EZEKIA 32:7 - Mara Bible RV (BSI)

⁷ Ei cha pamua tita, Avâzy khu aw na ta, Ama awhsizy ei pazohsa aw; Noh cha meihdo ta pahlisa aw na ta, Thlâpâ ta a khaihna papua khao aw vei.

EZEKIA 32:7 ပူးပေါင်းရင်းမြစ်များ

ZAWBÂ 9:7

Noh biepie ta chhi leipa ta, Awhsizy a khawhlôh theipa a châ.

BIESOZY 13:9

Mosiapa khaihna cha khaih pha ta, Moleipa meiôh deikua cha pachhaipa a châ aw.

BIECHHOTUHPA 12:2

noh nata khaihna nata thlâpâ nata awhsi zy a zoh hlâta nata vâsua khai tawhta meihdozy a kua heih hlâta;

ISAI 13:10

Vâ awhsizy ta ama khaihna papua leipa aw ei ta, Awhsi hlaozy ta ama khaihna papua aw veih ei; Noh a vaw chhipa nahta thlai pazohsapa châ aw ta, Thlâpâ chhao a khaihna papua khao aw vei.

ISAI 34:4

Avâ liata a ypa zydua thuzao khai aw ei ta, Avâ khi châbu chatypa hawhta chatypa a châ aw; Kre zôh tawhta kre hna zôpa hawhta, Avâ liata a ypa zydua khi tla aw ei ta; Theiku kô tawhta theiku hna zôpa hawhta, Avâ liata a ypa zydua ama tla aw.

ZEREMIAH 13:16

Abeipa ta zohna vaw patlôsapa ta, Tlâhpizy chô liata a zoh chy ta nama phei â chapia hlâta, Khaihna na hnabeiseihpa cha zohmyhna lâta pachâsapa ta, Zoh kaluhna lâta a pachâsa hlâta, Abeipa nama Khazohpa cha palyupalih teh u.

EZEKIA 30:18

Tehâphanehe liata Izi raopaky thlie aw na ta, Â palaikhei kaw tyhpa a thatlôna ei pachhâsa tita, Tehâphanehe liata noh a zoh aw; Khihpi cha meihdo ta khu aw ta, A sawchanôzy seichâna lâ ama sie aw.

EZEKIA 30:3

Noh a hnia ha tlôh ta, Abeipa noh â hnia haw; Meihdo zohna noh châ aw ta, Phopizy châta raona noh a châ aw.

EZEKIA 31:15

“Abeipa Zehôvâh ta hetana heta a tah: Sidy tho Athihkhih lâ a zu noh ta ti athupazy cha mâchhiesana ta khu na ta, a chavahzy patu na ta, chavah hluhpizy cha loh khao leipa ta amâ chalih haw. Lebanaw chhao ano vâta zohmyhna ta khu na ta, lyurâhpa tho zydua ano vâta ama panao khai haw.

EZEKIA 34:12

Mietaku vaituhpa ta a mietaku zaw a vai nota mietaku a paipatlapazy a tluapa hawhta, ei mietakuzy cha tlua aw ei na ta, vâ panohna nata zohmyhna noh liata, ama paipatlana su zydua tawhta ei pachha aw ei.

ZÔELA 2:10

Ama hmiakô liata alei a sih ta, Avâzy â chalyu. Noh nata thlâpâ zoh ei ta, Awhsizy khaih khao vei.

ZÔELA 2:2

Zohna nata zoh myhna noh châ ta, Meihdo a chhohpa nata zoh kaluhna noh a châ. Avyhpa ta khupa hawhta, Phopi thatlôpa nata maluh hluh ngaitapa ta Tlâhpizy cha a khu khai haw. Cha hawhpa cha y beih leipa ta, Chhâ vaw y awpa zydua liata chhao y heih khao aw vei.

ZÔELA 2:31

Abeipa noh rônahpa nata rarôh ypa a vaw tlô hlâta, Noh cha zohna lâta a lie aw ta, Thlâpâ chhao thisaih lâta â lie aw.

ZÔELA 3:15

Noh nata thlâpâ zy zoh ei ta, Awhsizy khaih khao veih ei.

AMÔSÂ 8:9

“Cha noh liata cha, Nohchhô ta noh patlasa aw na ta, Noh y liah ta alei ei pazohsa aw.

MATHAI 24:29

“Cha nohzy liata rietheipasana a y khaipata nahta, noh pazohsapa châ aw ta, thlâpâ khaih khao leipa aw ta, avâ tawhta awhsizy tla aw ta, avâ hmotaotheinazy cha chalyupa ta a y aw.

MÂKA 13:24

“Cha nohzy liata, riethei pasana a y khai tawhta, noh pazohsapa châ aw ta, thlâpâ khaih khao leipa aw ta,

LUKA 21:25

“Cha daihti liata, noh nata thlâpâ nata awhsizy liata ngiana y aw ta, tilaipi a aohpa nata tichatlaopazy pyu vâta, khizaw liata phopizy nôpopa nata pachârôhpa ta ama y aw.

BIEPHUAH 8:12

Vâlyuhchâpa papalihna ta a chiahmie vaw tô ta, noh su thôh su kha, thlâpâ su thôh su kha, awhsizy su thôh su kha paraopa a châ. Ama khaihna su thôh su kha pazohsapa châ ta, chhô daihti su thôh su kha cha khaih khao leipa ta, zâ daihti su thôh su kha chhao khaih khao vei.