EZEKIA 36:4 - Mara Bible RV (BSI)

⁴ Hy Izarei tlâhpizy saih u, Abeipa Zehôvâh bie he thei teh u: Abeipa Zehôvâh ta tlâhpizy nata tlâhthlôhzy, chavahzy nata saikaozy, su rypazy nata khihpi roryhrapazy hnohta hetana heta a tah: Ama chheipâh phopizy ta ama hrao awpa nata pahneisao awpa ama vaw châ haw.

EZEKIA 36:4 ပူးပေါင်းရင်းမြစ်များ

HLAZY 79:4

Eima chheipâh râhzy pasipasawh awpa lâta pua ha pi ta, Eima kiapâh liata a ypazy ta miah pahneisao ei ta, Miah ama reipachhie.

ISAI 6:11

Chatawhcha kei ta, “Hy ei Zibeipa, khati taih ma a châ aw?” tah na ta. Abeipa ta hetana heta einâ chhy: “Khihpizy rao khaipa ta, Khihsawzy y khao leipa ta a y hlâlei; Ozy rua khaipa ta, Râh roryhrapa ta a y hlâlei;

ZEREMIAH 29:10

“Abeipa ta hetana heta a tah: Babylaw atâhna kô sysari a tloh nahta, cha vaw tly aw ei na ta, nama hnohta bie ei taihpa kha patlô aw na ta, he su lâ he ei châ chhi pakhua heih aw ei.

EZEKIA 34:28

Phopizy ta ama hraopa châ khao leipa aw ei ta, râh sahrâhpazy ta âmo cha sie khao aw veih ei. Â bohpa ta pahrâ aw ei ta, ahy hmahta pachisa khao aw veih ei.

EZEKIA 34:8

Ei hrona reipa ta ei reih, Abeipa Zehôvâh ta a tah. Mietaku­ vaituhpazy y leipa ei ta, ei mietaku vaituhpazy ta ei mietakuzy tlua hra leipa ei ta, mietaku vaituhpazy ta âmo tlao a pasa ei ta, ei mietakuzy ama pasa leipa vâta, ei mietakuzy cha tai awpa dei châ ei ta, sahrâhpazy nie awpa lâta amâ lie haw.

EZEKIA 36:1

“Nâ, chyhsa sawchapawpa y, Izarei tlâhzy hnohta hrohsona bie phuah la, ama hnohta hetana heta reih teh: Hy Izarei tlâhzy saih u, Abeipa bie thei teh u.

EZEKIA 36:6

Chavâta Izarei râh kyh liata hrohsona bie phuah la, tlâhpizy nata tlâhthlôhzy, chavahzy nata saikaozy hnohta hetana heta reih mah y. Abeipa Zehôvâh ta hetana heta a tah: Pachâ teh u, phopizy reipachhiena nama taopa vâta, ei hiatlia pasana ta hiehâhpa ta bie vaw reih ha na ta.

EZEKIA 6:14

Ama chô liata ei ku pazawh aw na ta, ama pahrâna su zydua, râhchawhpa tawhta Riblâ taihta, râh cha roryhrapa nata arypa ta ei tao aw. Chatanachata kei he Abeipa ei châ tahpa ama pahno aw.”

EZEKIA 6:3

Ama hnoh ta, ‘Nâmo, Izarei tlâhpizy saih u, Abeipa Zehôvâh bie he nathlie teh u! Abeipa Zehôvâh ta tlâhpizy nata tlâhthlôhzy, chavah kaozy nata saikaozy hnohta hetana heta a tah: Nathlie teh u, kei, keima tlai ta nama chô liata zaozi vaw patlôsa aw na ta, nama su sâhpazy ei parao khai aw.

RYHPACHANEINA 11:11

Hnei awpa ta nama pangaipa râh cha tlâhzy nata saikaozy yna râh châ ta, vâsua ti a daopa râh a châ.