EZEKIA 3:9 - Mara Bible RV (BSI)

⁹ Na khi cha pachielô hlâta a châ viapa alô châ chaipa hawhta ei tao aw. Saw chhorupazy châ hra ei sala, âmo cha chi leipa la, ama hmiaphaozie vâta na thlazoh khah sy,” tah ta.

EZEKIA 3:9 ပူးပေါင်းရင်းမြစ်များ

ISAI 41:10

Chavâta chi khah y, Na hnohta ei y mâh tâh; Ngiarohpa ta y hra khah y, Na Khazohpa ei châ hih. Tha cha patlôpa ta cha bao aw na ta, Ei siana ku chachâh lâta khâchâ ei cha patu aw.

ISAI 41:14

Nâ, Zakaw châkariepa y, Chi khah y; Nâmo, Izarei chyhsazy saih u, Chi khuh vy! Ei cha bao aw ei, Abeipa ta a tah. Châ chatlaituhpa cha, Izarei Mo Pathaihpa a châ.

ISAI 50:7

Châhrasala Abeipa Zehôvâh ta na bao ta, Chavâta nohzaopa ta y va na. Chavâta pachielô hawhta ei hmia pachâ na ta, Maophyuh aw va na tahpa ei pahno.

ZEREMIAH 1:17

Nâ deikua cha, na chai a saih la, thyu la, bi ei cha piepa zydua ama hnohta reih mah y. Ama hmiakô liata thlazohpa ta y khah y, chataleipatala ama hmiakô liata thlazohpa ta ei cha paysa pathlei aw na.

ZEREMIAH 1:8

Âmo cha chi khah y, Cha pachha awpa ta na hnohta ei y aw, Abeipa ta a tah,” tah ta.

ZEREMIAH 15:20

He phopi châna heta, Dawh thokhy pâhchhô ta ei cha tao aw; Cha pachha awpa nata cha pabohsa awpa ta, Na hnohta ei ypa vâta, Châ dyuh aw ei ta, Cha pahnie aw veih ei, Abeipa ta a tah.

ZEREMIAH 17:18

Na taolatuhpazy cha maophyuhpa ta y ei sala, Kei deikua cha maophyuhpa ta na paysa khah y. Âmo cha thlazohpa ta y ei sala, Kei deikua cha thlazohpa ta na paysa khah y; Ama chô liata chhiena noh patlôsa la, Raona a pathopa ta âmo cha parao mah y!

EZEKIA 2:6

“Nâ deikua cha, chyhsa sawchapawpa y, ahloh nata diahsaizy ta cha chadôpa ta, râh cha-iazy hry liata pahrâ hra la, âmo cha chi leipa la, ama biezy chi hra khah y. Saw chhorupazy châ ei ta, chavâta ama biezy chi leipa la, ama hmiaphaozy vâta thlazohpa ta y khah y.

EZEKIA 3:10

Abeipa ta ei hnohta reih heih ta, “Chyhsa sawchapawpa y, na hnohta bie ei rei awpa zydua he, na nah ta thei la, na palôh liata khô ha mah y.

EZEKIA 3:8

Moh teh, na hmia cha âmo hmia châpa tlu ta châ awpa ta tao ha na ta, na khi chhao âmo khi châpa tlu ta châ awpa ta ei tao haw.

EZEKIA 44:6

Izarei pathla chhorupazy hnohta hetana heta reih mah y: Abeipa Zehôvâh ta hetana heta a tah: Hy Izarei pathlazy saih u, hmo pasichhihpa nama taopa zydua â daih haw.

MIKÂ 3:8

Kei deikua cha Zakaw hnohta a paraona phuah ta, Izarei hnohta a moleina phuah nawpa ta, Hmotaotheina ta ei bie; Abeipa Thlahpa ta bie na ta, Adona nata thatlôna ta ei bie.

ZEKARIA 7:12

Ama palôh cha pachielô châkarôpa hawhta pachâsa ei ta, Pheisaihzy Abeipa Thlahpa ta hrohsopa hmiatuapazy hmâpa ta a reipa ryhpa bie nata chhoreina biezy nathlie khoh veih ei. Chavâta Pheisaihzy Abeipa hiehâhna rarôh ypa cha vaw tlô ta.

1 TIMAWTHY 2:3

Cha cha miah Pachhatuhpa Khazohpa mohmô ta pha ta, â lyzie a châ.

2 TIMAWTHY 2:6

Lyutaopa hriapasapa cha a thei a nie tua awpa a châ.