EZEKIA 22:4 - Mara Bible RV (BSI)

⁴ Thisaih na palona liata thailei châ ha chi ta, khazoh nothlahpa na taopazy ta a papuapaleipa ta, na nohzy pahniasa chi ta, na kôzy a vaw tlô haw. Chavâta phopizy ta ama reipachhie awpa ta cha tao na ta, râh zydua ta ama pahneisao awpa ta ei cha tao haw.

EZEKIA 22:4 ပူးပေါင်းရင်းမြစ်များ

1 ABEIZY 9:7

Izarei cha râh ei piepa tawhna heta chhawh pathlah aw na ta, ei moh châta Achhyna o ei pathaisapa chhao he ei mohmô tawhta ei pasie syulyu ha aw. Chatanachata Izarei cha a chhiena lâta pakhona bieso châta nata pasipasawhna bie châta phopizy hry liata hmâpa a châ aw.

2 ABEIZY 21:16

Cha dei châ vei, Manase cha mosiapa thisaih thata palo ta, Zerusale doh nata hâ cha thisaih ta a pabie haw. Cha cha Zudâh pamoleisapa ta, Abeipa mohmô liata hmo pha lei ngaitapa ama taopa thota a taopa moleina a châ.

2 THÂTIHZYRONA 7:20

râh ei cha piepa tawhna ei heta cha phia aw ei na ta, ei moh châta ei pathaisapa, he o chhao he ei mohmô tawhta pazaw syulyu ha aw na ta, phopi to châta pakhona bieso nata pahneiparâsaona châta ei tao aw.

HLAZY 79:4

Eima chheipâh râhzy pasipasawh awpa lâta pua ha pi ta, Eima kiapâh liata a ypazy ta miah pahneisao ei ta, Miah ama reipachhie.

ZEREMIAH 18:16

Ama râh cha roryhrapa ta paysa ei ta, Chhâzaw ta hmaotô chie awpa ta ama tao. A chapiapa maihta noâh tah ei ta, Ama luh ama chahuah.

ZEREMIAH 24:9

Khizaw khinarâh zydua ta ama moka awpa ta tao aw ei na ta, âmo ei tona su to liata ama reipachhiepa, chhiena lâta pakhopâna ta ama hmâpa, ama pasipasawhpa nata chhie ama sa thlupa ta ei tao aw ei.

ZEREMIAH 44:8

Khazia pahrâ awpa ta namâ vyna Izi râh liana heta khazoh hropazy lâta ropahâhpazy raopa ta, nâmo ku ta nama taopa hmozy ta ei hie eina pahâh ei chi tly? Khazia nâmosasyh ta a chhawh pathlahpa ta, khizaw phopi zydua hry liata chhiesapa nata pasipasawhpa ta nama y aw?

EZEKIA 16:57

na moleina hmôpa a châ hlâta cha, cha hawhta na tao tyhpa châ vei ma? Tahmâ deikua cha, Aramia sawchanôzy nata a chheipâh liata a ypa zydua ta ama reipachhie awpa châ ha bâ chi ta, su to tawhta châ pasipasawh tyhpa Philistinâ sawchanôzy ta ama reipachhie awpa na châ ha hih.

EZEKIA 21:28

“Hy chyhsa sawchapawpa y, hrohsona bie phuah la, Amawna mo nata âmo reipachhiena kyh liata, ‘Abeipa Zehôvâh ta hetana heta a tah: Hy Zaozi, Hy zaozi, thie awpa ta na paih tawhta â phia la, dôhla hawhta pathlie awpa ta padiehsapa ta y mah y.

EZEKIA 22:2

“Nâ, chyhsa sawchapawpa y, thisaih lona khihpi cha na pachia aw ma, na pachia aw ma? Na pachia awpa khiahta cha, a pasichhihna zydua phuah thlu mah y.

EZEKIA 23:32

Abeipa Zehôvâh ta hetana heta a tah: “Na narônô nyu doh aw chi ta, Nyu tôh seihpa nata nyu laipa tlai na doh aw; A hluhpi â tlôhpa nyu a châpa vâta, Pahneisaopa nata zakheipa na châ aw.

EZEKIA 23:7

Asuria molaipa zydua liata â zuah ta, a sihryhkheipa chyhsazy khazoh nothlahpa zydua ta â papuapalei.

EZEKIA 24:7

Thisaih a palopa cha a khihpi chhôh liata y ta, dohlei ta a khu ha awpa ta alei liata patlai leipa ta, lôpanô ruapa chô liata tlao a patlai.

EZEKIA 24:8

Hiehâhna pathyupa ta phuh lana a y thei nawpa ta, thisaih a palopa cha khupa ta a y lei nawpa ta, lôpanô ruapa chô liata ei patlaipa a châ.

EZEKIA 36:15

Râhzy ta ama cha reipachhiena thei khao leipa aw chi ta, phopizy mohnaopa châ khao hra leipa aw chi ta, na râh papaosa khao aw va na,” Abeipa Zehôvâh ta a tah.

DÂNIAH 9:16

Hy Abeipa, ei châ haw na, siana ta na hmotaozie zydua hawhta, na hiehâhna nata na pathiiana cha Zerusale, na tlâh pathaihpa tawhna heta rie pakuasa ha mah y. Keimo moleinazy nata miah pathlatuhzy paraona vâta, Zerusale nata na chyhsazy he eima chheipâh chyhsazy ta ama rei tyh awpa eima vaw châ ha hih.

THEIHTHAINA 26:32

Râh cha keima tlai ta roryhrapa ta tao aw na ta, cha liata a pahrâpa nama chariahpazy taihta noâh ama tah aw.

MALUHREINA 32:14

Châ pathlatuhpazy kha moleipa pathlazy châ ei ta, nâmo chhao âmo su a thlapa ta, Izarei chô liata Abeipa pathiiana chichhihpa nama baichha via rili he zaw!

RYHPACHANEINA 28:37

Chatanachata Abeipa ta a châ chhi nawpa phopi zydua hry liata, chichhihpa nata bieso nata hmo chhiepa lâta pakhopâna nama châ aw.

RYHPACHANEINA 29:24

Phopi to ta, ‘Khâpa vâta ma Abeipa ta cha râh cha, cha hawhta a tao tly? Cha hawhta hiehâhna ru ngaitapa a patlôsapa cha, khâpa ma a chhâpa a châ tly?’ ama tah aw.

1 THYSALAWNIKA 2:16

Zenitaizy pachha ama châ thei nawpa ta ama hnohta bie chho awpa miah pakhâ ei ta, chatanachata ama moleina panuana ama pabie lymâ. Achhâna liata cha Khazohpa hiehâhna ama chô liata a vaw tlô haw.