EZEKIA 24:21 - Mara Bible RV (BSI)

²¹ ‘Izarei pathlazy hnohta, Abeipa Zehôvâh ta hetana heta a tah: Moh teh u, nâma palaikheipa nama thatlôna, nama mo lôhrâtlôna nata nama hro ta a vâ kaw tyhpa ei supathaihpa papuapalei aw na ta, nama siesaipa nama sawchapawzy nata nama sawchanôzy zaozi ta ama pao aw.

EZEKIA 24:21 ပူးပေါင်းရင်းမြစ်များ

EZEKIA 23:47

Zawpi ta alô ta vawh aw ei ta, ama zaozi ta ama chhawhsao aw. Ama sawchapawzy nata ama sawchanôzy thie aw ei ta, ama ozy mei ta ama rao aw.

EZEKIA 23:25

Ei hiatliana na chô liata patlôsa aw na ta, hiehâh ngaitapa ta na chô liata hmo ama tao aw. Na hnapasuzy nata na nakhaohzy chhawh pathlah aw ei ta, a laibâhpazy zaozi ta ama pao aw. Na sawchapawzy nata na sawchanôzy cha lapa aw ei ta, a laibâhpazy cha mei ta a kâsao aw ei.

ZEREMIAH 7:14

Silô chô liata ei taopa hawhna khata, ei moh ta bipa, he o chô liana chhao he tao aw na ta, nâmo nata châ pathlatuhpazy hnohta su ei cha piepa ei, namâ ngâchhâpa chô liata chhao ei tao aw.

HLAZY 27:4

Abeipa liata hmo miakha hiah na ta, Cha hmo cha khâ ei tlua aw; Cha cha ei hro chhôh noh zydua liata Abeipa o liata pahrâ ta, Abeipa angianazie sai ta, Achhyna o liata thlahchhâ awpa a châ.

EZEKIA 24:16

“Chyhsa sawchapawpa y, moh teh, na mo lôhrâtlôna kha eikhapi ta ei cha lapa ha aw. Mâchhie na sa awpa châ leipa ta, na cha awpa châ hra leipa ta, na mothlih a tla awpa châ hra vei.

ZEREMIAH 6:11

Chavâta Abeipa pathiiana ta bie na ta, Mao-oh ngâ thlâh hapa he ei tha a chhâ kaw bâ. “Na pathiiana cha khiliah liata hawtizy chô liata patlai la, Satlia a y pakhypazy chô liata patlai mah y. A chanô chapaw ta lapa châ aw ei ta, Machâpazy nata nôpi pawpipazy chhao lapa ama châ aw.

HLAZY 84:1

Hy Pheisaihzy Abeipa, Na byureihzy cha kho â chhih kaw dia!

DÂNIAH 11:31

A pheisaihzy vaw pua aw ei ta, Achhyna o nata thokhyzy papuapalei aw ei ta, raopa hlâna hlâ tyhpazy ama pachhâsa aw. Chatanachata roryhrana a patlôsatuhpa hmo pasichhihpa cha ama padua aw.

EZEKIA 9:7

Abeipa ta ama hnohta, “Achhyna o kha papuapalei u la, a dôhpachhôh tlyhmiazy kha athihpa ri ta pabie ha muh vy. Thie awpa ta pua teh u,” tah ta. Chatanachata pua ei ta, khihpi chhôh liana cha thie lymâ ei ta.

CHAPHÔHTUNA 1:10

A hmo sôhpa zydua chô liata, Chariahpa ta a ku a pazawh haw; A supathaihpa liata, Phopizy amâ ngiapa a hmô; Na pakhypi a hlao awpa na pasai leipazy ta, Supathaihpa liata amâ ngia.

ZEREMIAH 9:21

Eima opyzy liata thina a vaw ngia ha ta, Eima abei ozy liata chhao â ngia haw. Khiliah liata hawtizy chhawh pathlahpa ta y ei ta, Tlyliah liata satliazy chhawh pathlahpa ta ama y.

ISAI 65:11

“Nâmo, Abeipa siesaipa ta, Ei tlâh pathaihpa my ei chi ta, Vâphana châta tlâhkhai a chhuahdypa ta, Tovyuh châta nyu liata Kresawhti ropahâhpa a patlai tyhpazy deikua cha,

HLAZY 132:8

Hy Abeipa, thyu la, Nâ pahâna su lâ vawh la, Na thatlôna Byh chhaota vawh mah y.

HLAZY 105:4

Abeipa nata a thatlôna tlua u la, A hmia khâ tlua muh vy!

HLAZY 96:6

A hmiakô liata rônahna nata abeina y ta, A supathaihpa liata thatlôna chhithaina a y.

HLAZY 79:1

Hy Khazohpa, phopi hropazy ta na ryuto râh lâ a vaw ngia ei ta, Nâma Achhyna o pathaihpa papuapaleipa ta, Zerusale khihpi ama parao haw.

HLAZY 74:7

Na supathaihpa mei ta rao ei ta, Na moh yna ama papuapalei.

THEIHTHAINA 26:19

Nama thatlôna namâ palaikheipa thlie pachhô aw na ta, nama chô lâta avâzy cha thua hawhta tao aw na ta, nama ry lâta alei dawh hawhta ei tao aw.

EZEKIA 7:24

Ama ozy chhu awpa ta, phopizy hry liata phopi chhie chaipa ei vaw chhi aw. Thatlôpazy apalaina pachhâsa aw na ta, ama su pathaihpazy papuapaleipa a châ aw.

EZEKIA 24:20

Kei ta ama hnohta, “Abeipa bie ei hnohta vaw tlô ta:

EZEKIA 24:22

Ei taopa hawhna tlai heta tao aw ei chi ta, pohluh a khu leipa aw ei chi ta, rihâ sa chhao nie aw veih ei chi.

EZEKIA 24:25

“Nâ deikua cha, chyhsa sawchapawpa y, ama thatlôna, amâ lyna nata ama rônahna, ama mo lôhrâtlôna, ama hro ta a tlaichhaipa nata ama sawchapawzy nata ama sawchanôzy âmo tawhta ei lana noh liata,

EZEKIA 33:28

Râh cha roryhrapa nata a rypa ta tao aw na ta, â palaikhei kawpa a thatlôna chhao ei pachhâsa ha aw. Izarei tlâhpizy cha roryhrapa ta ama y awpa vâta, ahy hmahta chapia khao aw veih ei.

HÔSIA 9:16

Epharai cha tupa ta y ta, Ama thari a raoh haw; Pathei thei khao aw veih ei. Hawti ama hneipa chhao ta, Ama saw mopakiapazy ei thie lymâ aw.

MALAKHAI 2:12

He hawhpa hmo a taopa chyhsa cha, Abeipa ta a chi pamua sala, Zakaw poh o liata a pahrâ awpa chipathlazy hnei leipa sala, Pheisaihzy Abeipa lâta hmo a hlâ awpa chipathla chhao hnei khah sy.

1 ABEIZY 9:7

Izarei cha râh ei piepa tawhna heta chhawh pathlah aw na ta, ei moh châta Achhyna o ei pathaisapa chhao he ei mohmô tawhta ei pasie syulyu ha aw. Chatanachata Izarei cha a chhiena lâta pakhona bieso châta nata pasipasawhna bie châta phopizy hry liata hmâpa a châ aw.

HLAZY 84:3

Hy Pheisaihzy Abeipa, Ei Beipa nata ei Khazohpa, Na maisâh kiapâh liata la, Boby hmahta o hnei ta, Siviah chhao ta bu a hnei, A tawzy so nawpa ta.

CHAPHÔHTUNA 2:1

Abeipa ta a pathiiana ta Zaio sawchanô cha meihdo ta a khu ha he zaw! Izarei chhithaina chhao, Avâ tawhta alei lâ a za thy ha hih; A hiehâhna noh liata la, A pheitlyna chhao a thei khao vei.

CHAPHÔHTUNA 2:21

Khiliah dohlei hry liata, Hawti machâ amâ zawh; Ei satlia laihsa zy Zaozi ta ama pao haw; Na hiehâhna noh liata thie ei ta, Ngiachhiena rai hnei leipa ta ama thie khai haw.