EZEKIA 30:4 - Mara Bible RV (BSI)

⁴ Izi chô liata zaozi vaw tlô aw ta, Kusi liata nôpona a y aw. Izi liata ama thiepazy pao aw ei ta, A hneirôna siekheipa châ aw ta, Â bônazy paraopa a châ aw.”

EZEKIA 30:4 ပူးပေါင်းရင်းမြစ်များ

ISAI 16:7

Chavâta Môabâ cha Môabâ châta cha sala, Mo to ta cha mawh ei sy. Kiaherese kre chawhpa viahchhâzy châta, Mâchhiesapa ta y u la, Pachârôh ngaitapa ta y muh vy.

ISAI 18:1

Mathlaw a chakhyhpazy pahrâna râh, Kusi chavah kiahzy liata a ypa râh cha, A hu a po na!

ISAI 19:2

Izi mo a dyuh awpa ta Izi mo lilaw pathyu aw ei na ta, Âmo nata âmo amâ dyuh aw; Pakha nata pakha a dyuh aw ei ta, Opa nata opa amâ dyuh aw; Khihpi nata khihpi a dyuh aw ei ta, Khinarâh nata khinarâh amâ dyuh aw.

ISAI 20:3

Chatawhcha Abeipa ta, “Nâ chakaotuhpa Isai ta Izi nata Kusi chô liata a tlô awpa ngiana nata biesakâvawna châta kô thôh chhôh thluahruapa nata pheiky a ky leipa ta a sievawhpa hawhta,

ZEREMIAH 46:9

Hy arâzy saih u, tôh u la, Hy talailihzy saih u, a pathluah teh u! Pasaiphazy pua mawh ei sy: Vyhphao a chabapa Kusi mo nata Puti mozy pua ei sala, Likathaipa Ludi mo chhao pua mawh ei sy.

ZEREMIAH 50:15

Su to tawhta rahao chie teh u; A chariahpa ku liata â pie ha ta, A diasuazy pao ta, A thokhyzy a cho haw. Abeipa phuh lana a châ hih: A chô liata phuh la u la, A taopa hawhta a chô liata tao hra teh u.

EZEKIA 28:23

A chhôh liata potlana patlôsa aw na ta, A khiliahzy liata thisaih lona ei patlôsa aw; Thiepazy a chhôh liata pao aw ei ta, Kaokih tawhta zaozi ta ama pao aw; Chatanachata Abeipa ei châ tahpa ama pahno aw.

EZEKIA 29:12

Izi râh cha roryhrapa râhzy hry liata roryhrapa râh miakha ta tao hra aw na ta, a khihpizy cha khihpi rypazy hry liata kô sypalih chhôh a rypa ta a y aw. Izi mo cha phopizy hry liata hiepatla aw ei na ta, râhzy liata ei papai aw ei.

EZEKIA 29:19

Chavâta Abeipa Zehôvâh ta hetana heta a tah: Pachâ teh u, Izi râh cha Babylaw bei Nebukaneza pie aw na ta, a hneirônazy siekhei khai aw ta, râh hneirônazy la khai aw ta, a hrao khai aw. Cha hraona sôh cha a pheisaihzy hlao châta a châ aw.

EZEKIA 29:8

“Chavâta Abeipa Zehôvâh ta hetana heta a tah: Pachâ teh, na chô liata zaozi vaw patlôsa aw na ta, chyhsapa nata sa zy nâ tawhta ei chhawh pathlah khai aw ei.

EZEKIA 38:5

Persia, Kusi nata Puti zy chhao âmo hnohta a chhi aw ei na ta, ama zydua ta vyhphao nata thua lakhu a hneipazy ama châ.

DÂNIAH 11:43

Ngôh nata tâkâ hneirônazy chô liata biehnei aw ta, Izi hmo sôhpa zydua chô liata chhao biehnei aw ta, Libia mo nata Kusi mozy cha ano liata a ngiarihpa ta ano ama pazi aw.

ZEPHANIA 2:12

“Nâmo, Kusi mo chhao, Ei zaozi ta thiepa nama châ aw.”