EZEKIA 26:12 - Mara Bible RV (BSI)

¹² Na hneirônazy cha hrao aw ei ta, na sôhpalienazy ama cha chhu khai aw. Na thokhyzy pacho aw ei ta, na o phapazy ama parao khai aw. Na tho nata lô nata lei phapa zy ti liata ama thy aw.

EZEKIA 26:12 ပူးပေါင်းရင်းမြစ်များ

2 THÂTIHZYRONA 32:27

Hezekia cha thata vaw hneirôh ta, thata palyupalihpa ta y ta. Tâkâzy, ngôhzy, lôsôhpazy, ia-ôzy, vyhphaozy nata hmobaoh mâ ru ngaitapa sona ozy sa ta.

2 THÂTIHZYRONA 36:10

Châhvâ daihti liata, Bei Nebukaneza ta Zerusale lâ chyhsa tuah ta, Abeipa o liata hmobaoh sôhpazy chhaota Bei Zehôkhi cha Babylaw lâ ama siekhei haw. Nebukaneza ta Zehôkhi unawhpa Zedekia cha Zudâh nata Zerusale bei ta a tao.

ISAI 23:11

Abeipa ta tilaipi chô liata a ku pazawhpa ta, Abeinarâhzy chalyu ta; Kâna thokhyzy parao awpa ta, Bie a pie haw.

ISAI 23:8

Ahy ma beilakhozy a pakhosatuhpa Tyre chô liata He hmo he tao a chhuah tly? Tyre sôdaohpazy cha beimachâzy châ ei ta, Cha liata sôhpalietuhpazy chhao, Lei chyhsa zachhihpazy mah ama châ tâh.

ISAI 32:12

Lyu pha kawpazy ta Kôvei papua khao leipa ei ta; Kre zôh pathei pha kaw tyhpazy ta Ama pathei khao leipa vâta, Nama chachôhna a chô u la, Chaphôhtu teh u.

ZEREMIAH 25:34

“Nâmo, mietaku vaituhpazy saih u, Sâh u la, cha teh u; Nâmo, mietaku zaw zibeipazy saih u, Buchâh liata a hluah teh u; Thiepa ta nama y nawpa nohzy vaw tlô ha ta, Nama paipatla nawpa nohzy a vaw tlô haw; Hmobaoh sôhpa hawhta nama pao aw.

ZEREMIAH 52:14

Zerusale padôpa ta taopa thokhyzy chhao, abei vaituhpazy hyutuhpa hnohta a ypa Kaldia pheisaihzy ta a zydua ta ama pacho khai haw.

EZEKIA 26:5

Tilaipi liah liata sao zawna su châta hmâ awpa deita a châ aw. Ei reih haw, Abeipa Zehôvâh ta a tah. Tyre cha phopizy châta hraona sôh châ aw ta,

EZEKIA 28:8

Khaohtlô liata cha pathla aw ei ta, Chyhsa ama thiepa hawhta, Tilaipizy liah liata na thi aw.

DÂNIAH 11:8

Ama khazoh zy, ama khazoh nothlahpa thua ta leihpa zy, tâkâ nata ngôh ta taopa ama hmobaoh sôhpazy Izi râh lâ siekhei aw ta, kô khazie chhôh ma cha maw bei a dyuh khao aw vei.

HÔSIA 13:15

A unawhzy hry liata Thlaochhipa ta y hra sala, Râhchawhpa lâ tawhta Abeipa thlih, Nochhi thlih a vaw pathli aw; A chavah kua aw ta, A tihnawh a hi aw; A ryusôhpa hmo pha tozy chhao, Hrao khaipa a châ aw.

AMÔSÂ 5:11

Dyhchhiepazy tlybai ei chi ta, Sâh chhiezy nama kheipa vâta, Alô khaipa ta ozy sa hra u la, A chhôh lia pahrâ aw veih ei chi; Kre sadô khochhih kawpazy tao hra u la, A kresawhti doh aw veih ei chi.

NÂHU 2:9

Tâkâ hrao u la, Ngôh hrao teh u! Ryusôhpa chhâ tiah leipa ei ta, Sôhthih nata hmo sôhpazy chhâ tiah vei.

ZEKARIA 7:14

Khisô paipa hawhta, ama pahno leipa phopizy lâta ei papai ha ei. Chavâta ama siesaipa râh cha roryhrapa ta y ta, a ngiapa nata a puapa y khao veih ei. Râh khochhih ngaitapa cha roryhrapa râh lâta ama pachâsa haw,” Pheisaihzy Abeipa ta a tah.