EZEKIA 30:12 - Mara Bible RV (BSI)

¹² Nile chavah pakua aw na ta, Râh chhao moleipazy hnohta ei zuah aw; Chihropazy ku hmâpa ta, Râh nata a chhôh liata a ypa zydua chô liata Roryhrana ei patlôsa aw; Kei Abeipa ta ei reih haw.’

EZEKIA 30:12 ပူးပေါင်းရင်းမြစ်များ

ISAI 44:27

Ti a thupa hnohta, ‘Kua teh, na chavahzy ei pakua khai aw,’ A tahtuhpa ei châ.

ZEREMIAH 50:38

Nohkâhna ta a tizy a dyuh aw ta, Ama kua khai aw. Khazoh nothlahpazy yna râh châ ta, Khazoh nothlahpazy vâta Ama hru khai hana râh a châ.

ZEREMIAH 51:36

Chavâta Abeipa ta hetana heta a tah: “Pachâ teh, na chhâh a châ aw na ta, Na phuh ei cha lapa aw. A tilaipi pakua aw na ta, A tihnawh ei pachawhkaraisa aw.

EZEKIA 28:10

Chihropazy ku ta thi aw chi ta, Chopawtaileipa thi ta na thi aw; Ei reih haw,’” Abeipa Zehôvâh ta a tah.

EZEKIA 29:3

‘Abeipa Zehôvâh ta hetana heta a tah,’ tah teh: “Nâ, Izi bei Phiraoh, Chavahzy liah liata tisadâh rarôh ypa, ‘Nile chavah he kei eih châ ta, Keima châ tlai ta ei taopa a châ,’ a tahtuhpa y, Moh teh, ei châ dyuh hih.

EZEKIA 31:12

Chihropa nata phopizy hry liata phopi nôchhie chaipazy ta thlu ei ta, ama siesai haw. Tlâhpizy liata nata saikaozy liata a chiahzy tla hôlô ta, chavah kaozy liata a chiahpizy a tlie hôlô. Khizaw phopi zydua ta a nohdi tawhta pua ei ta, ama siesai haw.

NÂHU 1:4

Tilaipi rapa ta pakua ta, Chavah zydua a pakua khai; Bâsanâ nata Kâmel raoh ei ta, Lebanaw pawpi a uah.

1 KAWRINI 10:26

“Alei he Abeipa eih châ ta, a chhôh liata hmo zydua chhao Abeipa eih a châ.”

BIEPHUAH 16:12

Vâlyuhchâpa pacharuna ta a biebuh cha Ufrâti vahpi liata patlai ta. Nochhi beizy châta lâpi a chhuahdy awpa ta, a ti cha kua ha ta.

RYUREITUHPAZY 2:14

Chavâta Abeipa cha Izarei chô liata a pathi ia ta, hraotuhpazy lâta âmo cha pie ta, ama hrao haw. Ama chheipâh chariahzy ku liata âmo cha zuah ta, ama chariahzy hmiakô liata a duah thei khao veih ei.