EZEKIA 3:27 - Mara Bible RV (BSI)

²⁷ Na hnohta bie ei rei tita deikua cha, na pakah pahy aw na ta, ama hnohta, ‘Abeipa Zehôvâh ta hetana heta a tah,’ na tah aw. A thei khohpa ta thei aw ta, a thei khoh leipa cha thei leipa ta a y aw. Saw chhorupazy ama châ.

EZEKIA 3:27 ပူးပေါင်းရင်းမြစ်များ

EZEKIA 11:25

Abeipa ta eina pahmôsapa zydua cha, seichâna liata a ypazy chho ei na ta.

EZEKIA 2:4

Chhâ sâlâpa nata chhorupazy ama châ. Âmo lâ cha tuah na ta, ama hnohta, ‘Abeipa Zehôvâh ta hetana heta a tah,’ na tah aw.

EZEKIA 2:5

Saw chhorupazy châ ei ta, ama nathlie tlyma, nathlie vei tlyma, ama hry liata hrohsopa a y tahpa chhâ cha ama pahno aw.

EZEKIA 24:27

Cha noh liata, a râpa hnohna chata na pakah â aw chi ta, a hnohta bie reih aw chi ta, a chalih thlâh ha khao aw va chi. Chatanachata âmo châta ngiana châ aw chi ta, Abeipa ei châ tahpa ama pahno aw,” tah ta.

EZEKIA 29:21

“Cha noh liata, Izarei pathlazy tawhta ki pathaosa aw na ta, âmo hry liata na pakah ei cha paâsa aw. Chatanachata Abeipa ei châ tahpa ama pahno aw.”

EZEKIA 3:11

Seichâna liata a ypa na phopi sawzy lâ sie la, ama nathlie tlyma, nathlie vei tlyma, ama hnohta, ‘Abeipa Zehôvâh ta hetana heta a tah,’ tahpa ta âmo cha kei chho mah y,” tah ta.

EZEKIA 3:26

Na reih pathlie thei leipa ta, âmo na chhorei thei lei nawpa ei ta, na paleih na dâh liata ei pabaisa ha aw. Saw chhorupazy ama châ.

EZEKIA 3:9

Na khi cha pachielô hlâta a châ viapa alô châ chaipa hawhta ei tao aw. Saw chhorupazy châ hra ei sala, âmo cha chi leipa la, ama hmiaphaozie vâta na thlazoh khah sy,” tah ta.

EZEKIA 33:22

Cha a râpa chyhsa â vy hlâ zâlâ ta, Abeipa ta ei chô liata a ku pahnieh ta, my ta kei lâ a vaw tlôna daihti liata ei pakah na pahy ta, ei pakah â na ta, reih pathlie thei leipa châ khao leipa na ta.

EZEKIA 33:32

Pachâ teh, âmo châta la, nâ cha ao ngia ngaitapa ta aohraohna hla a sapa nata pyu ngiapa a tô thaipa hawhta na châ. Na bie thei aw ei ta, châhrasala zyh hlei aw veih ei.

MATHAI 11:15

Theina nakhaoh a hneipa ta thei mawh sy.

MATHAI 13:9

Nakhaoh a hneipa ta thei mawh sy,” tah ta.

LUKA 21:15

Bie nama rei awpa cha pie aw ei na ta, sona cha pie aw ei. Nama khakhaipazy ta nama bie cha ei thei leipa aw ei ta, cha pachhaipadai thei aw veih ei.

EPHESI 6:19

Pakah âpa ta thâtihpha bienyupa riahpha ngaitapa ta phuah awpa ta, bie rei awpazy piepa ei châ thei nawpa ta, kei châta na hiapa hra teh u.