EZEKIA 30:9 - Mara Bible RV (BSI)

⁹ “Cha noh liata, chhôhmohpa ta a ypa Kusi mo pachisa awpa ta, balyh ta lyuhchâpazy tuah aw ei na ta, Izi raona noh liata, ama chô liata nôpona ta a tlô thlu aw ei. Moh teh, cha noh cha a vaw tlô hai!

EZEKIA 30:9 ပူးပေါင်းရင်းမြစ်များ

ISAI 19:17

Zudâh râh cha Izi mo châta chichhihpa a châ aw. Pheisaihzy Abeipa ta Izi chô liata hmo a tlô awpa a pachhuahpanoh hapa vâta, Zudâh moh ama reipa a theipa Izi chyhsa maihta ama chi ngaita aw.

ISAI 20:3

Chatawhcha Abeipa ta, “Nâ chakaotuhpa Isai ta Izi nata Kusi chô liata a tlô awpa ngiana nata biesakâvawna châta kô thôh chhôh thluahruapa nata pheiky a ky leipa ta a sievawhpa hawhta,

ISAI 20:5

Ama hnabeiseihna Kusi nawhna nata amâ palaikheipa Izi nawhna vâta nôpopa nata nozapa ta ama y aw.

ISAI 23:5

Bie pathâhpa cha Izi râh a tlô tita, Tyre kyh vâta thata ama palôh a pasa aw.

ISAI 47:8

Chavâta nâ haosai sai tlaichhai chi ta, Â bohpa ta a tyuhpa ta na palôh liata, “Keima tlai he na ei châ, Keima leipa ta mohropa y veih ei; Nôhmei châ beih leipa aw na ta, Sawzy pahlei beih aw va na,” a tahtuhpa y, He he thei teh:

ZEREMIAH 49:21

Ama paona pyu ta alei a chalyu aw ta, ama chapa pyu cha Tilaipi Saihpa lia taihta theipa a châ aw.

ZEREMIAH 49:31

“Thyu u la, chhôhmohpa ta a ypa phopi cha a kei dyuh u la, Thlalôhpa ta a ypa phopi cha a kei dyuh teh u; Thokhy chhikaozy nata a hraina lâzy hnei leipa ta, Âmo dei ta khih a sapa phopi cha siehnao teh u,” Abeipa ta a tah.

EZEKIA 24:14

Kei Abeipa ta reih ha na ta, a vaw tlô tlai aw. Ei tao tlai aw. A sy leipa aw na ta, pahlôh hra leipa aw na ta, pathleih hra aw va na. Na hroziezy nata na hmotaopazy hawhta pachiapa na châ aw, Abeipa Zehôvâh ta a tah.”

EZEKIA 26:16

Tilaipi kiah râh bei zydua cha, ama beidyuchhai tawhta chô aw ei ta, ama poh rônahpazy hlai aw ei ta, ama chysia a ngiapazy ama pahluh aw. Achalyuna ta tlao a tobi aw ei ta, a chalyupa ta alei liata a tyuh aw ei ta, cha moh aw ei ta noâh ama tah aw.

EZEKIA 27:35

Tilaipi kiah râhzy liata a pahrâpa zydua ta Noâhpa ta ama cha moh; Ama beizy cha chipa ta ama pôhmi a loh ta, Ama hmia a hlâh khai haw.

EZEKIA 33:33

Cha hmo cha vaw tlô tlai aw ta, a vaw tlô tita, ama hry liata hrohsopa a y tahpa ama pahno aw.”

EZEKIA 38:11

‘Thokhy a hnei leipa khihzy yna râh siehnao aw na ta, chhôhmohpa ta a ypa chyhsazy ei tla thlu aw ei. Ama zydua ta thokhy hnei leipa ta a pahrâpazy châ ei ta, thokhy chhikao nata ahraina thuatlai a hnei leipazy ama châ,’ na tah aw.

EZEKIA 39:6

Mâkaw nata tilaipi kiah râhzy liata chhôhmohpa ta a pahrâpazy chô liata mei papua aw na ta, chatanachata kei he Abeipa ei châ tahpa ama pahno aw.

AMÔSÂ 4:2

Abeipa Zehôvâh ta A pathaihna moh reipa ta bie â taih ha ta, Moh teh u, nohzy a cha vaw tlô thlu hai ei; Thua akopazy ta ama châ chhi nawpa noh vaw tlô hai ta, Nama sawzy taihta keipa ta amâ chhi nawpa noh a vaw tlô hai.

HABAKU 2:3

Aluahna cha a daihti raopa hâ chy ta, Chhâna kyh reih ta, Rei chhei aw vei. Vaw tlô mâh vei hra sala, Hâ hualua mah y; A vaw tlô thlyu aw, Hawh aw vei.

ZEPHANIA 2:12

“Nâmo, Kusi mo chhao, Ei zaozi ta thiepa nama châ aw.”

ZEPHANIA 2:15

He he khihpi haosai pha kawpa, Thlalôhpa ta y ta a palôh liata, “Keima, keima hleikhô ta ahy ma a y?” A tahpa khihpi kha châ vei ma? Kheihtazieta ma ziahzirohpa ta y ta, Râhsazy lôpu lâta a liepa ta, A chapiapa maihta ama hmaotô chie ei ta, Ama ku ama chatho thlupa a vaw châ thlâh ha tly i!

1 THYSALAWNIKA 5:2

Abeipa Noh cha zâ ta parutuhpa hawhta a vaw tlô aw tahpa nâmo tlai ta a sia kawpa ta nama pahno.

RYUREITUHPAZY 18:7

Chatawhcha chyhsa papangawhzy cha pua ei ta, Laisâh khih tlô ei ta, cha liata chyhsazy cha thlalôh kawpa ta y ei ta, Sidaw mo hawhta sidiapa nata chhôhmohpa ta ama ypa hmô ei ta. A chhâpa cha, ama chô liata bie a hneipa nata khâpa kyh vâta tlyma ama noh a pazao awpa râh liata ama y leipa vâta a châ. Sidaw mo nata chhao a hla kaw ei ta, ahy nata hmah azaona hnei veih ei.