EZEKIA 26:16 - Mara Bible RV (BSI)

¹⁶ Tilaipi kiah râh bei zydua cha, ama beidyuchhai tawhta chô aw ei ta, ama poh rônahpazy hlai aw ei ta, ama chysia a ngiapazy ama pahluh aw. Achalyuna ta tlao a tobi aw ei ta, a chalyupa ta alei liata a tyuh aw ei ta, cha moh aw ei ta noâh ama tah aw.

EZEKIA 26:16 ပူးပေါင်းရင်းမြစ်များ

ZAWBÂ 8:22

Châ haotuhpazy cha nozana ta tobipa châ aw ei ta, Moleipazy cha ama poh o y khao aw vei,” tah ta.

HLAZY 109:18

Chhiesana cha poh hawhta a bu ta, A chhiesapazy cha ti hawhta a chhôh lâ a ngia sala, Sathaw hawhta a rupazy liata a ngia mawh sy!

HLAZY 109:29

Nâ leihtuhpazy cha nohzaona ta tobipa châ ei sala, Nozana poh a bu mawh ei sy!

HLAZY 132:18

A chariahpazy nozana ta tobi aw ei na ta, Ano lakho deikua cha a khaih lymâ aw.”

HLAZY 35:26

Ei chhiena liata a lytuhpazy cha, Maophyuhpa nata hnabeidypa ta y ei sala, Nâ palai thlupazy cha, Hmiachhiena nata nohzaona ta tobipa châ mawh ei sy!

PUASAINA 15:15

Edômâ beizy chihuhpa ta y ei ta, Môabâ pasaiphazy amâ chalyu; Kâna mo zydua chipa ta ama zao khai haw.

ISAI 3:26

A thokhy chhikaozy cha, Chaphôhtupa ta mâchhiesa aw ei ta; Ziahzirohpa ta alei liata â tyuh aw.

ISAI 41:5

Tilaipi kiah râhzy ta hmô ei ta, Ama chi ngaita; Khizaw kaokih a chalyu ei ta, A vaw hnia ei ta amâ vy.

ISAI 47:1

Hy Babylaw zuah kônô y, Za chô la dohlei liata a zâ tyuh teh; Hy Kaldia zuahnô y, Beidyuchhai leipa ta alei liata a tyuh teh! Nônai nôtlyhnô cha tah khao aw veih ei.

ISAI 52:2

Hy Zerusale, thyu la, Dohlei châ baipa kha chatho la, Na beidyuchhai liata a tyuh teh! Hy Zaio sawchanô sei ta a tâhpa y, Na rao liata bâlia nâ kypazy kha pathlâ mah y.

ZEREMIAH 48:39

“Môabâ cha a keichheih khai ha dia! Ama chana ao rimâ cha! Môabâ cha noza tupa ta ma, Chyhsazy hnôh a chhy ha bâ! Cha hawhna chata Môabâ cha, A chheipâh râh zydua châta, Pahnei parâsaopa ta y ta, Pachisana châta hmâpa lâta a pua haw.”

CHAPHÔHTUNA 2:10

Zaio khihpi machâzy cha, A chalihpa ta alei liata a tyuh ei ta; Ama luh liata buchâh a mia ei ta, Latho poh amâ bu; Zerusale laihsa kôpazy chhao, Alei lâ a khu ei ta amâ bôh.

EZEKIA 16:10

Poh chapaipa cha bu na ta, savo pheiky ei cha paky. Pala rih dipa poh ta cha pahly na ta, pu pala poh ei cha pabu.

EZEKIA 26:21

Na chhâna noh rarôh ypa ta patlôsa aw na ta, y khao aw va chi. Chyhsa ta cha tlua hra ei sala, cha hmô khao aw veih ei,” Abeipa Zehôvâh ta a tah.

EZEKIA 28:17

Na chhithaina vâta na palôh lai ta, Na sona cha nâma rônahna châta na hmâh tyh. Chavâta alei liata cha thy na ta, Beizy mo lôhrâ patlô nawpa ta, Ama hmiakô liata ei cha chaluah.

EZEKIA 31:15

“Abeipa Zehôvâh ta hetana heta a tah: Sidy tho Athihkhih lâ a zu noh ta ti athupazy cha mâchhiesana ta khu na ta, a chavahzy patu na ta, chavah hluhpizy cha loh khao leipa ta amâ chalih haw. Lebanaw chhao ano vâta zohmyhna ta khu na ta, lyurâhpa tho zydua ano vâta ama panao khai haw.

EZEKIA 32:10

Phopi hluhpi ta noâh ama tah awpa ta cha tao aw na ta, Ama hmiakô liata ei zaozi ei pahieh tita, Nâma vâta ama beizy chhao ama chi ngaita aw. Na pao noh liata cha, Chyhsa to ta ama hrona pahlei awpa chipa ta, Khâ amâ chalyu aw.

EZEKIA 7:27

Abei cha mâchhie sa aw ta, abei sawchapawpa chhao hnabeidyna chysia ta a tobi aw ta, râh zawpi kuzy â chalyu aw. Âmo hrozie hawhta ama chô liata patlôsa aw na ta, chyhsa ama pachiazie hawhta âmo chhao ei pachia aw ei. Chatanachata Abeipa ei châ tahpa ama pahno aw.”

EZEKIA 7:8

Ei pathiiana na chô liata thlai cha lei thlu aw na ta, na chô liata ei hiehâhna cha ei padia aw. Na hroziezy hawhta cha pachia aw na ta, na pasichhihna zydua vâta ei cha hrie aw.

DÂNIAH 5:6

Abei cha a hmia vaw hlâh khai ha ta, a palôh thata a tymâ ta, a pheizy a chalyupa ta a pakhuzy a chakhyh ta.

HÔSIA 11:10

Abeipa cha ama pazi aw; Chakeibarôhneipa hawhta a rôh aw ta, Â rôh tita, A sawzy a chalyuna chôta Notla lâ tawhta amâ vy aw.

ZAWNA 3:6

Cha biezy cha Ninivâ bei kô a tlô nahta, a beidyuchhai tawhta thyu ta, a bei poh hlai ta, latho poh a bupa ta buchâh liata a tyuh ta.

HÂKAI 2:22

Khinarâh beidyuchhaizy thy pathlah aw na ta, phopi to khinarâh thatlônazy ei parao khai aw. Arâ talailih nata a chô liata a kiahpazy papao aw ei na ta, arâ nata a kiahtuhpazy cha ama unawhpa zaozi ta ama pao aw.

1 PITY 5:5

Cha hawhna chata nâmo, hawti viapazy saih u, uhthei viapazy liata a ngiarih teh u. Nama zydua ta areisina chysia ta a tobi u la, a chakao raihrie teh u. “Khazohpa ta apalaipazy a dyuh ta, areisipazy deikua cha a ngiachhie tyh.”

BIEPHUAH 18:9

A sihryhkhei tyhpa nata phasana ta a hrolâh tyhpa lei beizy ta Babylaw khihpi mei ta a kâpa khuh ama hmô nahta, chakhei aw ei ta, chaphôh ama tupa aw.