EZEKIA 26:15 - Mara Bible RV (BSI)

¹⁵ “Abeipa Zehôvâh ta Tyre hnohta hetana heta a tah: Na chhôh liata athietuna y ta, hmahphaohpazy amâ hrô tita, na paona pyu vâna chata tilaipi kiah râhzy a chalyu aw veih ei ma?

EZEKIA 26:15 ပူးပေါင်းရင်းမြစ်များ

EZEKIA 27:35

Tilaipi kiah râhzy liata a pahrâpa zydua ta Noâhpa ta ama cha moh; Ama beizy cha chipa ta ama pôhmi a loh ta, Ama hmia a hlâh khai haw.

ZEREMIAH 49:21

Ama paona pyu ta alei a chalyu aw ta, ama chapa pyu cha Tilaipi Saihpa lia taihta theipa a châ aw.

EZEKIA 31:16

A paona pyu ta phopizy chalyusa na ta, khaohtlô lâ a tla hapazy hnohta Athihkhih liata ei thy pathlah nota phopizy ei chalyusa ei. Idâh tho zydua, Lebanaw tho pha chaipazy, ti ta pasapa tho zydua cha alei ry liata thlah palôhpa ta ama y.

EZEKIA 26:18

Na paona noh liata, Tilaipi kiah râhzy a chalyu ei ta, Na lei noh liata, Liahpahlôzy tymâpa ta ama y.’

EZEKIA 32:10

Phopi hluhpi ta noâh ama tah awpa ta cha tao aw na ta, Ama hmiakô liata ei zaozi ei pahieh tita, Nâma vâta ama beizy chhao ama chi ngaita aw. Na pao noh liata cha, Chyhsa to ta ama hrona pahlei awpa chipa ta, Khâ amâ chalyu aw.

EZEKIA 27:28

Na balyh haohtuhpazy awhpa pyu ta, Tilaipi kiah râhzy chalyusa ta,

ISAI 2:19

Abeipa ta alei chalyu awpa ta a thyu tita, Chyhsazy cha Abeipa chichhihna tawhta a râ aw ei ta, Â beina rônahna tawhta amâ râ aw; Lôpanô lôpuzy liata a ngia aw ei ta, Alei khaohzy liata amâ ngia aw.

ISAI 41:5

Tilaipi kiah râhzy ta hmô ei ta, Ama chi ngaita; Khizaw kaokih a chalyu ei ta, A vaw hnia ei ta amâ vy.

EZEKIA 26:10

Arâ a hneipazy a hluh ngaita awpa vâta, ama buchadoh ta a cha khu khai aw. Na thokhy chhikaozy â vaw ngia tita, khihpi thokhy parao hapa liata chyhsazy amâ ngiapa pyu hawhta, arâ pheisaihzy nata talailih tiaki miapalihpazy nata talailihzy pyu ta na thokhyzy amâ chalyu ngâ kaw aw.

EZEKIA 26:21

Na chhâna noh rarôh ypa ta patlôsa aw na ta, y khao aw va chi. Chyhsa ta cha tlua hra ei sala, cha hmô khao aw veih ei,” Abeipa Zehôvâh ta a tah.