EZEKIA 37:9 - Mara Bible RV (BSI)

⁹ Abeipa ta ei hnohta, “Hu hnohta hrohsona bie phuah la, Hy chyhsa sawchapawpa y, phuah tlai la, hu hnohta, Abeipa Zehôvâh ta hetana heta a tah: ‘Hy hu y, thlih pathlina kaokih miapalih tawhta a vy la, ama hro thei nawpa ta, he thiepazy chô liana heta hu so thlu teh,’ tah mah y,” tah ta.

EZEKIA 37:9 ပူးပေါင်းရင်းမြစ်များ

HLAZY 104:30

Na Thlahpa tuah chi ta, Âmo cha paysapa châ ei ta, Chhaohlei hmia na pathieh heih tyh.

HLAZY HLA 4:16

Hy maw thlih, a hra la, Hy chho thlih, a vy mah y! Ei sadô liata vaw pathli u la, A ropahâhpazy charao zaolao mawh sy. Ei lôhdupaw cha a sadô liata a vaw ngia sala, A thei pahâh chaipazy vaw nie mawh sy.

EZEKIA 37:14

Nama chhôh liata ei Thlahpa soh aw na ta, hroh aw ei chi ta, nama râh lia tlai ta ei cha pahrâsa aw ei. Chatanachata kei Abeipa heta reih ha na ta, ei tao tlai aw tahpa nama pahno aw,” Abeipa ta a tah.

EZEKIA 37:4

Ano ta ei hnohta, “He ruzy chô liata hrohsona bie phuah la, ama hnohta, ‘Hy ru chawhkaraipazy saih u, Abeipa bie thei teh u.

EZEKIA 37:5

He ruzy hnohna heta Abeipa Zehôvâh ta hetana heta a tah: Pachâ teh u, nâmo liata hu pangiasa aw na ta, nama hroh aw.

EZEKIA 37:8

Moh na ta, ruzy chô liata tharizy a vaw ypa hmô na ta, ruzy cha sapa ta vaw pahlypa ta, vo ta khu ta. Châhrasala âmo liata hu y leipa ta.

DÂNIAH 11:4

 vaw bei tawhta, a khinarâh cha kei chheih aw ta, avâ thlih miapalihzy lâta pachhaihpa ta y aw ta, a pathlazy hnohta piepa châ leipa aw ta, biehneina ta ryu a rei tyhnazie hawhta châ hra aw vei; a khinarâh cha chakhia pathlapa châ aw ta, mohropazy hnohta piepa a châ aw.

HÔSIA 13:14

Athikhih ku tawhta pachha aw ei na ta, Thina tawhta ei chatlai aw ei. Hy thina, na potlana hri cha khataih liata a y? Hy Athihkhih, na châmaih cha khataih liata ma a y? Ngiachhiena cha, Ei mokhaoh tawhta nyupa a châ.

ZEKARIA 6:5

Vâlyuhchâpa ta, “Kha talailihzy kha, khizaw zydua Bei hmiakô liata amâ lâ khai tawhta, avâ thlih miapalihpazy lâta a siepazy ama châ.

ZAWHÂNA 3:8

Thlih cha a khona lâ maih a pathli tyh. A pyu thei chi ta, châhrasala khataih tawhta a vypa ma, khataih lâ ma a sie aw tahpa pahno va chi. Ahy rai Thlahpa ta a pihpa cha, cha hawhta ama y,” tah ta.

BIEPHUAH 10:11

Chatawhcha ei hnohta, “Phopi hluhpizy, râh hluhpizy, reih hluhpizy nata bei hluhpizy kyh na chhochhielie heih awpa a châ,” tahpa ta na chho ta.

BIEPHUAH 11:11

Noh thôh nata khophie a châ tawhta, Khazohpa tawhta hrona hu ama chhôh liata a vaw ngia ta, ama phei ta a kaw duah ei ta, a hmôtuhpazy ta ama chi ngaita.