EZEKIA 33:2 - Mara Bible RV (BSI)

² “Chyhsa sawchapawpa y, na phopi chho la, ama hnohta hetana heta reih teh: Râh chô liata zaozi ei vaw patlôsa tita, râhsawzy ta ama hry tawhta chyhsa pakha a tlyhpa ta, âmo riahvaituhpa ta tao ei sala,

EZEKIA 33:2 ပူးပေါင်းရင်းမြစ်များ

ISAI 62:6

Hy Zerusale y, Na thokhy chô liata riahvaituhpazy soh ha na ta, Chhô nah zâ ta ama vaih aw; A chalih beih aw veih ei. Nâmo, Abeipa a padotuhpazy saih u, Y molo khuh vy.

ZEREMIAH 12:12

Râhchawhpa awphy tlâh lakizy liata, Paraotuhpa vaw tlô ha ta, Râh chhâna hiakha lâ tawhta hiakha lâ taihta, Abeipa zaozi ta a palâ khai haw; Thlalôhpa ta ahy hmah y thei khao veih ei.

ZEREMIAH 25:31

Abeipa cha phopizy lyuhtua awpa a hneipa vâta, Â rôhpa pyu cha alei chhâna taihta a khaihpalie aw; Sapa zydua pachiana liata a ngiakhei aw ta, Hmoparaopazy cha zaozi lâ a hlâ aw ei,’ Abeipa ta a tah.

ZEREMIAH 51:12

Babylaw thokhyzy cha ngiana poh chaluah chie u la, Khihpi vaina cha thapatlô teh u; Vaituhpazy soh u la, A byh nawpazy a chhuanoh teh u; Babylaw chyhsazy kyh a reipa kha, Abeipa ta a chhuanoh ta a tao ha hih.

EZEKIA 11:8

Zaozi chi kaw ei chi ta, zaozi cha nama chô liata ei vaw patlôsa aw, Abeipa Zehôvâh ta a tah.

EZEKIA 14:17

“Râh chô liata zaozi patlôsapa ta, ‘Zaozi ta râh chahryh sala, chyhsapa nata sazy râh tawhta chhawh pathlah khai ha mawh sy,’ ei tah khiahta cha,

EZEKIA 14:21

“Abeipa Zehôvâh ta hetana heta a tah: Ei pachiana pasa ngaitapa miapalih, zaozi, chakâhna, sahrâhpa nata potlana zy Zerusale chô liata patlôsapa ta, khihpi tawhta chyhsapa nata sa ei chhawh pathlah khai tita cha, a rarôh y ngaita kaw aw dia!

EZEKIA 3:11

Seichâna liata a ypa na phopi sawzy lâ sie la, ama nathlie tlyma, nathlie vei tlyma, ama hnohta, ‘Abeipa Zehôvâh ta hetana heta a tah,’ tahpa ta âmo cha kei chho mah y,” tah ta.

EZEKIA 3:27

Na hnohta bie ei rei tita deikua cha, na pakah pahy aw na ta, ama hnohta, ‘Abeipa Zehôvâh ta hetana heta a tah,’ na tah aw. A thei khohpa ta thei aw ta, a thei khoh leipa cha thei leipa ta a y aw. Saw chhorupazy ama châ.

EZEKIA 33:1

Abeipa bie ei hnohta vaw tlô ta:

EZEKIA 33:12

“Chavâta chyhsa sawchapawpa y, na phopi hnohta hetana heta reih teh: Mosiapa cha hmo a paraona noh liata, a siana ta pachha leipa aw ta, moleipa chhao a moleina a siesai noh liata, a moleina vâta pao aw vei. Mosiapa cha a moleina noh liata, a siana vâta hroh thei hlei aw vei.

EZEKIA 33:17

“Chatanachôta na phopi ta, ‘Abeipa lâpi he a do vei,’ ama tah pyly. Adoleipa cha âmo lâpi tlao a châ.

EZEKIA 33:30

“Nâma kyh liata cha, chyhsa sawchapawpa y, thokhy kiapâh nata ochhizy liata na thâtih a reih khoh kaw tyhpazy ta a chho raihrie ei ta, chyhsa to ta ama unawhzy hnohta, ‘A vy u la, Abeipa tawhta bie a puapa nathlie tua u,’ ama tah awh.

EZEKIA 33:7

“Chavâta nâ, chyhsa sawchapawpa y, Izarei pathlazy vaituhpa ta ei cha tao. Ei pakah tawhta bie na theina maihta, kei tawhta zikyurâna bie na chho lymâ aw ei.

EZEKIA 37:18

Na phopi sawzy ta, ‘Kha hawhta na taopa kha khâpa ma na rei khoh tahpa miah chho aw va chi ma?’ ama cha tah khiahta cha,

EZEKIA 6:3

Ama hnoh ta, ‘Nâmo, Izarei tlâhpizy saih u, Abeipa Zehôvâh bie he nathlie teh u! Abeipa Zehôvâh ta tlâhpizy nata tlâhthlôhzy, chavah kaozy nata saikaozy hnohta hetana heta a tah: Nathlie teh u, kei, keima tlai ta nama chô liata zaozi vaw patlôsa aw na ta, nama su sâhpazy ei parao khai aw.

HÔSIA 9:8

Hrohsopa cha ei Khazohpa châ ta, Epharai riahvaituhpa a châ; Châhrasala a lâpi zydua liata, Pavaw khoheih ta y khâh ta; A Khazohpa o liata, Ahaona ta a ykhâh.

THEIHTHAINA 26:25

Nama chô liata zaozi chareisa aw na ta, cha chata biehrai phuh la aw ta, nama khihpizy liata pahmaoh pakhypa ta nama y aw. Nama hry liata hri chareisa aw na ta, chariahpa ku liata hlâpa nama châ aw.

ZEKARIA 13:7

“Hy Zaozi, a hra teh; Ei mietaku vaituhpazy a dyuh la, Nâ chakaotuhpa a dyuh teh,” Pheisaihzy Abeipa ta a tah. “Mietaku vaituhpa tu la, Mietakuzy pai aw ei ta, Mietakutawzy chô liata ei ku ei pazawh aw.