EZEKIA 24:24 - Mara Bible RV (BSI)

²⁴ Cha hawhna chata Ezekia cha nama châta ngiana châ aw ta, a taozie lymâ hawhta nama tao awpa a châ. Cha hmo cha a vaw tlô tita, Abeipa Zehôvâh ei châ tahpa nama pahno aw,’ tahpa ta reih mah y, a tah,” tah na ta.

EZEKIA 24:24 ပူးပေါင်းရင်းမြစ်များ

EZEKIA 4:3

Chatawhcha thua phiapa la la, nâ nata khihpi likawh liata thua thokhy ta chhôh la, cha lâ cha na hmia chhy mah y. Cha hawhna chata khihpi cha dôh aw chi ta, na dôhpa cha na pa-i via lymâ aw. He he Izarei pathlazy châta ngiana a châ aw.

EZEKIA 12:11

Ama hnohta, ‘Kei he nâmo châta ngiana ei châ. Ei taopa hawhna heta, nama chô liata taopa châ hra aw ta, hiepatlapa ta y aw ei chi ta, seichâna lâ nama sie aw,’ tah mah y.

EZEKIA 6:7

Ama thiepazy nama hry liata pao aw ei ta, Abeipa ei châ tahpa nama pahno aw.

ISAI 20:3

Chatawhcha Abeipa ta, “Nâ chakaotuhpa Isai ta Izi nata Kusi chô liata a tlô awpa ngiana nata biesakâvawna châta kô thôh chhôh thluahruapa nata pheiky a ky leipa ta a sievawhpa hawhta,

ZAWHÂNA 16:4

Ama daihti a vaw tlô tita, ei cha chho chhieliepa ei a châpa namâ thei nawpa ta, he biezy he nama hnohta ei reih. “Nama hnohta ei ypa vâta, he biezy he âthaona tawhta cha chho veih ei na.

ZAWHÂNA 14:29

Cha hmo a vaw tlô tita nama zo nawpa ta, a vaw tlô hlâta tahmâ ei cha chho ei.

ZAWHÂNA 13:19

Tahmâ a vaw tlô hlâta ei cha chho ei, a vaw tlô tita, keima he ano cha ei châ tahpa namâ ngiapâ thei nawpa ta.

LUKA 21:13

Cha cha nama bie pahnopa reina rypaohpa a châ aw.

EZEKIA 25:17

Hiehâh ngaitapa ta chhoreipa ta ama chô liata phuh ei la aw. Cha hawhta ama chô liata phuh ei la tita, Abeipa ei châ tahpa ama pahno aw,” tah ta.

EZEKIA 25:14

Ei phopi Izarei ku ta Edômâ chô liata ei phuh la aw na ta, ei hiehâhna nata ei pathiiana lymâ hawhta Edômâ chô liata tao aw ei ta, chatanachata kei ta phuh ei lapa a châzie ama pahno aw, Abeipa Zehôvâh ta a tah.

EZEKIA 25:11

Môabâ cha hrie aw na ta, chatanachata Abeipa ei châ tahpa ama pahno aw.”

EZEKIA 25:7

pachâ teh, na chô liata ei ku hy na ta, phopizy hnohta hraona sôh ta ei cha hlâ aw. Phopizy tawhta cha chhawh pathlah aw na ta, râh to tawhta ei cha pahleipadia aw. Cha parao aw na ta, chatanachata Abeipa ei châ tahpa na pahno aw.”

EZEKIA 25:5

Râbâ khih cha râraoseihpa tlaihna ta tao aw na ta, Amawna râh cha, sahroh abyuna su ta ei tao aw. Chatanachata Abeipa ei châ tahpa nama pahno aw.

EZEKIA 17:24

Chatanachata lyurâh tho zydua ta kei, Abeipa he, thokô a sâhpa pahnaipa ta, thokô a hnaipa pasâh na ta; tho hrohpa paraohpa ta, tho raohpa a pahrotuhpa ei châ tahpa ama pahno aw. Kei, Abeipa ta reih ha na ta, ei tao aw.’”

EZEKIA 12:6

Ama mohmô lia tlai ta, na ngiatlâh liata na hmo khaih aw chi ta, a zoh chhyhma ta na puakhei aw. Râh na hmô lei nawpa ta, na hmia na khu ha aw. Izarei pathlazy châta ngiana ta ei cha tao,” tah ta.

EZEKIA 7:27

Abei cha mâchhie sa aw ta, abei sawchapawpa chhao hnabeidyna chysia ta a tobi aw ta, râh zawpi kuzy â chalyu aw. Âmo hrozie hawhta ama chô liata patlôsa aw na ta, chyhsa ama pachiazie hawhta âmo chhao ei pachia aw ei. Chatanachata Abeipa ei châ tahpa ama pahno aw.”

EZEKIA 7:9

Ei mo ta cha pahlôh leipa aw ta, cha ngiachhie aw va na. Na hroziezy vâta nata râh chhôh liata hmo pasichhihpa na taopazy vâta, viari ei cha thô aw. Chatanachata kei cha a hrie theipa Abeipa ei châ tahpa nama pahno aw.

ZEREMIAH 17:15

Pachâ teh, chyhsazy ta ei hnohta, “Abeipa bie cha khataih liata a y? Vaw tlô bao sa,” Ama tah tyh.

ISAI 8:18

Moh teh u, kei nata Abeipa ta eina piepa sawzy he, Izarei liata ngiana nata pamosanazy châta Zaio Tlâh liata a pahrâpa Pheisaihzy Abeipa ta a hmâpazy eima châ hih.

EZEKIA 20:44

Nama hrozie chhiepazy hawhta châ leipa ta, moleina hmo nama taopazy hawhta châ hra leipa ta, ei moh vâta nama chô liata hmo ei tao tita cha, Hy Izarei pathlazy saih u, Abeipa ei châ tahpa nama pahno aw, Abeipa Zehôvâh ta a tah.”