EZEKIA 23:4 - Mara Bible RV (BSI)

⁴ A uhtheinô moh cha Ôhôlâ châ ta, a nawhtanô moh cha Ôhôlibâ a châ. Kei eih vaw châ ei ta, sawchapawzy nata sawchanôzy sa ei ta. Ama moh kyh liata, Ôhôlâ cha Samâri châ ta, Ôhôlibâ cha Zerusale a châ.

EZEKIA 23:4 ပူးပေါင်းရင်းမြစ်များ

1 ABEIZY 12:20

Zerôbaw â kaw lie haw tahpa Izarei zydua ta ama thei nahta, a hmaohpakhyna liata a vy awpa ta paawsa ei ta, Izarei zydua chô liata bei ta ama tao haw. Zudâh chi tah leipa ta cha Dâvi pathlazy a pazipa ahy hmahta y vei ei.

1 ABEIZY 8:29

Chatanachata he su lâ he a vaw heih la, châ chakaotuhpa ta he su lâ a heihpa ta a thlahchhâna he nathlie la, ‘Cha liata ei moh a y aw,’ na tahna su, he o lâ tlai he chhô nah zâ ta na mo tawpâ thlâh ha mah y.

HLAZY 76:2

Salem liata a byureih y ta, Zaio liata a pahrâna su a y.

ZEREMIAH 3:6

Bei Zôsia â bei nota, Abeipa ta ei hnohta hetana heta tah ta: “Ngiapâ leipa Izarei hmotaopa, tlâh sâhpa to lâ kiah ta, tho hrohpa ry to liata â zuah tyhpa kha na hmô ma?

ZEREMIAH 3:7

‘Cha hmo zydua a tao khai tawhta cha, kei lâ a vaw kua heih bao aw na’, tah na ta. Châhrasala vaw kua hlei vei. A narônô haiphiahnô Zudâh chhao ta, cha cha a hmôpa a châ.

EZEKIA 16:20

“Nâma nâ zuapa bao hmahta â daih tah leipa chi ta, keima liata na sapa na sawchapawzy nata na sawchanôzy a chhi chi ta, atheihna ta hlâ awpa nata ama nie awpa ta, khazoh nothlahpazy lâ na hlâ ei.

EZEKIA 16:40

Châ dyuh awpa ta zawpi a vaw chhi aw ei ta, alô ta cha vawh aw ei ta, zaozi ta na chhitlyuna taihta ama cha vieh aw.

EZEKIA 16:46

Na narô uhtheinô cha Samâri châ ta, nâ tawhta nochhi lâ liata a sawchanôzy chhao ta ama pahrâ. Na narô seihnainô cha Sawdawmâ châ ta, nâ tawhta chho lâ liata a sawchanôzy chhao ta a pahrâ.

EZEKIA 16:8

“‘Cha vaw chapiapa ta, ei cha hmô heih nahta, moh tua, dyhchâ a vaw daih ha chi ta, chatanachata ei poh hy na ta, na thluahruana ei cha khu. Bie châ taih na ta, biehrai liata châ ngiakhei na ta, chatanachata kei eih na vaw châ haw,’” Abeipa Zehôvâh ta a tah.

EZEKIA 23:3

Izi râh liata sihryh ei ta, ama laihsa no tawhta a sihryhpa ama châ. Ama sâhpizy hmiepa ei ta, ama laihsa kôna sâhpizy ama hriapa.

EZEKIA 23:36

Abeipa ta ei hnohta reih hei ta: “Chyhsa sawchapawpa y, Ôhôlâ nata Ôhôlibâ cha na pachia aw ei ma? Ama pasichhihnazy ama hnohta phuah mah y.

EZEKIA 23:44

Chapawzy ta âzuahnô liata amâ ngiapa hawhta, a hnohta a ngia ei ta, cha hawhna chata chanô aohraohpa Ôhôlâ nata Ôhôlibâ hnohta amâ ngia hapa a châ.

EZEKIA 23:5

“Ôhôlâ cha kei eih a châ thlâh ha nota, â zuah ha heih ta, a Asuria mo a khopawzy chô liata a aohraoh ha heih.

HÔSIA 1:3

Chatanachata Hôsia cha thyu ta, Dibalaimâ sawchanô Kôme cha lapinô ta hnei ta. Kôme cha saw phaoh ta Hôsia châta sawchapaw sapa ta,

HÔSIA 2:7

A khopawzy cha chadai aw ta, Châhrasala pha aw vei; Tlua laih aw ta, Hmô aw vei. Cha tita, ‘Ei vahpa tuapa lâ ei kua aw, Kha daihti kha tahmâ tahpa hlâta Ei châta a pha via,’ a tah aw.

ZAWHÂNA 4:22

Nâmo ta nama pahno leipa a chhy tyh ei chi ta, keimo deikua ta cha eima pahnopa eimâ chhy tyh. Pachhana cha Zuzy tawhta a vaw puapa a châ.

RAWMA 7:4

Cha hawhna chata, unawh saih u, nâmo chhao, ryhpa cha Krista pôhpa liata nama thisai haw. Chatanachata mohropa, athihpa hry tawhta pathyupa Krista eih châ ha ei chi ta, Khazohpa châta thei pha eima pathei thei aw.