EZEKIA 27:29 - Mara Bible RV (BSI)

²⁹ Balyh hiana sôh a patutuhpa zydua cha, Balyh tawhta ama vaw chô khai aw. Balyh pheisaihzy, Tilaipi chô liata balyh haohtuhpa zydua chhao, Ngiahkâ liata amâ duah aw.

EZEKIA 27:29 ပူးပေါင်းရင်းမြစ်များ

EZEKIA 26:16

Tilaipi kiah râh bei zydua cha, ama beidyuchhai tawhta chô aw ei ta, ama poh rônahpazy hlai aw ei ta, ama chysia a ngiapazy ama pahluh aw. Achalyuna ta tlao a tobi aw ei ta, a chalyupa ta alei liata a tyuh aw ei ta, cha moh aw ei ta noâh ama tah aw.

EZEKIA 27:8

Sidaw nata Avadâ liata a pahrâpazy cha, Na balyh hiatuhpazy châ ei ta, Hy Tyre, na balyh haotuhpazy chhao, Na chyhsa zôthaipazy ama châ.

EZEKIA 32:10

Phopi hluhpi ta noâh ama tah awpa ta cha tao aw na ta, Ama hmiakô liata ei zaozi ei pahieh tita, Nâma vâta ama beizy chhao ama chi ngaita aw. Na pao noh liata cha, Chyhsa to ta ama hrona pahlei awpa chipa ta, Khâ amâ chalyu aw.

EZEKIA 32:9

“Phopizy hry liata na raona patlôsa aw na ta, Na pahno leipa râhzy liata raona ei patlôsa tita, Phopi hluhpi cha palôh tyhreihpa ta ei tao aw.