EZEKIA 32:26 - Mara Bible RV (BSI)

²⁶ “Cha liata Mese Tubâ nata a zawpizy y ei ta, a thlâzy a kiapâh liata y ta, ama zydua ta chopawtaileipa, zaozi ta thiepazy châ ei ta, ahrohpazy râh chichhihpa ta a taotuhpazy ama châ.

EZEKIA 32:26 ပူးပေါင်းရင်းမြစ်များ

ÂTHAONA 10:12

Ninivâ nata Kalâ khih likawh liata Rese khih chhao padua ta, cha khih cha khih rônah ngaitapa a châ.

ÂTHAONA 10:2

Zaphethâ sawchapawzy cha Kôme, Mâkaw, Mâdai, Zavâ, Tubâ, Mese nata Tirâ zy ama châ.

1 THÂTIHZYRONA 1:5

Zaphethâ sawchapawzy cha Kôme, Mâkaw, Mâdai, Zavâ, Tubâ, Mese nata Tirâ zy ama châ.

ISAI 66:19

Ama hry liata ngiana soh aw na ta, ahrohpazy cha âmo tawhta râhzy lâta tuah aw ei na ta, libaw a chabapa Tâsi, Puli nata Ludi lâzy tuah aw ei na ta, tilaipi kiah râh hlapi liata a ypa, ei mohpathâhna a thei beih leipa nata ei rônahna a hmô beih leipa Tubâ nata Zavâ mozy lâ ei tuah aw ei. Chatanachata râhzy liata ei rônahna ama phuah aw.

EZEKIA 27:13

Zavâ mo, Tubâ mo nata Mese mozy chhao ta châ daoh ei ta, chyhsapa nata dawh chhaichhizy ta na hmobaohzy ama cha ri tyh.

EZEKIA 32:27

Chopawtaileipa thatlôpazy cha, ahrohpazy râh chichhihpa ta a taotuhpazy ama châpa vâta, Mese Tubâ nata a sahlaozy cha chopawtaileipa thatlôpa a pao hapazy hnohta a zia aw veih ei. Âmo cha adyuhna chaihrai chhaota Athihkhih lâ a zupa châ ei ta, ama zaozi a hua ei ta, ama ruzy chô liata ama moleina a ypazy ama châ.

EZEKIA 32:32

Ahrohpazy râh liata chichhihna patlôsa na ta, Phiraoh nata a zawpizy cha, zaozi ta thiepa chopawtaileipazy hry liata amâ zia aw, Abeipa Zehôvâh ta a tah.”

EZEKIA 39:1

“Chavâta, nâ, chyhsa sawchapawpa y, Kawkâ kyh liata hrohsona bie phuah la, a hnohta hetana heta reih teh. Abeipa Zehôvâh ta hetana heta a tah: Moh teh, Hy Kawkâ, Mese nata Tubâ bei lai chaipa y, ei châ dyuh.