EZEKIA 24:23 - Mara Bible RV (BSI)

²³ Nama khuthozy a khu aw ei chi ta, nama pheikyzy namâ ky aw. Mâchhie sa leipa aw ei chi ta, cha hra aw veih ei chi. Nama paraonazy liata leilô aw ei chi ta, namâ chakhei raihrie aw.

EZEKIA 24:23 ပူးပေါင်းရင်းမြစ်များ

2 SAMUELA 15:30

Dâvi cha Ôli Tlâh lâ khyna lâpi lâta khy ta, chana chôta sie ta, a luh a khu ta, phei ruapa ta sie ta. A hnohta a ypa chyhsa zydua chhao ama luh a khu chyupa ta khy ei ta, cha lymâna chôta sie ei ta.

ZAWBÂ 27:15

A thisaipazy cha potlana ta pabu aw ei ta, A nôhmeizy chaphôhtu aw veih ei.

HLAZY 107:17

Thokha cha hru kawpa ta moleina lâpizy a chhih ei ta, Ama paraonazy vâta pasataopa ta ama y.

HLAZY 78:64

Ama theihthaipazy zaozi ta pao ei ta, Ama nôhmeizy chaphôhtu khao veih ei.

ISAI 20:2

Abeipa ta Amôza sawchapawpa Isai hnohta, “Sie la, na chai liata latho poh nâ saipa kha pathlâ la, na phei liata pheikyzy kha pahluh teh,” tah ta. Cha hawhna chata tao ta, Isai cha thluahruapa nata pheiky a ky leipa ta a hlaihlâ ta.

ISAI 59:11

Chavyhzy hawhta eima zydua ta sâh pi ta, Vachhuhzy hawhta thata eimâ hrô. Adona hâ pi ta, Châhrasala y vei; Pachhana hâ pi ta, Châhrasala miah â hla haw.

ZEREMIAH 13:18

Bei nata a nô hnohta hetana heta tah teh: “Dyuchhai a hnaipa liata a tyuh teh u; Nama beilakhozy tla ha ta, Nama rônahna lakho a tla haw.”

CHAPHÔHTUNA 4:9

Lyu kôvei y leipa vâta, Nodi thachhâpa ta y ta; Nodipa ta thipa hlâta la, Zaozi ta thipa a pha via.

EZEKIA 24:22

Ei taopa hawhna tlai heta tao aw ei chi ta, pohluh a khu leipa aw ei chi ta, rihâ sa chhao nie aw veih ei chi.

EZEKIA 33:10

“Chavâta chyhsa sawchapawpa y, Izarei pathlazy chho la, ama hnohta, ‘Eima paraona nata eima moleinazy ta miah vi ta, chazy vâna chata eima thuzao hai. Kheihta eima hro thei rai aw?’ a tahpazy nama châ, tah mah y.

EZEKIA 4:17

Nie nata do a phahlapa ta, vâsâhpa ta amâ moh thlâh ha nawpa ta, he hmo he tao aw na ta, ama moleina vâta zaoh lymâ aw ei ta, ama thi aw.”

EZEKIA 44:18

Pala rih dipa khuthozy ama luh liata a khu aw ei ta, pala rih dipa rythozy ama chai liata amâ sai aw. Mathlai a paleisa theipa chysia kheihawhpa hmah ama tobi awpa châ vei.

THEIHTHAINA 26:16

kei chhao ta nama chô liata he hmozy he ei tao aw: Nama chô liata hmo chichhihpa patlôsa aw na ta, nama mo pazohsa ta, nama hrona a pahlei theipa chaohpa hri nata chasipazy ei chareisa aw. Hraoleipa ta chi cheih aw ei chi ta, nama chariahpazy nie awpa a châ aw.

THEIHTHAINA 26:39

Nama hry liata laibâhpazy chhao, ama paraona vâta nama chariahpazy râh liata ama leidia aw. Âmo paraona vâ dei châ vei, ama pathlatuhpazy paraona vâta ama pathlatuhpazy hawhta ama leidia aw.