EZEKIA 26:17 - Mara Bible RV (BSI)

¹⁷ Chaphôh cha tupa aw ei ta, hetana heta ama cha tah aw: “‘Hy Khihpi moh pathâhpa, Tilaipi chyhsazy pahrâna khihpi, Tilaipi chô liata thatlôpa ta a ypa khihpi y, Tyre nata a khihsawzy cha, Râhsawzy ta ama chi thlâ bao na ta, Na raona cha a rarôh y kaw dia!

EZEKIA 26:17 ပူးပေါင်းရင်းမြစ်များ

2 SAMUELA 1:19

“Hy Izarei, na rônahna cha, Na su sâhpazy liata a thi haw! Kheihtazieta ma pasaiphazy ama pao thlâh ha tly!

ISAI 14:12

“Hy Deiva Awhsi, My khihdei sawchapawpa, Avâ tawhta dia na za tla haw! Hy râhzy a panawhtuhpa, Alei taihta chhawh pathlapa ta dia na y haw!

ISAI 23:4

Hy Sidaw, nozapa ta y teh, Tilaipi ta bie reih ha ta, Tilaipi thokhy ta hetana heta a tah: “Saw a zeih beih leipa na ta, Saw sa beih hra va na; Satliazy mohôh beih leipa na ta, Laihsazy chhy beih hra va na.”

ISAI 23:8

Ahy ma beilakhozy a pakhosatuhpa Tyre chô liata He hmo he tao a chhuah tly? Tyre sôdaohpazy cha beimachâzy châ ei ta, Cha liata sôhpalietuhpazy chhao, Lei chyhsa zachhihpazy mah ama châ tâh.

ZEREMIAH 48:39

“Môabâ cha a keichheih khai ha dia! Ama chana ao rimâ cha! Môabâ cha noza tupa ta ma, Chyhsazy hnôh a chhy ha bâ! Cha hawhna chata Môabâ cha, A chheipâh râh zydua châta, Pahnei parâsaopa ta y ta, Pachisana châta hmâpa lâta a pua haw.”

ZEREMIAH 50:23

Khizaw pôhpalôhpa syulô cha, Tlie ta a kei thlâh ha dia! Kheihtazieta ma Babylaw cha, Phopizy hry liata su chichhihpa lâta a pua haw!

ZEREMIAH 6:26

Hy ei phopi zuah y, Eikhapi ta paraotuhpa miah a vaw tlô thlu awpa vâta, Latho poh a bu la, Buchâh liata a hluah mah y. Sawchapaw matlupa mâchhiesapa hawhta mâchhie sa la, Thata chaphôh tu mah y.

ZEREMIAH 7:29

“Hy Zerusale y, na sâ a ngyupa ta thy la, Awphy tlâh lakizy liata chaphôhtu teh; Abeipa hie a pahâhtuhpa chhâ moleipa he, Abeipa ta dytha ta a siesai haw.”

ZEREMIAH 9:20

Hy chanôzy saih u, Abeipa bie thei u la, Nama nah liata a pakah bie a ngia mawh sy. Nama sawchanôzy chaphôh pachu u la, Chanô to ta ama vaihzy athih hla pachu mawh ei sy.

CHAPHÔHTUNA 1:1

Chyhsa ta a bie tyhpa khihpi kha, Yrupa ta dia â tyu ha bâ! Phopizy hry liata phopi rônahpa kha, Nôhmei hawhta dia a châ ha bâ! Râhzy hry liata abei sawchanô kha, Sei lâta dia â lie haw!

EZEKIA 19:1

Nâ deikua cha, Izarei beimachâzy châta chaphôh tu la,

EZEKIA 19:14

A chiah chhyh tawhta mei vaw pua ta, A thei a kâ haw; Chavâta a chiah châpa y khao leipa ta, Abei chôchahrei awpa y khao vei. He he chaphôhtuna hla châ ta, chaphôhtuna châta hmâ awpa a châ.

EZEKIA 32:16

“Khazy kha Izi châta ama chaphôhtuna hla awpa cha a châ. Phopi zuahzy ta chaphôhtuna hla cha sa aw ei ta, Izi nata a zawpizy châta chaphôh ama tu aw, Abeipa Zehôvâh ta a tah.”

EZEKIA 32:2

“Chyhsa sawchapawpa y, Izi bei Phiraoh châta chaphôhtuna hla phi la, a hnohta hetana heta reih teh: “Phopizy hry liata Chakeibarôhneipa ta a pachâ chi ta, Châhrasala tilaipizy liata drâkao tlao na lyu; Na chavahzy chatlaosapa ta a pasiepasâ chi ta, Na pheizy ta tizy chahriapa ta, Ama chavahzy na panôsa tyh.

EZEKIA 32:23

Ama thlâzy cha khaohtlô chaopahrâ liata y ta, a thlâ chheipâh liata a sahlaozy y ei ta, ama zydua ta zaozi ta thiepa ta a paopa châ ei ta, ahrohpazy râh chichhihpa ta a taotuhpazy ama châ.

EZEKIA 32:27

Chopawtaileipa thatlôpazy cha, ahrohpazy râh chichhihpa ta a taotuhpazy ama châpa vâta, Mese Tubâ nata a sahlaozy cha chopawtaileipa thatlôpa a pao hapazy hnohta a zia aw veih ei. Âmo cha adyuhna chaihrai chhaota Athihkhih lâ a zupa châ ei ta, ama zaozi a hua ei ta, ama ruzy chô liata ama moleina a ypazy ama châ.

ZÔELA 1:18

Sahrohzy a rôhpa pasazie rimâ cha! Sibie hrohpa a y khao leipa vâta, Viahchao hrizy ama nôpo ta, Mietaku zawzy pasa ama tao.

ÔBADIA 1:5

Parutuhpazy nâ lâ a vy ei sala, Hraotuhpazy zâ ta amâ vy khiahta cha, Amâ ngiahpa hlâta hluhvia ama la aw ma? Kre thei lyutuhpazy nâ lâ a vy ei sala, Kâmo thoh awpa siesai leipa ta ama y aw ma? Nâ deikua cha hrao khaipa na châ haw.

MIKÂ 2:4

Cha noh liata cha, Cha reipachhie aw ei ta, He chaphôhtuna hla heta ama cha pasipasawh aw: “Tlokhuh paraopa eima châ haw; Ei phopi tovyuh panano ta, Kei tawhta a pasie haw? Ngiapâna paosaituhpazy hnohta, Eima lyuzy a pie ha ei.”

ZEPHANIA 2:15

He he khihpi haosai pha kawpa, Thlalôhpa ta y ta a palôh liata, “Keima, keima hleikhô ta ahy ma a y?” A tahpa khihpi kha châ vei ma? Kheihtazieta ma ziahzirohpa ta y ta, Râhsazy lôpu lâta a liepa ta, A chapiapa maihta ama hmaotô chie ei ta, Ama ku ama chatho thlupa a vaw châ thlâh ha tly i!

ZAWSUA 19:29

Cha tawhna chata râhri cha Râmâ lâta pako ta, thokhy hneipa Tyre khihpi lâta sie ta, cha tawhna chata Hôsâ lâta pako ta, Akazi râh tilaipi liata a chhâ.