EZEKIA 37:6 - Mara Bible RV (BSI)

⁶ Nâmo liata tharizy soh aw na ta, sapa ta cha vaw pahly aw ei na ta, vo ta ei cha khu aw ei. Nama chhôh liata hu soh aw na ta, nama hroh aw. Chatanachata kei he Abeipa ei châ tahpa nama pahno aw,’ tah mah y” tah ta.

EZEKIA 37:6 ပူးပေါင်းရင်းမြစ်များ

ÂTHAONA 2:7

Chatawhcha Zehôvâh Khazohpa ta chhaohlei tawhta dohlei ta chyhsapa tao ta, a hnapasu liata hrona hu so thlu ta, chatanachata chyhsapa cha hrona hneipa a vaw châ haw.

1 ABEIZY 20:28

Khazohpa chyhsa ta Izarei bei cha a kei hnia ta, bie a chho ta, a hnohta, “Abeipa ta hetana heta a tah: ‘Aramia mo ta, “Abeipa cha tlâhzy khazoh châ ta, saikaozy khazoh châ vei,” tah ei ta, chavâta he zawpi hluh ngaitapazy he na ku liata cha pie aw na ta, kei he Abeipa cha ei châ tahpa nama pahno aw,’” tah ta.

HLAZY 104:30

Na Thlahpa tuah chi ta, Âmo cha paysapa châ ei ta, Chhaohlei hmia na pathieh heih tyh.

PUASAINA 6:3

Abarahâ, Aisika nata Zakaw zy hnohta Khazohpa Atotaotheipa ta a vaw luah na ta, ei moh Zehôvâh ta deikua cha ama hnohta a pahnosa va na.

ISAI 26:19

Nâma liata a thipazy cha hroh aw ei ta, Ama pôhpa a thyu heih aw. Dohlei liata a ziapazy a hra aw ei ta, Thaphapa ta hla ama sa aw. Na diati cha my diati châ ta, Athipazy alei tawhta ama vaw hroh heih aw.

ISAI 49:23

Beizy cha châ mohôhtuhpa na pawzy châ aw ei ta, Beinôzy chhao sâhpi ta châ chhytuhpa na nôzy ama châ aw. Ama hmia alei lâ a khupa ta, Na hmiakô liata a bôh aw ei ta; Na phei dohlei ama cha paliepa aw. Chatanachata kei he Abeipa ei châ tahpa pahno aw chi ta, Keima nâ hâtuhpazy cha ama hnabeidy aw vei.”

EZEKIA 11:10

Zaozi ta nama pao aw. Izarei râhri liata nama thâtih pachia aw na ta, Abeipa ei châ tahpa nama pahno aw.

EZEKIA 11:12

Abeipa ei châ tahpa nama pahno aw. Ei bieraopazy a chhih leipa ei chi ta, ei ryhpazy a chhi hra veih ei chi. Nama chheipâh liata phopizy ryhpa hawhta tlao nama y haw,” tah ta.

EZEKIA 20:38

Chhorupazy nama hry tawhta pasipathai aw ei na ta, ei chô liata hmo a paraotuhpazy chhao ei pasipathai ha aw ei. Ama y chyna râh tawhta a chhi aw ei na ta, châhrasala Izarei râh a ngia aw veih ei. Chatanachata Abeipa ei châ tahpa nama pahno aw.

EZEKIA 32:15

Izi râh cha roryhrapa ta tao aw na ta, A hneirôna zydua parua khaipa ta, A chhôh liata a pahrâpa zydua ei tusao khai ti ei ta, Kei he Abeipa ei châ tahpa ama pahno aw.

EZEKIA 34:27

Lyu liata thozy ta ama thei pathei aw ei ta, alei ta kôvei papua aw ta, ama râh liata â bohpa ta ama y aw. Ama raopaky thliepa ta, sei ta a taotuhpazy ku tawhta ei pachha ti ei ta, kei he Abeipa ei châ tahpa ama pahno aw.

EZEKIA 35:12

Chatanachata Abeipa ei châ tahpa na pahno aw. “‘Roryhrapa ta y ha ei ta, palâ khai awpa ta eima hnohta hlâpa ama châ,’ tahpa ta Izarei tlâhzy na reipachhiena zydua kha ei thei khai.

EZEKIA 35:15

Izarei pathlazy ryuto roryhrapa ta a ypa nâ lypa hawhna khata, na chô liata ei tao aw. Hy Seirâ Tlâh, roryhrapa ta na y aw. Edômâ cha tlokhuh roryhrapa ta a y aw. Chatanachata Abeipa ei châ tahpa ama pahno aw.”

EZEKIA 35:9

Roryhrapa ta y kôzaw awpa ta cha tao aw na ta, na khihpizy liata chyhsa pahrâ khao aw veih ei. Chatanachata kei he Abeipa ei châ tahpa nama pahno aw.

EZEKIA 37:14

Nama chhôh liata ei Thlahpa soh aw na ta, hroh aw ei chi ta, nama râh lia tlai ta ei cha pahrâsa aw ei. Chatanachata kei Abeipa heta reih ha na ta, ei tao tlai aw tahpa nama pahno aw,” Abeipa ta a tah.

EZEKIA 38:23

Cha hawhna chata ei rônahzie nata ei pathaihzie palâsa aw na ta, phopi hluhpi mohmô liata keimasasyh ta ei pahnosa aw. Chatanachata kei he Abeipa ei châ tahpa ama pahno aw.”

EZEKIA 39:22

Cha noh tawhta cha, Izarei pathlazy ta kei he Abeipa ama Khazohpa ei châ tahpa ama pahno ha aw.

EZEKIA 39:28

Phopizy hry liata seichâna lâ pasiesa ei na ta, châhrasala ama râh lâ ei chhi pakhua heihpa vâ ei ta, kei he Abeipa ama Khazohpa ei châ tahpa ama pahno aw. Phopizy hry liata a ngua awpa ta pakha hmah siesai khao aw veih ei na.

EZEKIA 39:6

Mâkaw nata tilaipi kiah râhzy liata chhôhmohpa ta a pahrâpazy chô liata mei papua aw na ta, chatanachata kei he Abeipa ei châ tahpa ama pahno aw.

EZEKIA 6:13

Tlâh sâhpa to liata zy, tlâh laki to liata zy, tho hrohpa ry to liata nata ôkâ tho buh rôhpa ry to liata zy, ama khazoh nothlahpazy lâta ropahâhpa ama hlâ tyh. Ropahâhpa ama hlâ tyhna su to liata ama maisâh chheipâh ta ama khazoh nothlahpazy hry liata ama ri a zawhpazy ama hmô tita, kei he Abeipa ei châ tahpa ama pahno aw.

EZEKIA 6:7

Ama thiepazy nama hry liata pao aw ei ta, Abeipa ei châ tahpa nama pahno aw.

EZEKIA 7:4

Ei mo ta cha pahlôh leipa aw ta, cha ngiachhie aw va na. Na hroziezy vâta nata râh chhôh liata hmo pasichhihpa na taopa zydua vâta, viari ei cha thô aw. Chatanachata Abeipa ei châ tahpa nama pahno aw.

EZEKIA 7:9

Ei mo ta cha pahlôh leipa aw ta, cha ngiachhie aw va na. Na hroziezy vâta nata râh chhôh liata hmo pasichhihpa na taopazy vâta, viari ei cha thô aw. Chatanachata kei cha a hrie theipa Abeipa ei châ tahpa nama pahno aw.

ZÔELA 2:27

Izarei hry liata ei y tahpa pahno aw ei chi ta, Kei he Abeipa nama Khazohpa châ na ta, Khazoh hropa y vei tahpa nama pahno aw. Ei phopi cha, Maophyuhpa ta y heih khao aw veih ei.”

ZÔELA 3:17

“Chatanachata kei he ei tlâh pathaihpa Zaio liata a pahrâpa, Abeipa nama Khazohpa ei châ tahpa nama pahno aw. Zerusale cha khihpi pathaihpa châ aw ta, Chihropazy ta chapia heih khao aw veih ei.

RYHPACHANEINA 29:6

Kei he Abeipa nama Khazohpa ei châ tahpa nama pahno thei nawpa ta, viahchhâ nie leipa ei chi ta, kresawhti nata kresawhti patapa chhao doh veih ei chi.