EZEKIA 32:2 - Mara Bible RV (BSI)

² “Chyhsa sawchapawpa y, Izi bei Phiraoh châta chaphôhtuna hla phi la, a hnohta hetana heta reih teh: “Phopizy hry liata Chakeibarôhneipa ta a pachâ chi ta, Châhrasala tilaipizy liata drâkao tlao na lyu; Na chavahzy chatlaosapa ta a pasiepasâ chi ta, Na pheizy ta tizy chahriapa ta, Ama chavahzy na panôsa tyh.

EZEKIA 32:2 ပူးပေါင်းရင်းမြစ်များ

ÂTHAONA 49:9

Zudâh cha chakeibarôhneipa taw châ ta, Hy ei sawchapawpa, Sa taipa tawhta a laiseihpa na châ. Zudâh cha a bôh ta, Chakeibarôhneipa hawhta a byu ta, Chakeibarôhneipa panô hawhta â byu tyh; Ahy a pathyu ngâh aw?

ZAWBÂ 41:23

A sabiazy a patlopa ta, Liahsa a baipâ khai ha ta, Pasie thei awpa rimâ châ vei.

ZAWBÂ 7:12

Tilaipi ma châ na ta, Tilaipi nga laipa ma châ na ta, Nâ vaituhpa na so tly?

BIESOZY 25:26

Chyhsa siapa moleipa hmiakô liata a paopa cha, Vahtie panôpa nata tihnawh puapa hawhta a châ.

BIESOZY 28:15

Phopi dyhchhiepa chô liata ryureihtuh chhiepa cha, Chakeibarôhneipa a rôhpa hawhta châ ta, Chavyh a thyupa hawhta a châ.

BIESOZY 30:30

Chakeibarôhneipa cha râhsazy hry liata thatlô chaipa châ ta, Khâpa ta hmahta pasysa thei vei.

ISAI 27:1

Cha noh liata, Abeipa ta a zaozi laipa, tiahpa nata thatlôpa hmâpa ta, Leviathâ parihpi a chakhao ngâpa cha a hrie aw. Leviathâ parihpi a pakipa cha hrie aw ta, tilaipi liata parihpi a ypa cha a thie aw.

ISAI 51:9

Hy Abeipa bâh y, a hra la, a hra la, Thatlôna ta a tobi mah y. Chhâ a khô hapazy liata nâ hrapa hawhna khata a hra la, Hlâno daihti liata nâ hrapa hawhna khata a hra heih mah y. Rahâbi a chhawh pachhô khai hapa kha, Nâma châ chi ta; Drâkao a chô pahlietuhpa chhao kha, Nâma ma na châ vei?

ZEREMIAH 4:7

 nyuna sipopa tawhta chakeibarôhneipa vaw pua ha ta, Râhzy paraotuhpa a vaw pua haw; Na râh roryhrapa ta tao awpa ta, A yna su tawhta a vaw pua haw; Na khihpizy cha khihpi rypa châ aw ei ta, A chhôh liata a pahrâpa y khao aw veih ei.

ZEREMIAH 46:7

“Nile chavah hawhta lai ta, Chavah ti laipa hawhta â chatlaopa cha, Ahy ma a châ tly?

ZEREMIAH 46:8

Nile chavah hawhta a laipa cha Izi châ ta, Chavah ti laipa hawhta â chatlaopa cha ano a châ. Izi ta, ‘Lai aw na ta, Alei ei vao aw; Khihpizy nata ama khihsawzy Ei pahleipadia aw ei,’ a tah.

ZEREMIAH 9:18

A vaw para ei sala miah vaw chakhei mawh ei sy. Chatanachata eima mozy tawhta raithlih loh sala, Eima mo vozy tawhta mothlih loh mawh sy.

EZEKIA 26:17

Chaphôh cha tupa aw ei ta, hetana heta ama cha tah aw: “‘Hy Khihpi moh pathâhpa, Tilaipi chyhsazy pahrâna khihpi, Tilaipi chô liata thatlôpa ta a ypa khihpi y, Tyre nata a khihsawzy cha, Râhsawzy ta ama chi thlâ bao na ta, Na raona cha a rarôh y kaw dia!

EZEKIA 27:2

“Tahmâ nâ, chyhsa sawchapawpa y, Tyre châta chaphôh tu la,

EZEKIA 27:32

Chaphôhtuna hla cha phi aw ei ta, Chaphôh ama cha tupa aw. Tyre hawhpa he ahy ma a y tly? Tilaipi liah liata pahleipadiapa ahy ma a y tly?

EZEKIA 28:12

“Chyhsa sawchapawpa y, Tyre bei châta chaphôhtuna hla phi la, a hnohta, ‘Abeipa Zehôvâh ta hetana heta a tah,’ tah mah y: “Phapakipa chahnaona kusadi na châ; Sona ta bie chi ta, Chhithai pakipa na châ.

EZEKIA 29:15

Khinarâh zydua liata nawraih chaipa châ aw ta, râhzy chô lâta anosasyh ta a cheihchalo beih khao aw vei. Thata panawhsa aw ei na ta, râhzy chô liata ryureih beih khao aw veih ei.

EZEKIA 29:3

‘Abeipa Zehôvâh ta hetana heta a tah,’ tah teh: “Nâ, Izi bei Phiraoh, Chavahzy liah liata tisadâh rarôh ypa, ‘Nile chavah he kei eih châ ta, Keima châ tlai ta ei taopa a châ,’ a tahtuhpa y, Moh teh, ei châ dyuh hih.

EZEKIA 32:16

“Khazy kha Izi châta ama chaphôhtuna hla awpa cha a châ. Phopi zuahzy ta chaphôhtuna hla cha sa aw ei ta, Izi nata a zawpizy châta chaphôh ama tu aw, Abeipa Zehôvâh ta a tah.”

EZEKIA 32:18

“Chyhsa sawchapawpa y, Izi nata phopi rônahpa zuahzy cha khaohtlô liata a tla hapazy hnohta alei ry lâ pathla la, Izi zawpizy cha hetana heta chakhei teh:

EZEKIA 34:18

Sibiepa su phapa liata nama lao nama bâpa â daih tah leipa ei chi ta, khazia sibiepa suzy cha tlypâpa ta nama parao khai tly? Ti pasohpa nama dopa â daih tah leipa ei chi ta, khazia ti cha nama phei ta tlypa ta nama panôsa khai tly?

EZEKIA 38:13

Sebâ nata Dedâ nata Tâsi sôdaohpazy nata ama chhituhpa zydua ta na hnohta, ‘Hraona sôh la awpa ta ma nâ vy? Hraona sôh, tâkâ, ngôh nata sahroh zawzy nata hmobaohzy siekheipa ta, sôh hluhpi hrao awpa ta ma na pheisaihzy na pahmaoh?’ ama cha tah aw.

MALUHREINA 24:9

Chakeibarôhneipa tôhpa hawhta a byu ta, Chakeibarôhneipa panô hawhta â zia; Ahy a pathyu ngâh aw? Byhnâ châ awpatuhpa cha byhnâ to sala, Chhie châ sapatuhpa cha chhiesapa châ mawh sy,” tah ta.

MATHAI 7:24

“Ei biezy he thei ta a taopa maih cha, chyhsa sopa, lôpanô chô liata o a sapa hawhta a châ.