EZEKIA 28:4 - Mara Bible RV (BSI)

⁴ Na sona nata novâhna ta hneirôh chi ta, Na ryubyhzy liata ngôh nata tâkâ na pachô.

EZEKIA 28:4 ပူးပေါင်းရင်းမြစ်များ

BIESOZY 18:11

Chyhsa hneirôhpa sôh cha â bohna khihpi thokhy châ ta, Thokhy a sâhpa hawhta a mothlaw liata a y tyh.

BIECHHOTUHPA 9:11

Noh ry liata ei hmô heihpa cha he he a châ: Arâpasuana liata a râ theipa ta pahniena to hlei leipa ta, Adyuhna liata chhao thatlôpa ta pahniena to hlei vei; Asopa ta nie a phahla ta, Novâhpa hneirôh hlei leipa ta, Athaipa chhao khokheina to hlei vei. Chyhsa to ta daihti nata ryhpaohna ama hnei chyu.

ISAI 10:13

Asuria bei ta, “Hezy he ei ku thatlôna ta tao na ta, Novâhna a hneipa ei châpa vâta, Ei sona ta ei taopa a châ. Phopizy râhrizy pasiepa ta, Ama ryusôhpazy hrao na ta; Beidyuchhai liata a tyuhpazy chhao, Viahchao tôhpa hawhta ei daophi pathlah ha ei.

ZEREMIAH 49:4

Hy sawchanô ngâchhih leipa y, Na saikao râh phapazy a palaikheipa ta, Na ryusôhpazy a ngâchhâ chi ta ma, ‘Ahy nâ siehnao ngâh aw?’ na tah?

EZEKIA 27:33

Na hmozy tilaipi tawhta a vaw tlô tita, Phopi hluhpi lôhrâ na patlô tyh; Na hneirôna nata na sôdaohna hluh ngaitapazy hmâpa ta, Lei beizy na pahneirôhsa ei.

EZEKIA 29:3

‘Abeipa Zehôvâh ta hetana heta a tah,’ tah teh: “Nâ, Izi bei Phiraoh, Chavahzy liah liata tisadâh rarôh ypa, ‘Nile chavah he kei eih châ ta, Keima châ tlai ta ei taopa a châ,’ a tahtuhpa y, Moh teh, ei châ dyuh hih.

DÂNIAH 5:11

Na khinarâh liana heta chyhsa pakha, ano liata khazoh pathaihpazy thlahpa a ypa a y mâh tâh. Na paw daihti liana kha, khaihna nata pahnona nata khazohzy sona hawhpa sona ano liata hmôpa a châ. Chavâta na paw Bei Nebukaneza, na paw abei kha ta, ano cha moliethaipazy, dyuthaipazy, awhsithaipazy nata pachaothaipazy hyutuh chaipa ta a tao.

HABAKU 1:16

A sao vâta nie pahâhpa nie thei ta, Niedo hluhpi a hneipa vâta, A sao lâ atheihna hlâ ta, A sao sykhao lâta ropahâhpa a hlâ tyh.