Zudâh bei Zehôkhi cha, a nô nata a chakaotuhpazy nata a beimachâzy nata abei o liata hyutuhpazy chhaota Babylaw bei lâ kei pua ei ta. Chatanachata Zehôkhi cha â beina kô chariena liata Babylaw bei ta a patu haw.
Zudâh bei Zedekia abeina kô chakina, thla hrawhna liata, Babylaw bei Nebukaneza nata a pheisaih zydua ta Zerusale za siehnao ei ta, khihpi cha dôh ei ta.
Zedekia â beina kô chakina, thla hrawhna, noh hrawhna noh liata, Babylaw bei Nebukaneza cha a pheisaih zydua chhaota Zerusale siehnao ta. Khihpi cha dôh ei ta, khihpi dôhna diasuazy tao ei ta.
Nama aohraohna cha nama chô liata cha vaw palie thlusa aw ei ta, khazoh nothlahpa namâ chhyna nama moleina ty nama phaoh aw. Chatanachata kei he Abeipa Zehôvâh ei châ tahpa nama pahno aw,” tah ta.
Seichâna lâ eima siena kô hrawh hleinona, thla hrawhna, noh pangawhna noh liata, Zerusale tawhta a râpa chyhsa pakha kei lâ a vy ta, “Khihpi a rao haw,” tahpa ta na chho ta.
Eima seichâna kô kih nata kô pangawhna, kô thaona lâ, noh hrawhna, khihpi a rao tawhta kô hrawh hleipalihna, cha noh lia tlai ta, Abeipa ku ei chô liata vaw y ta, khihpi lâ nâ chhi ta.
Kô charuna, thla charuna, noh pangawhna noh liata, ei o liata ei tyu thlâh ha nota, Abeipa Zehôvâh ku cha ei chô liata vaw y ta. Zudâh machâzy chhao ei hmiakô liata a tyuh ei ta.
“Pheisaihzy Abeipa ta hetana heta a tah: Thla palihna kâhvileina, thla pangawhna kâhvileina, thla sarina kâhvileina nata thla hrawhna kâhvileina daihtizy he alyna nata thaphana lâta a lie aw ei ta, Zudâh châta alyna kyhchhizy lâta amâ lie aw. Chavâta adona nata adyhna pasô muh vy.