EZEKIA 32:10 - Mara Bible RV (BSI)

¹⁰ Phopi hluhpi ta noâh ama tah awpa ta cha tao aw na ta, Ama hmiakô liata ei zaozi ei pahieh tita, Nâma vâta ama beizy chhao ama chi ngaita aw. Na pao noh liata cha, Chyhsa to ta ama hrona pahlei awpa chipa ta, Khâ amâ chalyu aw.

EZEKIA 32:10 ပူးပေါင်းရင်းမြစ်များ

1 ABEIZY 9:8

He o he raona a pachona a châ aw. A chapiapa maihta noâhpa ta ama hmaotô chie aw ei ta, ‘Khazia ma Abeipa ta he râh nata he o he, he hawhta a tao ha tly?’ tah aw ei ta,

ISAI 30:32

Abeipa ta chôchahrei rao chiehpa hmâpa ta âmo a tuna maih liata, paotlâ nata totâ zy ta patla panô tyh aw ei ta, a chôchahrei hmâpa ta âmo cha â dyuh aw ei.

ZEREMIAH 51:9

Babylaw cha patlâh a chhuah pi ta, Châhrasala tlâh thei vei. Chavâta ano cha siesai sih la, Eima râh chyu lâta sie ei suh u; Ano hrie nawpa kyh vârâh tlô ha ta, Avâ taihta chalopa a châ ha hih.

EZEKIA 26:16

Tilaipi kiah râh bei zydua cha, ama beidyuchhai tawhta chô aw ei ta, ama poh rônahpazy hlai aw ei ta, ama chysia a ngiapazy ama pahluh aw. Achalyuna ta tlao a tobi aw ei ta, a chalyupa ta alei liata a tyuh aw ei ta, cha moh aw ei ta noâh ama tah aw.

EZEKIA 27:35

Tilaipi kiah râhzy liata a pahrâpa zydua ta Noâhpa ta ama cha moh; Ama beizy cha chipa ta ama pôhmi a loh ta, Ama hmia a hlâh khai haw.

EZEKIA 30:9

“Cha noh liata, chhôhmohpa ta a ypa Kusi mo pachisa awpa ta, balyh ta lyuhchâpazy tuah aw ei na ta, Izi raona noh liata, ama chô liata nôpona ta a tlô thlu aw ei. Moh teh, cha noh cha a vaw tlô hai!

ZEKARIA 11:2

Hy Meisah thozy, cha teh u, Sidy tho a pao ha hih, Tho phapapazy ama rao ha hih! Hy Bâsanâ ôkâ thozy, cha teh u, Râhmâhpa â mua khai ha hih!

RYHPACHANEINA 29:24

Phopi to ta, ‘Khâpa vâta ma Abeipa ta cha râh cha, cha hawhta a tao tly? Cha hawhta hiehâhna ru ngaitapa a patlôsapa cha, khâpa ma a chhâpa a châ tly?’ ama tah aw.

RYHPACHANEINA 32:41

Ei zaozi patliepa ta sah la, Ryureina ei chaba tita cha, Ei khakhaipazy chô liata phuh la aw na ta, Nâ haotuhpazy viari ei thô aw ei.

BIEPHUAH 18:10

A pasataona chipa ta, lâhlapi ta a duah aw ei ta, hetana heta ama tah aw: “Cha rimâ cha! Cha rimâ cha! Nâ, khihpi rônahpa, Nâ, khihpi thatlôpa, Hy Babylaw khihpi! Dawh kha chhôh ta, Na rao khai ha he zaw.”