EZEKIA 32:12 - Mara Bible RV (BSI)

¹² Pasaiphazy zaozi ta Na zawpizy papaosa aw na ta, Phopi nôchhie chaipa hmâpa ta Na zawpizy ei papaosa aw; Izi rônahna cha parao aw ei ta, A chyhsa zydua ama leidia aw.

EZEKIA 32:12 ပူးပေါင်းရင်းမြစ်များ

ZEREMIAH 46:12

Phopizy ta na maophyuhna thâtih thei ei ta, Na chana ta leilô a bie. Pasaipha nata pasaipha a chakho ei ta, Ama pano ta ama pao khoh.”

EZEKIA 28:19

Phopizy hry liata nâma châ pahnotuhpa zydua ta Noâhpa ta ama cha moh; Rarôh ypa ta chhâ chi ta, Khatita hmah y heih khao aw va chi.”

EZEKIA 28:7

Pachâ teh, chihropazy cha pasiehnaosa aw na ta, Phopi nôchhie chaipa ei cha pasiehnaosa aw; Na sona thei a ngiapa chô liata Ama zaozi pahieh aw ei ta, Na rônahna hraoleipa ama pachâsa aw.

EZEKIA 29:19

Chavâta Abeipa Zehôvâh ta hetana heta a tah: Pachâ teh u, Izi râh cha Babylaw bei Nebukaneza pie aw na ta, a hneirônazy siekhei khai aw ta, râh hneirônazy la khai aw ta, a hrao khai aw. Cha hraona sôh cha a pheisaihzy hlao châta a châ aw.

EZEKIA 30:11

Babylaw bei nata a phopi, Phopizy hry liata nôchhie chaipa phopi cha, Râh parao awpa ta ama châ aw; Izi chô liata ama zaozi hy aw ei ta, Râh cha chyhsa ri ta ama pabie aw.

EZEKIA 31:11

phopizy hry liata phopi thatlô chaipa ku liata hlâ aw na ta, a moleina nata â phuhpa ta a chô liata a tao aw. Phiraoh cha ei papua haw.

EZEKIA 31:12

Chihropa nata phopizy hry liata phopi nôchhie chaipazy ta thlu ei ta, ama siesai haw. Tlâhpizy liata nata saikaozy liata a chiahzy tla hôlô ta, chavah kaozy liata a chiahpizy a tlie hôlô. Khizaw phopi zydua ta a nohdi tawhta pua ei ta, ama siesai haw.

EZEKIA 32:18

“Chyhsa sawchapawpa y, Izi nata phopi rônahpa zuahzy cha khaohtlô liata a tla hapazy hnohta alei ry lâ pathla la, Izi zawpizy cha hetana heta chakhei teh: