EZEKIA 3:20 - Mara Bible RV (BSI)

²⁰ “Cha hawh pyly ta, chyhsa siapa cha a siana a heihsai ta, hmo doleipa a taopa vâta, a hmiakô liata achapiana ei so khiahta cha, a thi aw. Zikyu nâ râ leipa vâta, a moleina vâta thi aw ta, hmo pha a taopazy a theipa châ khao aw vei. A thisaih maoh deikua cha na ku liata a y aw.

EZEKIA 3:20 ပူးပေါင်းရင်းမြစ်များ

2 THÂTIHZYRONA 24:2

Zôasâ cha theihthaipa Zehôdâ hro chhôh zydua cha Abeipa mohmô ta hmo phapa tao ta.

2 THÂTIHZYRONA 25:15

Chavâta Abeipa cha Amazia chô liata a pathi thata ia ta, ano lâ hrohsopa tuah ta, hrohsopa ta Amazia hnohta, “Khazia na ku tawhta ama chyhsazy a pachha thei leipa phopi khazohzy nâ chhy?” tah ta.

HLAZY 119:165

Na ryhpa a pasôtuhpazy cha, Thlalôhna ipa hnei ei ta, Khâpa ta hmah papao thei aw veih ei.

HLAZY 125:5

Lâpi akopazy lâta a tleipazy deikua cha, Abeipa ta hmoparaopazy hnohta a papua aw ei! Izarei chô liata thlalôhna y mawh sy!

HLAZY 36:3

A pakah biezy cha haipa nata dôveina bie sai châ ta, So kawpa nata a phapa ta hmotaopa a bâsai haw.

BIESOZY 25:12

Ngôh rahy nata ngôh suapa atobina kho â chhihpa hawhta, Chyhsa sopa chhoreina chhao, Reingiahpa nakhaoh liata kho â chhih.

ISAI 64:6

Chyhsa pathaih leipa hawhta châ khai ha pi ta, Eima siana hmotaopa zydua chhao, Chysia pua­pa hawhta a châ haw. Eima zydua ta chhohna hawhta uah pi ta, Eima paraonazy ta thlih hawhta miah a phaoh.

ISAI 8:14

Ano cha supathaihpa châ aw ta, Izarei phopi mianopazy châta deikua cha, Moleina lô châ aw ta, Achapiana lôpanô a châ aw. Zerusale khihsawzy châta chhao, Aphyh nata khoheih a châ aw.

ZEREMIAH 34:16

Châhrasala a ngiapachhi ei chi ta, âmo khotlyna tlai ta khotalaina pie ei chi ta nama papuasa hapa nama seichapawzy nata nama seichanôzy la pakhua heihpa ta, nama biehneina ry liata seizy ta tao heih ei chi ta, ei moh nama papuapalei haw.

ZEREMIAH 6:21

Chavâta Abeipa ta hetana heta a tah: ‘He phopi hmiakô liata achapiana lôzy soh aw na ta, Cha liata amâ chapia aw; Paw nata saw a chapia khoh aw ei ta, Vaih nata a viasa ama leidia khoh aw.’”

EZEKIA 14:3

“Chyhsa sawchapawpa y, he chyhsazy he ama khazoh nothlahpazy ama palôh liata soh ei ta, ama paraona ahluana lô ama hmia liata a sohpa ama châ hih. Einâ saohiah awpa ei ta ei paryhsa awpa a châ rai ma?

EZEKIA 18:24

“Cha hawh pyly ta, mosiapa ta a siana a heihsaipa ta, hmo doleipa tao sala, moleipazy taopa hawhpa hmo pasichhihpazy a tao khiahta cha, a hroh thei aw ma? Siana hmo a taopazy khâpa hmah a theipa châ khao aw vei. A ngâchhih leina vâta thaileichâpa ta y ta, moleina hmo a taopazy vâta a thi aw.

EZEKIA 18:26

Mosiapa ta a siana siesaipa ta, hmo doleipa a tao khiahta cha, cha vâna chata a thi aw. Hmo doleipa a taopa vâta a thi aw.

EZEKIA 3:18

Moleipa hnohta, ‘Na thi tlai awpa a châ,’ ei tah tita, cha moleipa cha a hrona pabohsa awpa ta zikyu a râ leipa la, a moleina lâpi siesai awpa ta chho hra leipa la, a paraona vâta a thi khiahta cha, a thisaih maoh na phaoh aw.

EZEKIA 33:18

Mosiapa ta a siana siesaipa ta, hmo doleipa a tao khiahta cha, hmo doleipa a taopa vâta a thi aw.

EZEKIA 33:6

Riahvaituhpa ta zaozi a vaw tlôpa cha hmô ta, châhrasala chiahmie a tô leipa vâta, phopi cha zikyu a râpa châ leipa ei ta, chavâta zaozi a vaw tlô tita ama hry liata chyhsa ahy rai a leidia khiahta deikua cha, cha chyhsa cha a paraona vâta a leidiapa châ ta, a thisaih maoh deikua cha riahvaituhpa ku liata ei hnaw aw.

EZEKIA 7:19

Ama tâkâzy khiliah liata thy aw ei ta, ama ngôhzy chhao, hmo pathaih leipa hawhta a châ aw. Ama tâkâ nata ngôhzy ta Abeipa hiehâhna noh liata âmo pachha thei aw vei. Ama nodi papai thei leipa aw ta, ama py pabie aw vei. Tâkâ nata ngôh cha, moleina liata ama pao nawpa lâta âmo â chhi tyhpa deita a châ.

DÂNIAH 9:18

Hy ei Khazohpa, na nah pachôh la, nathlie tua; na mo padeih la, keimo nata na moh a phaohpa na khihpi roryhra hapa he moh tua. Eima hiapazy he eima siana vâta na hmiakô liata a vaw tlôkheipa châ leipa pi ta, na zawngiahna rônah ngaitapa vâta tlao a châ.

THEIHTHAINA 19:17

“Na palôh ta na unawhpa nâ hao awpa châ leipa ta, a thaileichâna liata nâ hlao hra lei nawpa ta, na vaih cha na chhorei awpa a châ.

ZEPHANIA 1:6

Abeipa pazi ha tlôh ta a kuasai heihpazy Chhawh pathlah aw ei na ta, Abeipa tlua leipa ta, ano a saohiah leipa maih cha, He su tawhta ei chhawh pathlah khai aw ei,” Abeipa ta a tah.

MATHAI 18:15

“Na unawhpa ta na chô liata hmo a parao khiahta cha, ano lâ charei la, ano nata nâma deita pahnopa ta â do leina cha chho mah y. A cha nathlie khiahta cha, na unawhpa cha na pahnie hapa a châ.

LUKA 2:34

Simeôna ta âmo cha byhnâ awpa ta, a nô Mâri hnohta, “Pachâ teh, he hawti he Izarei hry liata chyhsa hluhpi paona nata thyuna châta raopa a châ. Ano cha ngiana châ aw ta, chyhsa hluhpi ta ama reipachhie aw.

LUKA 8:15

Lei phapa liata a tlapazy cha hezy he ama châ. Bie thei ei ta, palôh dopa nata phapa phaopa ta â ipa ta patu ei ta, hria hualuapa ta thei ama pathei tyh.

RAWMA 11:9

Dâvi chhao ta, “Ama tlâhkhai cha, Ama châta khoheih nata aphyh châ sala, Achapiana nata viarithôna châ mawh sy.

1 KAWRINI 1:23

Keimo deikua cha, Krista khaipâpa thâtih eima chho. Cha cha Zuzy châta achapiana châ ta, Zenitaizy châta hruna a châ.

RYHPACHANEINA 13:3

cha hrohsopa bie tlyma, mâ sapa ta chhochhielietuhpa bie tlyma cha nama nathlie awpa châ vei. Abeipa nama Khazohpa ta ano cha nama pathipalôh tlokhuh ta nata nama thlahpa tlokhuh ta kyh nama pachâ ma, pachâ vei ma, tahpa a pahno khohpa vâta a cha pasiapa ei a châ.

HEBRAI 10:38

Ei chyhsa siapa cha, Ngiapâna ta a hroh aw; Hnôh a sypa deikua cha, A chô liata alyna rai hnei aw va na.”

HEBRAI 13:17

Nama hyutuhpazy rei a ngiah u la, ama biehneina liata a ngiarih teh u. Khazohpa hmiakô liata nama thâtih a reih awpazy châ ei ta, pachârôhna chôta châ leipa ta, a ly kawpa ta nama thâtih ama rei thei nawpa ta nama thlahpa a vaituhpazy ama châ. Pachârôhna chôta nama thâtih reipa cha, nama châta phahnai aw vei.

1 PITY 2:8

Achapiana lô vaw châ ta, Moleina lôpanô a vaw châ haw.” Bie ama zyh leipa vâta a chapia ei ta, cha hawhta y awpa ta raopa rai ama châ.

1 ZAWHÂNA 2:19

Âmo cha eima hry tawhta pua ei ta, châhrasala eima chyhsa hmeiseihpa châ veih ei. Eima chyhsa hmeiseihpa châ ei sala, eima hnohta ama y lymâ aw. Châhrasala ama zydua ta eima chyhsa hmeiseihpa châ veih ei tahpa a lâ pasia nawpa ta, miah ama puasai haw.