EZEKIA 26:18 - Mara Bible RV (BSI)

¹⁸ Na paona noh liata, Tilaipi kiah râhzy a chalyu ei ta, Na lei noh liata, Liahpahlôzy tymâpa ta ama y.’

EZEKIA 26:18 ပူးပေါင်းရင်းမြစ်များ

ISAI 41:5

Tilaipi kiah râhzy ta hmô ei ta, Ama chi ngaita; Khizaw kaokih a chalyu ei ta, A vaw hnia ei ta amâ vy.

ZEREMIAH 49:21

Ama paona pyu ta alei a chalyu aw ta, ama chapa pyu cha Tilaipi Saihpa lia taihta theipa a châ aw.

ZEREMIAH 50:46

Babylaw pahniena pyu ta alei chalyusa aw ta, a chana ao cha phopizy ta ama thei aw.”

EZEKIA 26:15

“Abeipa Zehôvâh ta Tyre hnohta hetana heta a tah: Na chhôh liata athietuna y ta, hmahphaohpazy amâ hrô tita, na paona pyu vâna chata tilaipi kiah râhzy a chalyu aw veih ei ma?

EZEKIA 27:35

Tilaipi kiah râhzy liata a pahrâpa zydua ta Noâhpa ta ama cha moh; Ama beizy cha chipa ta ama pôhmi a loh ta, Ama hmia a hlâh khai haw.

EZEKIA 31:15

“Abeipa Zehôvâh ta hetana heta a tah: Sidy tho Athihkhih lâ a zu noh ta ti athupazy cha mâchhiesana ta khu na ta, a chavahzy patu na ta, chavah hluhpizy cha loh khao leipa ta amâ chalih haw. Lebanaw chhao ano vâta zohmyhna ta khu na ta, lyurâhpa tho zydua ano vâta ama panao khai haw.