EZEKIA 24:6 - Mara Bible RV (BSI)

⁶ “Chavâta Abeipa Zehôvâh ta hetana heta a tah: Thisaih palo hmâhpa, beih upa khihpi, a upa pathai leipa khihpi cha a hu a po kaw dia! A tlyh hlei leipa ta, sa tlozy cha miakha miakha ta thaoh lymâ muh vy.

EZEKIA 24:6 ပူးပေါင်းရင်းမြစ်များ

2 SAMUELA 8:2

Môabâ pahnie ta, Môabâ mo cha a tlâh tlâh ta alei liata paziasa ta, thliena ri ta thlie ta, tlâh thôh liata tlâh no thie ta, tlâh kha cha a tlâh dua ta a pahlôh lymâ ei. Chatanachata Môabâ mo cha Dâvi chakaotuhpa ta y ei ta, râhpaw ama pie lymâ.

2 ABEIZY 21:16

Cha dei châ vei, Manase cha mosiapa thisaih thata palo ta, Zerusale doh nata hâ cha thisaih ta a pabie haw. Cha cha Zudâh pamoleisapa ta, Abeipa mohmô liata hmo pha lei ngaitapa ama taopa thota a taopa moleina a châ.

2 ABEIZY 24:3

Cha hmo cha Manase moleinazy nata a hmotaopa zydua vâta, Zudâh cha Abeipa mohmô tawhta pahlei awpa ta, Abeipa biepiepa ta Zudâh chô liata a vaw tlôpa a châ.

2 ABEIZY 24:4

Manase ta chyhsa siapazy thisaih palo ta, Zerusale cha chyhsa siapazy thisaih ta a pabiepa vâta, Abeipa ta a ngiahthai thei vei.

ZEREMIAH 2:22

Lôiah ta a sipa ta sâhbaw hluhpi hmâh hra la, Na thaileichâna a baipa kha, Khâ ei hmô thlâh ha chy,” Abeipa Zehôvâh ta a tah.

ZEREMIAH 6:29

Syuhu ta mei thata hmô ta, Ky cha mei liata a zao khai haw. Moleipazy thypa ama châ leipa vâta, Pathaisana rai cha hraoleipa a châ tyh.

EZEKIA 11:11

He khihpi he nama sa pasyuna beih châ leipa aw ta, nâmo chhao a chhôh liata sa châ aw veih ei chi. Izarei râhri liata nama thâtih pachia aw na ta,

EZEKIA 11:3

‘O sa daihti châ vei. He khihpi he sa pasyuna beih châ ta, keimo he sa eima châ hih,’ ama tah.

EZEKIA 22:12

Thisaih palo nawpa ta, panaopapana khihpi chhôh liata la ei ta, a pôhna nata â thôhna la chi ta, na vaihzy tlybaipa ta athôhna hmô chi ta, kei deikua cha eina my ha chi,” Abeipa Zehôvâh ta a tah.

EZEKIA 22:2

“Nâ, chyhsa sawchapawpa y, thisaih lona khihpi cha na pachia aw ma, na pachia aw ma? Na pachia awpa khiahta cha, a pasichhihna zydua phuah thlu mah y.

EZEKIA 22:27

Râh beimachâzy cha changie zohpa ta sa tai ta, a hriechheihpa lyu ei ta, â doleipa ta athôhna ama hmô thei nawpa ta, thisaih palo ei ta, chyhsa hronazy ama pahleipadia.

EZEKIA 22:3

A hnohta reih la, Abeipa Zehôvâh ta hetana heta a tah: Hy khihpi, khazoh nothlahpazy taopa ta, nâmasasyh ta a papuapalei chi ta, khihpi chhôh liata thisaih na palopa vâta, na daihti a vaw tlô hai.

EZEKIA 24:3

Saw chhorupazy hnohta pakhona bie reih la, ama hnohta, Abeipa Zehôvâh ta hetana heta a tah: “Beih khaih u la, Khaih tlai u la, A chhôh liata ti chhoh teh u.

EZEKIA 24:9

Chavâta Abeipa Zehôvâh ta hetana heta a tah: Thisaih lona khihpi cha a hu a po kaw dia! Keima tlai ta mei châta thoiah ei chahy thlu aw.

ZÔELA 3:3

Ei phopi cha nuby a daopa ta a rai ei ta, Chapaw hawti cha âzuahnô nata ri ei ta, Kresawhti châta chanô hawti zuah ei ta ama doh tyh.

ÔBADIA 1:11

Khichhaipazy ta Zerusale sôh a râkhei ei ta, Chihropazy ta a thokhy chhikao a ngiapa ta, Zerusale kyh nuby amâ dao noh kha, Â hlapa tawhta tlâ na moh ei; Chavâta nâ chhao âmo hawhpa na châ hrapa kha.

ZAWNA 1:7

Balyh puhpazy a chhohia ei ta, “A vy teh u, he hmo pha leipa eima chô liata a tlôpa he ahy vâta ma tahpa eima pahno thei nawpa ta nuby a dao ei suh u,” tah ei ta. Nuby a dao ei ta, Zawna chô liata tlu ta.

MIKÂ 7:2

Khazohpa chyhsa cha, Alei tawhta leidia ha ta; Chyhsapa hry liata Adopa rai y khao veih ei; Thisaih palo awpa ta a byhpa sai châ ei ta, Sao ta a unawhpa a chadipa sai ama châ.

NÂHU 3:1

Thisaih a palopa khihpi cha a hu a po na! Haipa biezy nata hraonazy ta bie ta, A sa taipa chie beih vei.

NÂHU 3:10

Chatanachôta Thebe cha papaipa châ ta, Seichâna lâ a siepa kha; Khiliah su to liata A hawsaihzy taichheihpa châ ei ta, A chyhsa zachhihpazy cha, Nuby a daopa ta amâ rai; A chyhsa rônahpazy chhao, Bâliazy ta ama chahry.

MATHAI 23:35

Chatanachata chyhsa siapa Abela thisaih tawhta supathaihpa nata maisâh likawh ta nama thiepa Berakia sawchapawpa Zekaria thisaih taih ta, alei chô liata chyhsa siapa thisaih palopa zydua thisaih maoh cha nama chô liata a vaw tlô aw.

RYHPACHANEINA 23:13

Nama hmobaohzy hry liata alei lina hnei aw chi ta, cha cha hmâpa ta lyupâh pua awpa ta khôtho liata namâ tyu nawpa su chao aw ei chi ta, nama lyupâh cha alei ta nama khu lilaw heih aw.

ZAWSUA 10:22

Zawsua ta, “Lôpu paka kha pahy u la, bei papangawhzy kha ei hnohta a vaw chhi teh u,” tah ta.

BIEPHUAH 17:6

Cha chanô cha mopathaihpazy thisaih nata Zisu mâtyzy thisaih a paripa ta hmô na ta. Ei hmô nahta, ei noâh ngaita ta.

BIEPHUAH 18:24

A chhôh liata hrohsopazy thisaih y ta, Mopathaihpazy thisaih chhao y ta, Lei liata thiepa zydua thisaih a y.”