EZEKIA 26:10 - Mara Bible RV (BSI)

¹⁰ Arâ a hneipazy a hluh ngaita awpa vâta, ama buchadoh ta a cha khu khai aw. Na thokhy chhikaozy â vaw ngia tita, khihpi thokhy parao hapa liata chyhsazy amâ ngiapa pyu hawhta, arâ pheisaihzy nata talailih tiaki miapalihpazy nata talailihzy pyu ta na thokhyzy amâ chalyu ngâ kaw aw.

EZEKIA 26:10 ပူးပေါင်းရင်းမြစ်များ

ZEREMIAH 39:3

Babylaw bei beimachâ zydua a vy ei ta, a liah thokhy chhikao liata a tyuh ei ta. Nekâsareze, Samkânebô, beimachâ hyutuh chaipa Sâseki nata pheisaih hyutuhpa Nekâsareze nata Babylaw bei beimachâ hropa zydua a hlao khai ei ta.

ZEREMIAH 4:13

“Moh tua, meihdozy hawhta â khy huh; A talailihzy khisô lyu ta, A arâzy pahmôhpi hlâta ama chatlie via. Paraopa ta eima y ha hih, Eima hu a po kaw dia!

ZEREMIAH 47:3

A arâ tôhpazy chakie pyuzy vâta, A talailihzy a chathopa pyuzy vâta, Talailih tiakizy a pahiehna pyuzy vâta, Pawzy cha ama ku thazei khai ha ta, Ama sawzy lâ chhao a heih khao veih ei.

EZEKIA 23:24

Chariah chhaichhizy, talailihzy, talailih tiaki miapalihpazy nata phopizy tawhta pheisaih hluhpi hmâpa ta ama cha siehnao aw. Vyhphao laipa nata vyhphao chyhpazy a chabapa ta nata lakhuzy a khupa ta su to tawhta cha vaw siehnao aw ei ta, pachia theina ama hnohta pie aw ei na ta, âmo pachiazie hawhta ama cha pachia aw.

EZEKIA 26:15

“Abeipa Zehôvâh ta Tyre hnohta hetana heta a tah: Na chhôh liata athietuna y ta, hmahphaohpazy amâ hrô tita, na paona pyu vâna chata tilaipi kiah râhzy a chalyu aw veih ei ma?

EZEKIA 26:7

“Abeipa Zehôvâh ta hetana heta a tah: Moh teh u, Babylaw bei Nebukareza, beizy bei cha arâzy, talailihzy, arâ pheisaihzy nata pheisaih hluhpi chhaota, Tyre a dyuh awpa ta maw lâ tawhta ei vaw chhi aw.

EZEKIA 26:9

Na thokhyzy chhuh pathlah nawpa ta paraona chhaichhizy tao aw ta, na o sâhpazy ahrei ta a pacho aw.

EZEKIA 27:28

Na balyh haohtuhpazy awhpa pyu ta, Tilaipi kiah râhzy chalyusa ta,

ZAWSUA 6:20

Chiahmie pyu a paro nahta, zawpizy cha awh ei ta. Chiahmie pyu ama theipata nahta, zawpizy cha thata awh ei ta, chatanachata thokhy cha cho ta, a phia ta alei liata a pao haw. Chatawhcha zawpizy cha âmo dady chyu ta Khihpi chhôh lâ a ngia ei ta, khihpi cha la ei ta.

ZAWSUA 6:5

Mietaku tôhpa ki cha ao pasipa ta tô aw ei ta, chiahmie pyu nama theipa nahta, zawpi zydua ao paro ngaitapa ta awh aw ei chi ta, chatanachata khihpi thokhy cha cho aw ta, zawpizy cha âmo dady chyu liata khihpi chhôh lâ amâ ngia aw,” tah ta.