EZEKIA 31:3 - Mara Bible RV (BSI)

³ Pachâ teh, Asuria cha Lebanaw liata sidy tho châ ta, A chiah a ngiapa nata a nohdi buh a rôhpa a châ; Thokô a sâh ngaitapa châ ta, A kithlao vâ meihdo taihta a daihpa a châ.

EZEKIA 31:3 ပူးပေါင်းရင်းမြစ်များ

HLAZY 92:12

Mosiapa cha thiahrâ kô hawhta locho aw ta, Lebanaw sidy tho hawhta a laiseih aw.

ISAI 37:24

Châ chakaotuhpazy hmâpa ta Abeipa pasipasawh chi ta, ‘Ei talailih hluhpi chhaota tlâh sâhpazy kiah na ta, Lebanaw chhâna taihta ei kiah haw; A sidy tho a sâh chaipazy thlu na ta, A meisah tho pha chaipazy ei thlu haw; A tlâh sâh chaipa tlô ha na ta, A râhmâhpa pha chaipa ei ngia haw.

ZEREMIAH 17:8

Ano cha ti kiah liata tho lopa hawhta châ ta, Chavah kiah liata thari a pazawhpa hawhta a châ; A hnazy khâ hroh ta, Noh lopa a vaw tlôpa chi vei; A thei patheipa a chalih leipa ta, Noh kâhna kô liata a pachâ rôh vei.”

ZEREMIAH 50:18

“Chavâta Pheisaihzy Abeipa, Izarei Khazohpa ta hetana heta a tah: “Pachâ teh u, Asuria bei ei hriepa hawhta, Babylaw bei nata a râh chhao ei hrie aw.

EZEKIA 17:22

“‘Zibeipa Abeipa ta hetana heta a tah: Keima tlai ta sidy tho kithlao liata a chiah thlâ aw na ta, ei loh aw. A kih chhâna liata a chhy panyupazy thlie aw na ta, keima tlai ta tlâh sâhpa laki liata ei loh aw.

EZEKIA 19:11

A chiahzy châ kaw ei ta, Abei chôchahrei châta hmâ tlâhpa a châ. Chhobuh rôhpazy chô lâta A sâh patluapa ta y ta,  sâhna nata a chiah hluhna zy vâta  lâ patlua.

EZEKIA 31:10

“Chavâta Abeipa Zehôvâh ­ta hetana heta a tah: A kaw sâhpa ta, vâ meihdozy hry liata a kithlao chaluah ta, â sâhna cha a palôh ta â palaikheipa vâta,

EZEKIA 31:16

A paona pyu ta phopizy chalyusa na ta, khaohtlô lâ a tla hapazy hnohta Athihkhih liata ei thy pathlah nota phopizy ei chalyusa ei. Idâh tho zydua, Lebanaw tho pha chaipazy, ti ta pasapa tho zydua cha alei ry liata thlah palôhpa ta ama y.

EZEKIA 31:17

Zaozi ta thiepazy hnohta Athihkhih lâ zu ei ta, phopizy hry liata a nohdi ry liata a pahrâtuhpa a kupheizy hnohta Athihkhih lâ ama zu.

EZEKIA 31:5

Chavâta lyurâhpa tho zydua hlâta a sâh via ta, A chiahpizy a pahreih kaw; A chiahzy seih ta, Ti hluhpi ta pasapa a châpa vâta, A laiseih lymâ.

EZEKIA 31:6

Vâ pavaw zydua ta a chiahzy liata ama bu tu ei ta, Sa to ta a chiahzy ry liata taw ama pataw; A nohdi ry liata phopi rônahpa zydua ama pahrâ.

EZEKIA 31:8

Khazohpa sadô liata sidy thozy ta a kho leipa ei ta, Meisah thozy ta a chiahzy a kho veih ei; Asieh thozy ta a chiahzy a kho hra leipa ei ta, Khazohpa sadô liata tho kheihawhpa rai ta, Ano hawhta a ngiapa y veih ei.

EZEKIA 32:22

“Cha liata Asuria nata a sahlao zydua y ei ta, ama chheipâh liata ama thlâzy y ta, ama zydua ta zaozi ta thiepa ta a paopazy ama châ.

DÂNIAH 4:10

Hezy he rakhô liata ei zia thlâh ha nota ei luh liata aluahna ei hmôpazy cha a châ. “Mohmia pasaih na ta, moh teh, alei liah liata thokô vaw y ta, thokô a sâh ngaitapa châ ta.

DÂNIAH 4:12

A hnazy a ngia kaw ta, a theizy hluh ta, hro hnei to zydua châta nie awpa ano liata a y. Râhsazy ta a nohdi a chhai ei ta, avâ pavawzy ta a chiahzy liata pahrâ ei ta, sapa zydua ano tawhta pasapa ta ama y.

DÂNIAH 4:7

Moliethaipazy, dyuthaipazy, awhsithaipazy nata pachaothaipazy a vy ei ta, ei mâsapa cha âmo chho ei na ta, châhrasala a chhopasiana na chho thei veih ei.

ZEPHANIA 2:13

Maw lâ râh chô liata a ku hy aw ta, Asuria râh a parao aw; Ninivâ khihpi roryhrapa ta tao aw ta, Râhchâwhpa hawhta a chawhkarai aw.

ZEKARIA 11:1

Hy Lebanaw, na ochhizy pahy teh, Na sidy thozy mei ta a kâ khaina hâh ta.

ZEKARIA 11:2

Hy Meisah thozy, cha teh u, Sidy tho a pao ha hih, Tho phapapazy ama rao ha hih! Hy Bâsanâ ôkâ thozy, cha teh u, Râhmâhpa â mua khai ha hih!

RYUREITUHPAZY 9:15

Ahloh buh ta thozy hnohta, ‘Palôh hmeiseihpa ta nama bei châta sathaw eina thu tlai khiah ei chi ta cha, a vy u la, ei nohdi liata a vaw pahâ teh u. Cha hawhta a châ vei khiahta deikua cha, ahloh buh tawhta mei vaw pua sala, Lebanaw sidy thozy cha kâ khai mawh sy,’ tah ta.