EZEKIA 36:3 - Mara Bible RV (BSI)

³ hrohsona bie phuah la, hetana heta reih teh. Abeipa Zehôvâh ta hetana heta a tah: Roryhrapa ta cha tao ei ta, su to tawhta cha chanaohpa ta, phopi hropazy eih vaw châ ha ei chi ta, chyhsazy ta ama rei awpa nata reipachhie awpa ta ama cha tao hapa vâta,

EZEKIA 36:3 ပူးပေါင်းရင်းမြစ်များ

HLAZY 35:25

Ama palôh liata, “Khawh, eima khopa eima hmô ha hih!” Ama tah awpa pasaih leipa la; “Eima palâ khai haw,” Ama tah awpa chhao pasaih khah y.

HLAZY 61:1

Hy Khazohpa, ei awna he thei la, Ei thlahchhâna he nathlie mah y.

HLAZY 69:12

Thokhy chhikao liata a tyuhpazy ta ei kyh reih ei ta, Sahma paripazy ta hla eina phi ei.

HLAZY 79:10

Khazia ma phopizy ta, “Ama Khazohpa cha khataih liata a y?” ama tah aw? Châ chakaotuhpazy thisaih phuh miah lapa la, Eima hmiakô lia tlai ta, Phopizy hry liata pahnopa ta y mawh sy!

HLAZY 79:4

Eima chheipâh râhzy pasipasawh awpa lâta pua ha pi ta, Eima kiapâh liata a ypazy ta miah pahneisao ei ta, Miah ama reipachhie.

BIESOZY 1:12

Athihkhih hawhta a hrohpa ta âmo cha palâ sih la, Khaohtlô liata a tlapazy hawhta ama pôhpa dua ta palâ ei suh u.

ZEREMIAH 18:16

Ama râh cha roryhrapa ta paysa ei ta, Chhâzaw ta hmaotô chie awpa ta ama tao. A chapiapa maihta noâh tah ei ta, Ama luh ama chahuah.

ZEREMIAH 2:15

Chakeibarôhneipa lochopazy ta a rôh thlu ei ta, A paro ngaitapa ta amâ rôh thlu lymâ. A râh roryhrapa ta tao ei ta, A khihpizy chhao ry khai ha ta, A chhôh liata a pahrâpa y khao veih ei.

ZEREMIAH 24:9

Khizaw khinarâh zydua ta ama moka awpa ta tao aw ei na ta, âmo ei tona su to liata ama reipachhiepa, chhiena lâta pakhopâna ta ama hmâpa, ama pasipasawhpa nata chhie ama sa thlupa ta ei tao aw ei.

ZEREMIAH 33:24

“He chyhsazy ta, ‘Abeipa ta â tlyhpa phopi miano cha a thy ha ei,’ tahpa ta ama reipa pachâ beih va chi ma? Cha hawhna chata ei phopi cha mohnao ei ta, âmo mohmô liata la phopi tah tlâh chhao châ khao veih ei.

ZEREMIAH 51:34

Zaio khihsawzy ta, “Babylaw bei Nebukaneza ta na palâ ha ta, Eina chaeih pazao haw; Beih ruapa ta na tao ta, Parihpi hawhta eina palâ haw; Ei niedo pahâhpazy ta a py a pabie ta, Chysia hawhta na saoh ta eina thy haw.

ZEREMIAH 52:1

Zedekia cha â bei pathao nota kô kih nata kô khapa châ ta, Zerusale liata kô hrawh hleikha â bei. A nô moh cha Hâmutâ châ ta, Libnâ khihpa Zeremiah sawchanô a châ.

CHAPHÔHTUNA 2:2

Abeipa ta zawngiahna rai hnei leipa ta palâ ta, Zakaw pahrâna su zydua a palâ khai haw; A pathiiana ta parao ta, Zudâh sawchanô thokhyzy a parao khai haw; Khinarâh nata a beimachâzy chhao, Nohzaopa ta a panawh khai ha ei.

CHAPHÔHTUNA 2:5

Abeipa cha chariahpa hawhta châ ha ta, Izarei a palâ khai haw; A bei ozy palâ khai ha ta, A thokhyzy a parao khai haw; Zudâh sawchanô chhôh liata, Mâchhiesana nata chaphôhtuna a papôh haw.

CHAPHÔHTUNA 3:62

Nâ siehnaopazy hmao nata pachânazy ta Noh y ta eina chakhia;

EZEKIA 12:20

Chyhsa pahrâna khihpizy cha, khih rypa lâta taopa châ aw ei ta, râh cha roryhrapa ta y aw. Chatanachata Abeipa ei châ tahpa nama pahno aw,’ tahpa ta reih mah y,” tah ta.

EZEKIA 13:10

Thlalôhna a y leipa tlai ta, ‘Thlalôh â chhih na,’ tahpa ta, hrohsopazy ta ei phopi a chhi chhei ei ta, râhsawzy ta thokhy dadiehpa ama taopa cha hlyu râhpa hnia ei ta ama chhiehruh.

EZEKIA 35:13

Na pakah ta ei chô liata nâ palai thlupa ta, keima chakhiana bie hluhpi reih chi ta, ei thei khai haw.

EZEKIA 36:5

Chavâta Abeipa Zehôvâh ta hetana heta a tah: Ei hiatlia pasana ta phopi hropazy nata Edômâ mo zydua chô liata hiehâh ngaitapa ta bie vaw reih ha na ta. Âmo cha palôh a ly ngaitapa nata papeisana rai hnei leipa ta ei râh nâ chhupazy châ ei ta, râh sibie phana suzy cha ama hraona sôh ta a taopazy ama châ.

DÂNIAH 9:16

Hy Abeipa, ei châ haw na, siana ta na hmotaozie zydua hawhta, na hiehâhna nata na pathiiana cha Zerusale, na tlâh pathaihpa tawhna heta rie pakuasa ha mah y. Keimo moleinazy nata miah pathlatuhzy paraona vâta, Zerusale nata na chyhsazy he eima chheipâh chyhsazy ta ama rei tyh awpa eima vaw châ ha hih.

THEIHTHAINA 26:43

Châhrasala râh cha siesaipa ta y aw ta, âmo y leipa ta roryhrapa ta a y chhôh ta a Pahânohzy a hmâh aw. Ei ryhpazy zyh khoh leipa ei ta, ama hro ta ei bieraopazy â haopa vâta, ama paraona vâta hriena cha amâ tyh awpa a châ.

ÔBADIA 1:13

Ei phopi chhiena amâ tyh noh ta, Ama thokhy chhikao namâ ngia awpa châ vei; Chhiena vâta riethei ama tao noh ta, Nama saipaza thlâh ha awpa châ vei; Pachârôhpa ta ama y noh ta, Ama sôhzy nama la awpa châ hra vei.

1 KAWRINI 4:13

Reipachhiepa ta eima y nahta, bie pha eima hlâ tyh. Tanoh taih heta hnaihny hawhta pachâpa châ pi ta, khizaw puapa zydua atohna hawhta pachâpa eima châ.

RYHPACHANEINA 28:37

Chatanachata Abeipa ta a châ chhi nawpa phopi zydua hry liata, chichhihpa nata bieso nata hmo chhiepa lâta pakhopâna nama châ aw.