EZEKIA 26:3 - Mara Bible RV (BSI)

³ Abeipa Zehôvâh ta hetana heta a tah: Pachâ teh, Hy Tyre, ei châ dyuh na. Tilaipi tichatlaopa hawhta, nâma a dyuh awpa ta phopi hluhpi hrâ ei vaw pasiesa aw.

EZEKIA 26:3 ပူးပေါင်းရင်းမြစ်များ

HLAZY 107:25

Abeipa ta biepie ta thlihpipa pathlisa ta, Tichatlaopazy a pasâhsa tyh.

ISAI 5:30

Cha noh liata, tilaipi a rôhpa hawhta, Izarei chô liata amâ rôh aw. Chyhsa ta râh a sai khiahta cha, Zohna nata nôpona sai hmô aw ta, Khaihna cha meihdozy vâta a zoh ha aw.

ZEREMIAH 21:13

“Hy saikao liata a pahrâpazy saih u, Ei châ dyuh ei; Hy bypi lôpanô, Ei châ dyuh. ‘Ahy ma miah a zuhnao aw ta, Ahy ma eima ynazy liata a vaw ngia aw?’ A tah tyhpazy saih u, Ei châ dyuh ei,” Abeipa ta a tah.

ZEREMIAH 25:22

Tyre bei zydua, Sidaw bei zydua nata tilaipi haosâ liahpahlô beizy;

ZEREMIAH 50:31

“Hy nâ, chyhsa a palaipa, ei châ dyuh; Na noh vaw tlô ha ta, Ei cha hrie nawpa daihti a vaw tlô haw,” Pheisaihzy Abeipa Zehôvâh ta a tah.

ZEREMIAH 50:42

Libaw nata asei a chaba ei ta, Zawngiahna a hnei leipa Nôchhiepazy ama châ. Ama pyu cha tilaipi a aohpa pyu lyu ta, Arâ kiah ei ta, Adyuhna châta pheisaih a patlâhpa hawhta amâ patlâh; Hy Babylaw sawchanô y, Hrâ ama cha vaw siehnao huh.

ZEREMIAH 51:42

Babylaw cha tilaipi ta vao ta, Tichatlaopa a aoh ngâpa ta a vao haw.

ZEREMIAH 6:23

Libaw nata asei a chaba ei ta, Zawngiahna a hnei leipa nôchhiepazy ama châ. Ama pyu cha tilaipi a aohpa pyu lyu ta, Arâ kiah ei ta, Adyuhna châta pheisaih a patlâhpa hawhta a patlâh ei ta, Hy Zaio sawchanô y, hrâ ama cha vaw siehnao huh!”

EZEKIA 21:3

Izarei râh hnohta, ‘Abeipa ta hetana heta a tah: Moh teh, ei châ dyuh hih. Ei zaozi a paih tawhta phia aw na ta, mosiapa chhao moleipa chhao, nâma tawhta ei chhawh pathlah khai ha aw ei.

EZEKIA 26:19

“Abeipa Zehôvâh ta hetana heta a tah: Khih rypa ta cha taopa ta, chyhsa pahrâ leina khihpizy hawhta ei cha tao tita, ti a thu ngaitapa liata cha pamôhpa ta, ti lai ngiatapazy ta ei cha pavaosa tita,

EZEKIA 27:26

Na balyh hiatuhpazy ta cha puakhei ei ta, Tilaipi chatlaopa ru ngaitapa lâ ama cha puakhei. Nochhi thlih ta cha chanaoh ta, Tilaipizy liah liata a cha chanaoh.

EZEKIA 28:22

‘Abeipa Zehôvâh ta hetana heta a tah,’ tah mah y: “Hy Sidaw, ei châ dyuh na, Ei rônahna nâ liata ei palâsa aw. Ano cha pachia aw na ta, Ei pathaihna a chô liata ei palâsa tita, Abeipa ei châ tahpa ama pahno aw.

EZEKIA 29:10

pachâ teh, châ dyuh na ta, na chavahzy ei dyuh hih. Izi râh cha, Mikadô tawhta Syne taihta nata Kusi râhri tlôna taihta, râh rypa nata roryhrapa râh ta ei tao aw.

EZEKIA 38:3

a hnohta hetana heta reih teh. Abeipa Zehôvâh ta hetana heta a tah: Pachâ teh, Hy Kawkâ, Mese nata Tubâ bei lai chaipa, ei châ dyuh.

EZEKIA 5:8

Abeipa Zehôvâh ta hetana heta a tah: Pachâ teh u, keima tlai ta châ dyuh aw na ta, phopizy mohmô liata ei cha hrie aw.

MIKÂ 4:11

“Nâma châ dyuh awpa ta, Phopi hluhpi a hmaohpakhy ei ta, ‘Papuapaleipa ta y sala, Eima mozy ta Zaio tawpâ mawh sy,’ ama tah.

NÂHU 2:12

Chakeibarôhneipa cha, A tawzy nie khi ta sazy hriechheih ta; Chakeibarôhneipa panôzy châta sa a riesao tyh; A lôpuzy cha sa taipa ta pabie ta, A lôkhaohzy cha sa hriechheihpazy ta a pabie.

NÂHU 3:5

Hy Ninivâ, moh teh, ei châ dyuh hih, Pheisaihzy Abeipa ta a tah. Na hmia khuna taihta na hnorâh ty aw na ta, Phopizy na thluahruana pamosa aw ei na ta, Khinarâhzy na nozana ei pamosa aw ei.

ZEKARIA 14:2

Zerusale a dyuh awpa ta phopi zydua ei pahmaoh aw. Khihpi lapa châ aw ta, ozy hraopa a châ aw. Chanôzy patupakhipa ta ama y aw. Khihpi khophie seichâna râh lâ sie aw ei ta, phopi laibâhpazy deikua cha, khihpi tawhta chhawh pathlahpa châ aw veih ei.

ZEKARIA 9:4

Châhrasala moh teh u, Abeipa ta a hneipazy a lapa aw; Tilaipi liata a thatlôna parao aw ta, Mei ta a kâ khai aw.

LUKA 21:25

“Cha daihti liata, noh nata thlâpâ nata awhsizy liata ngiana y aw ta, tilaipi a aohpa nata tichatlaopazy pyu vâta, khizaw liata phopizy nôpopa nata pachârôhpa ta ama y aw.