EZEKIA 37:4 - Mara Bible RV (BSI)

⁴ Ano ta ei hnohta, “He ruzy chô liata hrohsona bie phuah la, ama hnohta, ‘Hy ru chawhkaraipazy saih u, Abeipa bie thei teh u.

EZEKIA 37:4 ပူးပေါင်းရင်းမြစ်များ

1 ABEIZY 13:2

Khazohpa chyhsa chata Abeipa bie ta maisâh cha awsao ta, “Hy maisâh, maisâh, Abeipa ta hetana heta a tah: ‘Nathlie teh, Dâvi pathlazy hry liata sawchapawpa, a moh Zôsia vaw pih aw ta, na chô liata atheihna a hlâ tyhpa su sâhpa theihthaipazy kha thie aw ta, âmo cha na chô liata vaw hlâ aw ta, chyhsapa rureihzy na chô liata raopa a châ aw,’” tah ta.

ZAWBÂ 10:11

Vo nata sapa ta na tobi chi ta, Ru nata thari ta eina phieh pakaoh chi.

ISAI 26:19

Nâma liata a thipazy cha hroh aw ei ta, Ama pôhpa a thyu heih aw. Dohlei liata a ziapazy a hra aw ei ta, Thaphapa ta hla ama sa aw. Na diati cha my diati châ ta, Athipazy alei tawhta ama vaw hroh heih aw.

ISAI 42:18

Nahpâpa saih u, thei u la, Mochaopa saih u, moh u la, hmô teh u!

ZEREMIAH 22:29

Hy râh, râh, râh y, Abeipa bie he thei teh!

EZEKIA 36:1

“Nâ, chyhsa sawchapawpa y, Izarei tlâhzy hnohta hrohsona bie phuah la, ama hnohta hetana heta reih teh: Hy Izarei tlâhzy saih u, Abeipa bie thei teh u.

EZEKIA 37:11

Chatawhcha ei hnohta, “Chyhsa sawchapawpa y, he ruzy he Izarei pathlazy ama châ hih. Pachâ teh, Izarei pathlazy ta, ‘Eima ruzy chawhkaraipa ta, eima hnabeiseihna lei khai ha ta, chhawh pathlahpa ta eima y haw,’ ama tah.

EZEKIA 37:12

Chavâta ama hnohta hetana heta hrohsona bie phuah teh. Abeipa Zehôvâh ta hetana heta a tah: Pachâ teh u, nama thlâzy pahy aw na ta, Hy ei phopi y, nama thlâzy tawhta cha pathyu aw ei na ta, Izarei râh lâ ei châ chhi aw ei.

EZEKIA 37:9

Abeipa ta ei hnohta, “Hu hnohta hrohsona bie phuah la, Hy chyhsa sawchapawpa y, phuah tlai la, hu hnohta, Abeipa Zehôvâh ta hetana heta a tah: ‘Hy hu y, thlih pathlina kaokih miapalih tawhta a vy la, ama hro thei nawpa ta, he thiepazy chô liana heta hu so thlu teh,’ tah mah y,” tah ta.

MIKÂ 6:2

Nâmo, tlâhpizy saih u, Nâmo, leilô abôna hlôpazy saih u, Abeipa ta a phopi a leihna bie he nathlie tua u; Abeipa ta ano phopi leih nawpa hnei ta, Izarei cha â dyuh aw.

MALUHREINA 20:8

“Chôchahrei la la, nâ nata na unawhpa Arawna ta zawpizy pahmaoh u la, ti papua awpa ta, ama mohmô liata lôpanô chho mah y. Lôpanô tawhta ti a puapa cha âmo lâ cheih aw chi ta, zawpi nata ama sahrohzy cha ti do awpa na pie aw ei,” tah ta.

MATHAI 21:21

Zisu ta a chhy ta, “Hmeiseihta ta ei cha chho ei, a lôh leina hnei leipa ta namâ ngiapâ khiahta la, theiku kô chô liata taopa he nama tao thei hrapa dei châ leipa ta, he tlâh hnohna chhao heta, ‘A pasie la, tilaipi liata a thy teh,’ nama tah khiahta cha, nama reipa hawhta a y aw.

ZAWHÂNA 2:5

A nô ta chakaotuhpazy hnohta, “Nama hnohta a reipa maih tao lymâ muh vy,” tah ta.

ZAWHÂNA 5:25

“Hmeiseihta ta, hmeiseihta ta ei cha chho ei, a daihti a vaw tlô daihmâ, tahmâ chhao a vaw tlô haw. Cha tita athihpazy ta Khazohpa Sawchapawpa ao thei aw ei ta, a theipa maih ama hroh aw.

BIEPHUAH 10:11

Chatawhcha ei hnohta, “Phopi hluhpizy, râh hluhpizy, reih hluhpizy nata bei hluhpizy kyh na chhochhielie heih awpa a châ,” tahpa ta na chho ta.