EZEKIA 32:24 - Mara Bible RV (BSI)

²⁴ “Cha liata Elâmi y ta, a thlâ chheipâh liata a sahlaozy y ei ta, ama zydua zaozi ta thiepa ta a paopazy ama châ. Chopawtaileipa ta alei ry lâ a zupazy châ ei ta, ahrohpazy râh chichhihpa ta a taotuhpazy ama châ. Khaohtlô liata a tla hapazy hnohta nozapa ta ama y.

EZEKIA 32:24 ပူးပေါင်းရင်းမြစ်များ

ÂTHAONA 10:22

Semâ sawchapawzy cha Elâmi, Asuria, Apasâ, Ludi nata Aramia zy châ ei ta,

ÂTHAONA 14:1

Sinâ bei Amrâphe, Elâsâ bei Ariôka, Elâmi bei Kedaolaome nata Kôimâ bei Tidâ zy amâ beina daihti liata,

1 THÂTIHZYRONA 1:17

Semâ sawchapawzy cha Elâmi, Asuria, Apasâ, Ludi nata Aramia zy châ ei ta, Aramia sawchapawzy cha Uzi, Hulâ, Kethe nata Mese zy ama châ.

ZAWBÂ 28:13

Chyhsapa ta a sôna pahno vei, A sôna cha ahrohpazy râh liata y vei.

HLAZY 142:5

Hy Abeipa, cha aw na ta, “Ei chhaina châ chi ta, Ahrohpa râh liata ei tovyuh na châ,” ei cha tah.

ISAI 11:11

Cha noh liata, Abeipa ta a ei nona ta a ku pazawh heih aw ta, a phopi laibâhpazy cha Asuria, Izi, Pâtharô, Kusi, Elâmi, Sinâ nata Hâmathi râhzy tawhta nata tilaipi kiah râhzy tawhta â vaw chhipakhy heih aw ei.

ISAI 38:11

Abeipa hmô thei khao ngyu leipa aw na ta, Ahrohpazy râh liana heta, Abeipa hmô thei khao ngyu aw va na; Khizaw chyhsazy hry liana heta, Chyhsapa moh heih thei khao ngyu aw va na, Tahpa ta ei vaw pachâ hmâ haw.

ZEREMIAH 11:19

Kei deikua cha mietakutaw nônaipa Thie awpa ta amâ chhipa hawhta ei châ. “Tho cha a thei chhaota parao sih la, A moh a thei thlâhpa a châ khao lei nawpa ta, Ahrohpa râh tawhta chhawh pathlah ha suh u,” Ama tahpa kha, Ei chô liata tao amâ chhuahpa a châpa Vaw pahno leipa na ta.

ZEREMIAH 25:25

Zimri bei zydua, Elâmi bei zydua nata Media bei zydua;

EZEKIA 16:52

Na narôzy thai ama châ thei nawpa ta a duakheituhpa lâta na pua hapa vâta, maophyuhna cha na phaoh tlai awpa a châ. Âmo moleina hlâta pasichhih viapa moleinazy na taopa vâta, âmo cha nâma hlâta a do viapa ta na papua ha ei. Chavâta nâ chhao nozapa ta y la, na nohzaona phaoh teh. Na narôzy chyhsa siapa hawhta na tao ha ei hih.

EZEKIA 16:54

Chatanachata na nohzaona phaoh aw chi ta, na hmotaopa zydua vâta nozapa ta y aw chi ta, âmo châta hnangâhna na châpa aw ei.

EZEKIA 26:20

hlâno chyhsa khaohtlô lâ a zu hapazy hnohta cha pazusa aw na ta, alei ry liata ei cha pahrâsa aw. Khaohtlô lâ a zu hapazy hnohta, hlâno tawhta roryhrapa ta a y hapa khaohtlô liata ei cha pahrâsa aw. Chyhsa pahrâna châ khao aw va chi. Ahrohpazy râh liata deikua cha, ei chhithaina ei chareisa aw.

EZEKIA 31:14

Chavah kiah liata thozy â sâh ngaitapa ta laiseih khao leipa ei sala, vâ meihdo taihta ama kithlao chaluah khao hra leipa ei sala, ti ta pasapa tho kheihawhpa hmahta ano tlu ta amâ sâh khao lei nawpa ta, he zydua he taopa a châ. Âmo cha alei ry khaohtlô lâ a zu hapa chyhsa sawzy yna lâ sie awpa ta, thina lâta hlâ hapazy ama châ.

EZEKIA 31:18

“Idâh thokôzy hry liata rônahna nata palyupalihna liata nâ hawhpa he ahy a y tly? Châhrasala Idâh thozy chhaota alei ry lâ thypa châ aw chi ta, zaozi ta thiepa chopawtaileipazy hry liata nâ zia aw. “Cha hawhna chata Phiraoh nata a zawpi zydua cha ama châ aw,” Abeipa Zehôvâh ta a tah.

EZEKIA 32:18

“Chyhsa sawchapawpa y, Izi nata phopi rônahpa zuahzy cha khaohtlô liata a tla hapazy hnohta alei ry lâ pathla la, Izi zawpizy cha hetana heta chakhei teh:

EZEKIA 32:19

“‘Chhithaina kyh liata ahy ma na khô tly? Zu la, chopawtaileipazy hry liata a zia teh.’

EZEKIA 32:21

Izi nata a zawpizy kyh liata, beimachâ thatlôpazy nata âmo baotuhpazy ta, ‘Zaozi ta thiepa chopawtaileipazy a zu ei ta, amâ zia thlâh haw,’ tahpa ta Athihkhih tawhta ama reih aw.

EZEKIA 32:25

Sawvawhpazy hry liata ano nata a sahlaozy châta rakhô taopa ei ta, a thlâzy a kiapâh liata y ta, ama zydua ta chopawtaileipa, zaozi ta thiepazy ama châ. Ahrohpazy râh chichhihpa ta a taotuhpazy châ ei ta, khaohtlô liata a tla hapazy hnohta nozapa ta y ei ta, sawvawhpazy hry liata sopa ama châ.

EZEKIA 32:30

“Cha liata maw lâta abeizy y ei ta, âmo nata Sidaw mo zydua cha, ama thatlôna hmâpa ta chichhihna a patlôsatuhpazy ama châpa vâta, thiepazy hnohta nozapa ta a zupazy châ ei ta, zaozi ta thiepazy hnohta chopawtaileipa ta a zia ei ta, khaohtlô liata a tla hapazy hnohta nozapa ta ama y.

EZEKIA 34:29

Chichei bialo pha ngaitapazy pie aw ei na ta, râh liata nodipa ta thi khao leipa aw ei ta, phopizy pahneisaopa ta y khao aw veih ei.

EZEKIA 36:15

Râhzy ta ama cha reipachhiena thei khao leipa aw chi ta, phopizy mohnaopa châ khao hra leipa aw chi ta, na râh papaosa khao aw va na,” Abeipa Zehôvâh ta a tah.

EZEKIA 39:26

Ahy hmahta âmo cha pachisa khao leipa ta, ama râh liata chhôhmohpa ta ama pahrâ tita, ama nozana nata ei chô liata ama paraona zydua ama my khai ha aw.

EZEKIA 44:13

Theihthaipa chakaona rai hria awpa ta nâ vaw hnia leipa aw ei ta, ei hmo pathaihpa kheihawhpa hmahta a hnia hra leipa aw ei ta, hmo pathaih chaipazy a hnia aw veih ei. Hmo pasichhihpa ama taopazy vâta, ama nohzaona maoh ama phaoh tlai aw.

DÂNIAH 8:2

Aluahna liata hmô na ta; hetana heta vaw châ ta, aluahna ei hmô nona cha kei cha Elâmi râh liata Susâ thokhy khihpi liata vaw y thlâh ha na ta. Aluahna liata hmô na ta, Ulai chavah kiah liata vaw y na ta.

HABAKU 2:16

Rônahna châ leipa ta, Nozana ta tlao na bie aw; Nâ chhao doh teh, Na thluahruana â lâna hâh ta! Abeipa ku chachâh lâta nyu cha, Nâ lâ a vy aw ta, Na rônahna cha nozana ta a khu aw.

MATHAI 11:23

Nâ, Kâpynia, avâ taihta palyupalihpa ta na y aw ma? Athihkhih lâ a daophi pathlahpa na châ aw. Nâma liata hmonoâhpa taopazy kha, Sawdawmâ liata taopa châ sala, Sawdawmâ kha tanoh taihta a y thlâh ha awpa tlai.