EZEKIA 28:5 - Mara Bible RV (BSI)

⁵ So ngaitapa ta sôh na paliepa vâta, Hneirôh via rili chi ta, Châhrasala na hneirôna nâ palaikhei haw.

EZEKIA 28:5 ပူးပေါင်းရင်းမြစ်များ

2 ABEIZY 14:10

Edômâ cha pahnie ha tlai chi ta, chavâta na palôh a lai kaw bâ he. Na rônahna liata na palôh tlâh sala, o liata tlao y molo mah y. Khazia tymâna taopa ta, nâma paona liata Zudâh chhao na paokhei aw?” tah ta.

2 THÂTIHZYRONA 25:19

‘Edômâ ei pahnie haw,’ tah chi ta, na palôh a palaisa chi ta. Na o liata y molo thlâh ha teh. Khazia tymâna taopa ta na pao aw? Khazia Zudâh chhao na hnohta a pao aw?” tah ta.

HLAZY 52:7

“Moh tua u, he chyhsa he, Khazohpa cha â chhaina ta tao leipa ta, A hneirôna liata a pahnieh ta, A moleina liata tha â patlôpa chyhsa a châ hih,” ama tah aw.

HLAZY 62:10

Chyhsa hmo chhupa liata ngâna pahnieh leipa u la, Hraona sôh liata hnabeiseihna doleipa hnei hra khuh vy; Hneirôna a vaw pôh tita, Cha liata nama palôh soh khuh vy.

HLAZY 62:11

Khazohpa ta ei kha reih ha ta, He he ei no ei theina a châ: Hmotaotheina cha Khazohpa eih châ ta,

BIESOZY 11:28

A hneirôna a ngâchhâpa cha pao aw ta, Mosiapa deikua cha sibiepa hrohpa hawhta a laiseih aw.

BIESOZY 26:12

Ano mokhaoh liata â pasosa kawpa chyhsa na hmô tyh ma? Cha hawhpa chyhsa hlâta cha, Ahrupa châta hnabeiseihna a y via.

BIESOZY 30:9

Chataleipatala lôhrâtlôpa ta y aw na ta, “Abeipa cha ahy ma a châ?” tahpa ta, Ei châ paphasai pathlei aw na. Dyhchhiepa ei châ khiahta cha paru aw na ta, Khazohpa moh ei pachhie pathlei aw na.

ISAI 23:3

Ti lai ngaitapazy chô liata Sihaw sâh vaw sie ta, Nile kôvei cha Tyre sôh hmôna châ ta, Tyre cha râhzy sôhpaliena supipa a châ tyh.

ISAI 23:8

Ahy ma beilakhozy a pakhosatuhpa Tyre chô liata He hmo he tao a chhuah tly? Tyre sôdaohpazy cha beimachâzy châ ei ta, Cha liata sôhpalietuhpazy chhao, Lei chyhsa zachhihpazy mah ama châ tâh.

ISAI 5:21

Âmo mo liata â pasosa kaw ei ta, Âmo mohmô liata thai â tah kawpazy cha, Ama hu a po na!

ZEREMIAH 49:4

Hy sawchanô ngâchhih leipa y, Na saikao râh phapazy a palaikheipa ta, Na ryusôhpazy a ngâchhâ chi ta ma, ‘Ahy nâ siehnao ngâh aw?’ na tah?

EZEKIA 16:49

“Pachâ teh, na narônô Sawdawmâ paraona cha he he a châ: Ano nata a sawchanôzy amâ palai ngaita. A laikhôna taihta niedo hnei ei ta, phasapa ta ama y. Châhrasala dyhchhiepa nata phahlapazy bao veih ei.

EZEKIA 28:17

Na chhithaina vâta na palôh lai ta, Na sona cha nâma rônahna châta na hmâh tyh. Chavâta alei liata cha thy na ta, Beizy mo lôhrâ patlô nawpa ta, Ama hmiakô liata ei cha chaluah.

EZEKIA 28:2

“Chyhsa sawchapawpa y, Tyre bei hnohta reih teh, Abeipa Zehôvâh ta hetana heta a tah: “Na palôh lai ta, ‘Khazoh châ na ta, Tilaipizy liah liata, Khazohzy dyuchhai liata ei tyuh,’ tah chi ta, Châhrasala chyhsapa dei na châ; Khazoh palôh hawhta na palôh tao hra la, Khazohpa châ va chi.

DÂNIAH 11:12

Pheisaihzy cha chho lâ a chhipa ta ama y nahta, chho bei palôh cha thata a kaw palai aw ta, sâh hluhpi a thie aw ei. Châhrasala a duah patlô aw vei.

DÂNIAH 4:30

abei cha patuapalua ta, hetana heta tah ta, “He Babylaw rônahpa he keima hmotaotheina nata thatlôna tlai ta abei pahrâna o châta nata ei beina rônahna châta ei paduapa châ vei mâ?” tah ta.

DÂNIAH 4:37

Chavâta tahmâ, kei, Nebukaneza ta avâ Beipa cha reithai na ta, palyupalihpa ta, ei parônahsa. Avâ Beipa cha a hmotaopa zydua a do ta, a lâpizy sia ta, a palaipazy a panawh theipa a châ.

HÔSIA 13:6

Ama lao bâ ei ta, Ama rih bie ta; Ama rih a bie nahta, Ama palôh lai ta; Kei eina my ha ei.

ZEKARIA 9:3

Tyre cha thokhy a taopa ta, Dohlei hawhta tâkâ pathlu ta, Khiliah chiatlao hawhta ngôh a pathlu.

RAWMA 12:16

A dyh raihrie u la, a pasâhsa leipa ta, chyhsa nawhpazy a kao u la, apasosa khuh vy.

RYHPACHANEINA 8:17

Chataleipatala nama palôh liata, “Keimo hmotaotheina nata eima ku thatlôna ta he hmozy he eima hnei,” nama tah pathlei aw.

1 TIMAWTHY 6:17

He khizaw liata hneirôhpazy cha a palai lei awpa nata a leidia theipa sôh nata piah liata ama hnabeiseihna pachhô leipa ta, eimâ ly nawpa ta ato miah pietuhpa Khazohpa liata ama hnabeiseihna tlao pachhô awpa ta biepie mah y.