ta, khizaw liah liata a pahrâpazy chô liata na ku hy awpa ta na siehnao aw ei.

EZEKIA 38:12 ပူးပေါင်းရင်းမြစ်များ

ISAI 10:6

Hraona sôh lapa ta, Ama hneipazy chhu ta, Khiliah chiatlao hawhta tlypâ awpa ta, Ano cha Khazohpa a pachâ leipa phopi lâ tuah na ta, Ei hie nâ pahâhpa phopi a dyuh awpa ta bie ei pie.

ZEREMIAH 30:16

Chavâta châ palâtuhpa zydua cha palâpa châ aw ei ta, Na chariahpa zydua sei ta ama sie aw; Châ hraotuhpazy hraopa châ aw ei ta, Hraona sôh ta châ hmâhtuhpazy chhao, Hraona sôh ta ei tao aw ei.

EZEKIA 29:19

Chavâta Abeipa Zehôvâh ta hetana heta a tah: Pachâ teh u, Izi râh cha Babylaw bei Nebukaneza pie aw na ta, a hneirônazy siekhei khai aw ta, râh hneirônazy la khai aw ta, a hrao khai aw. Cha hraona sôh cha a pheisaihzy hlao châta a châ aw.

EZEKIA 38:8

Noh hluhpi tawhta chariah a dyuh awpa ta awpa na châ aw. Kô a vaw tlô awpazy liata, zaozi tawhta pachhapa râh na siehnao aw. Cha râh cha, phopi hluhpi tawhta Izarei tlâhpizy liata pahmaoh pakhypa chyhsazy yna râh châ ta, roryhrapa ta khâ a ypa râh a châ. A chyhsazy cha phopizy hry tawhta a chhi papuapazy châ ei ta, tahmâ cha ama zydua ta thlalôhpa ta a y hapazy ama châ.

AMÔSÂ 1:8

Asadô râhsawzy chhawh pathlah aw ei na ta, Askelaw ryureituhpazy ei chhawh pathlah aw ei; Ekaraw chô lia ei ku hy aw na ta, Philistinâ laibâhpazy ama leidia aw,” Abeipa Zehôvâh ta a tah.

ZEKARIA 1:12

Abeipa vâlyuhchâpa ta, ‘Hy Pheisaihzy Abeipa, kô sysari chhôh zydua na palôh châ pachhie hapa Zerusale nata Zudâh khihpizy he, khachâ taih ma thapasa khao leipa ta na y aw tly?’ tah ta.

ZEKARIA 1:17

‘Kei awh via heih teh, Pheisaihzy Abeipa ta hetana heta a tah: Ei khihpizy cha sivâphana ta khô pathlah heih aw ta, Abeipa ta Zaio cha thlah palôh heih aw ta, Zerusale â tlyh heih aw.’”

ZEKARIA 13:7

“Hy Zaozi, a hra teh; Ei mietaku vaituhpazy a dyuh la, Nâ chakaotuhpa a dyuh teh,” Pheisaihzy Abeipa ta a tah. “Mietaku vaituhpa tu la, Mietakuzy pai aw ei ta, Mietakutawzy chô liata ei ku ei pazawh aw.

RYUREITUHPAZY 9:37

Kalâ ta, “Moh châh chi, râh liah khophie tawhta chyhsazy amâ zu hao zaw. Py khapa chhochhi cha Môneni ôkâ tho lâpi lâ tawhta amâ vy huh,” tah ta.