EZEKIA 28:2 - Mara Bible RV (BSI)

² “Chyhsa sawchapawpa y, Tyre bei hnohta reih teh, Abeipa Zehôvâh ta hetana heta a tah: “Na palôh lai ta, ‘Khazoh châ na ta, Tilaipizy liah liata, Khazohzy dyuchhai liata ei tyuh,’ tah chi ta, Châhrasala chyhsapa dei na châ; Khazoh palôh hawhta na palôh tao hra la, Khazohpa châ va chi.

EZEKIA 28:2 ပူးပေါင်းရင်းမြစ်များ

ÂTHAONA 3:5

Nama nie noh ta nama mo vaw pavâ aw ta, chhie nata pha pahnopa ta Khazohpa hawhta nama vaw châ ha aw tahpa Khazohpa ta a pahnopa vâta a châ chuh,” tah ta.

2 THÂTIHZYRONA 26:16

Châhrasala thatlôpa ta a vaw y nahta, Uzia cha a palai ta, cha chata ano châta raona a tlôkhei haw. Abeipa a Khazohpa châta ngâchhih leipa ta y ta, ropahâhpa maisâh liata ropahâhpa rao awpa ta Abeipa Achhyna o lâ a ngia ta.

HLAZY 9:20

Hy Abeipa, âmo cha pachisa la, Chyhsapa dei ama châpa phopizy ta pahno mawh ei sy! Selah

BIESOZY 16:18

Apalaina cha raona hmia lâta sie ta, Akhotlâhna palôh chhao paona hmia lâta a sie.

BIESOZY 18:12

Palôh laina cha raona hmia lâta sie ta, Areisina deikua cha palyupalihna hmia lâta a sie.

ISAI 2:12

A palaipa nata a khotlâhpa nata a pasâhsapa zy cha, Ama chô liata chhiena a patlôsa nawpa noh Pheisaihzy Abeipa ta hnei ta, Panawhpa ama châ aw.

ISAI 23:8

Ahy ma beilakhozy a pakhosatuhpa Tyre chô liata He hmo he tao a chhuah tly? Tyre sôdaohpazy cha beimachâzy châ ei ta, Cha liata sôhpalietuhpazy chhao, Lei chyhsa zachhihpazy mah ama châ tâh.

ISAI 31:3

Izi mo cha Khazohpa châ veih ei, Chyhsapa dei ama châ; Ama arâzy chhao thlahpa châ veih ei, Sapa dei ama châ. Abeipa ta a ku a pazawh tita la, Baotuhpa a chapia aw ta, A baopa chhao pao aw ta, Ama zydua ta hmaohkha ta ama leidia aw.

ISAI 47:8

Chavâta nâ haosai sai tlaichhai chi ta, Â bohpa ta a tyuhpa ta na palôh liata, “Keima tlai he na ei châ, Keima leipa ta mohropa y veih ei; Nôhmei châ beih leipa aw na ta, Sawzy pahlei beih aw va na,” a tahtuhpa y, He he thei teh:

EZEKIA 16:49

“Pachâ teh, na narônô Sawdawmâ paraona cha he he a châ: Ano nata a sawchanôzy amâ palai ngaita. A laikhôna taihta niedo hnei ei ta, phasapa ta ama y. Châhrasala dyhchhiepa nata phahlapazy bao veih ei.

EZEKIA 26:17

Chaphôh cha tupa aw ei ta, hetana heta ama cha tah aw: “‘Hy Khihpi moh pathâhpa, Tilaipi chyhsazy pahrâna khihpi, Tilaipi chô liata thatlôpa ta a ypa khihpi y, Tyre nata a khihsawzy cha, Râhsawzy ta ama chi thlâ bao na ta, Na raona cha a rarôh y kaw dia!

EZEKIA 28:1

Abeipa bie ei hnohta vaw tlô ta:

EZEKIA 28:17

Na chhithaina vâta na palôh lai ta, Na sona cha nâma rônahna châta na hmâh tyh. Chavâta alei liata cha thy na ta, Beizy mo lôhrâ patlô nawpa ta, Ama hmiakô liata ei cha chaluah.

EZEKIA 28:9

Khazoh châ leipa chi ta, Chyhsapa deita na châ; Châ thietuhpazy mohmô liata, “Khazoh ei châ,” khâ na tah aw ma? Châ nyhtuhpazy ku liata, “Khazoh ei châ,” khâ na tah aw ma?

EZEKIA 29:3

‘Abeipa Zehôvâh ta hetana heta a tah,’ tah teh: “Nâ, Izi bei Phiraoh, Chavahzy liah liata tisadâh rarôh ypa, ‘Nile chavah he kei eih châ ta, Keima châ tlai ta ei taopa a châ,’ a tahtuhpa y, Moh teh, ei châ dyuh hih.

EZEKIA 29:9

Chatanachata Izi râh cha roryhrapa nata râh rypa vaw châ aw ta, kei he Abeipa ei châ tahpa ama pahno aw. “‘Nile he keima eih châ ta, kei ta ei taopa a châ,’ na tahpa vâta,

EZEKIA 31:10

“Chavâta Abeipa Zehôvâh ­ta hetana heta a tah: A kaw sâhpa ta, vâ meihdozy hry liata a kithlao chaluah ta, â sâhna cha a palôh ta â palaikheipa vâta,

DÂNIAH 11:12

Pheisaihzy cha chho lâ a chhipa ta ama y nahta, chho bei palôh cha thata a kaw palai aw ta, sâh hluhpi a thie aw ei. Châhrasala a duah patlô aw vei.

DÂNIAH 11:36

“Chatawhcha abei cha a khopa hawhta tao aw ta, anosasyh ta a pasâhsapa ta, khazoh to hlâta rônah viapa ta a tao aw ta, khazohzy Khazohpa a dyuhpa ta hmo anano ngaitapazy reih aw ta, hiehâhna daihti pakipa a châ hlâlei cha hmotaotheina a hnei aw, rao chiehpa hmo cha a tlô tlai awpa a châpa vâta.

DÂNIAH 11:37

Ano pathlatuhzy khazohzy uasa leipa aw ta, chanôzy ta ama tlaichhai kawpa khazoh chhao uasa hra aw vei. Khazoh kheihawhpa hmah uasa aw vei, âmo zydua hlâta rônah viapa ta â tao awpa vâta.

HABAKU 2:4

“Moh tua u, moleipa palôh cha a palai kaw ta, Ano liata adona y vei; Mosiapa deikua cha, Â ngiapâna ta a hroh aw.

ZEPHANIA 2:15

He he khihpi haosai pha kawpa, Thlalôhpa ta y ta a palôh liata, “Keima, keima hleikhô ta ahy ma a y?” A tahpa khihpi kha châ vei ma? Kheihtazieta ma ziahzirohpa ta y ta, Râhsazy lôpu lâta a liepa ta, A chapiapa maihta ama hmaotô chie ei ta, Ama ku ama chatho thlupa a vaw châ thlâh ha tly i!

ZEKARIA 9:2

Ama râhri liata a ypa Hâmathi chô liata chhao a choh ta, Tyre nata Sidaw chô liata chhao â choh thlâh haw, Ama so kaw tarawpa ta.

LUKA 14:9

nama pano ta châ hruatuhpa cha a vy aw ta na hnohta, ‘Nâ tyuna kha he chyhsa he tlei teh,’ cha tah aw ta, nâ cha noza ngaitapa ta atyuna a hnai chaipa liata a tyuh awpa na châ pathlei aw.

RYHPACHANEINA 8:14

nama palôh lai aw ta, Izi râh seichâna o tawhta châ chhi papuatuhpa Abeipa nama Khazohpa nama my pathlei aw.

2 THYSALAWNIKA 2:4

Ano cha khazoh moh bipa nata a chhypa maih a dyuhpa ta, anosasyh â palyupalih aw. Khazohpa hawhta a phuah aw ta, Khazohpa Achhyna o liata a tyuh aw ta, Khazohpa hawhta â chaluah aw.

1 TIMAWTHY 3:6

Ngiapâ thiehpa chyhsa a châ awpa châ vei. Chataleipatala a palai aw ta, ahripa thailei pachâsana liata a pao pathlei aw.

1 PITY 5:5

Cha hawhna chata nâmo, hawti viapazy saih u, uhthei viapazy liata a ngiarih teh u. Nama zydua ta areisina chysia ta a tobi u la, a chakao raihrie teh u. “Khazohpa ta apalaipazy a dyuh ta, areisipazy deikua cha a ngiachhie tyh.”

BIEPHUAH 17:3

Chatawhcha Thlahpa ta râhchawhpa lâ na siekhei ta, Khazohpa reipachhiena mohzy ta a biepa, luh sari nata ki hrawh a hneipa sahrâhpa saihlawpa chô liata a kiahpa chanô hmô na ta.

BIEPHUAH 18:7

Anosasyh ta a parônahsa ta, Phasapa ta a y tyhpa kha, Â phuhpa ta pasa pataosa u la, Mâchhie pasasa teh u; A palôh ta, ‘Beinô ta ei tyuh, Nôhmei châ va na, Mâchhiesa beih aw va na,’ Tahpa ta reih tlôh ta.