EZEKIA 24:8 - Mara Bible RV (BSI)

⁸ Hiehâhna pathyupa ta phuh lana a y thei nawpa ta, thisaih a palopa cha khupa ta a y lei nawpa ta, lôpanô ruapa chô liata ei patlaipa a châ.

EZEKIA 24:8 ပူးပေါင်းရင်းမြစ်များ

2 ABEIZY 22:17

Na siesai ei ta, khazoh hropazy lâta atheihnazy hlâ ei ta, ama ku ta ama taopa zydua ta ei hie eina pahâh ei. Chavâta he su he ei pathiiana mei ta pakâ aw na ta, pachhaipa châ aw vei.

2 ABEIZY 24:4

Manase ta chyhsa siapazy thisaih palo ta, Zerusale cha chyhsa siapazy thisaih ta a pabiepa vâta, Abeipa ta a ngiahthai thei vei.

2 THÂTIHZYRONA 34:25

Na siesai ei ta, khazoh hropazy lâta atheihnazy hlâ ei ta, ama ku ta ama taopa zydua ta ei hie eina pahâh ei. Chavâta he su chô liata ei pathiiana mei lei thlu aw na ta, pachhaipa châ aw vei.

ISAI 26:21

Moh teh u, lei chyhsazy ama paraona vâta hrie awpa ta, Abeipa cha a yna tawhta vaw pua aw ta, Alei ta a chô liata thisaih palopazy palâhâh aw ta, Ano liata ama thiepazy nyu khao aw vei.

ZEREMIAH 7:18

Sawzy ta tho pakhy ei ta, pawzy ta mei patih ei ta, chanôzy ta Avâ Beinô châta viahchhâ tao nawpa viahdie neih ei ta, ei hie na pahâh awpa ta, khazoh hropazy lâta dopa hlânazy ama hlâ tyh.

ZEREMIAH 7:20

Chavâta Abeipa Zehôvâh ta hetana heta a tah: He su chô liata ei hiehâhna nata ei pathiiana patlai thlu aw na ta, chyhsapa, râhsa, lyurâhpa thozy nata chhaohlei theizy kâ khai aw ta, pachhai theipa châ aw vei.”

EZEKIA 22:4

Thisaih na palona liata thailei châ ha chi ta, khazoh nothlahpa na taopazy ta a papuapaleipa ta, na nohzy pahniasa chi ta, na kôzy a vaw tlô haw. Chavâta phopizy ta ama reipachhie awpa ta cha tao na ta, râh zydua ta ama pahneisao awpa ta ei cha tao haw.

EZEKIA 23:45

Châhrasala chyh­sa siapazy ta âmo cha pachia aw ei ta, apheinô châta pachiana nata thisaih a palopa chanô châta pachianazy ta ama pachia aw. Apheinôzy ama châpa vâta, ama ku liata thisaih a ypa ama châ.”

EZEKIA 5:13

“Cha hawhna chata ei hiehâhna cha papaipa ta, ei pathiiana ama chô liata lei thlu aw na ta, ei palôh a dia ha aw. Chatanachata Abeipa ei châ tahpa pahno aw ei ta, ama chô liata ei ruchhôna a pai tita cha, ei hiatliapa vâ ei ta ei reipa a châzie ama pahno aw.

ZEPHANIA 1:17

Abeipa chô liata ama moleipa vâta, Chyhsapa chô liata nôpona patlôsa aw na ta, Mochaopazy hawhta ama sie aw. Ama thisaih dohlei hawhta leithapa châ aw ta, Ama sapa ie hawhta thypa a châ aw.

MATHAI 7:2

Nama seipa hawhta cha sei aw ei ta, nama panuapa hawhta ama cha panuapa aw.

1 KAWRINI 4:5

Chavâta a daihti a tlô hlâ nata Abeipa â vy hlâta cha, pachiana biepathlupa khâpa hmah tao khuh vy. Ano ta zohna liata hmo nyupazy cha khaihna lâ vaw puakhei aw ta, palôh achhuahnazy a palâsa aw. Cha tita chyhsa to Khazohpa reithaina ama hlao chyu aw.

BIEPHUAH 18:16

“Cha rimâ cha! Cha rimâ cha! Khihpi rônahpa, Poh rihdipa a bu ta, Poh nohsaipapa nata poh saihlawpa a bupa ta, Ngôh nata lôsôhpa ta a tobi ta, Taikulô ta a tobipa khihpi!