EZEKIA 22:3 - Mara Bible RV (BSI)

³ A hnohta reih la, Abeipa Zehôvâh ta hetana heta a tah: Hy khihpi, khazoh nothlahpazy taopa ta, nâmasasyh ta a papuapalei chi ta, khihpi chhôh liata thisaih na palopa vâta, na daihti a vaw tlô hai.

EZEKIA 22:3 ပူးပေါင်းရင်းမြစ်များ

2 ABEIZY 24:3

Cha hmo cha Manase moleinazy nata a hmotaopa zydua vâta, Zudâh cha Abeipa mohmô tawhta pahlei awpa ta, Abeipa biepiepa ta Zudâh chô liata a vaw tlôpa a châ.

2 ABEIZY 24:4

Manase ta chyhsa siapazy thisaih palo ta, Zerusale cha chyhsa siapazy thisaih ta a pabiepa vâta, Abeipa ta a ngiahthai thei vei.

HLAZY 106:39

Ama hmotaopazy vâta pathaih leipa châ ei ta, Ama hmotaopazy liata sihryhpa ama vaw châ haw.

ISAI 1:21

Kheihtazieta ma khihpi ngâchhihpa, Adona ta a bie tyhpa khihpi kha, Sihryhpa lâta a pua ha tly i? Ano liata siana pahrâ tyh ta, Tahmâ deikua cha, Lianycheihtuhpazy pahrâna a châ ha hih!

EZEKIA 12:25

Kei he Abeipa châ na ta, ei bie rei awpa cha reih aw na ta, taopa a châ aw. Hy saw chhorupazy saih u, hawh khao leipa aw na ta, nama hro chhôh tlai ta bie reih aw na ta, ei tao aw, Abeipa Zehôvâh ta a tah,” tah ta.

EZEKIA 22:2

“Nâ, chyhsa sawchapawpa y, thisaih lona khihpi cha na pachia aw ma, na pachia aw ma? Na pachia awpa khiahta cha, a pasichhihna zydua phuah thlu mah y.

EZEKIA 22:27

Râh beimachâzy cha changie zohpa ta sa tai ta, a hriechheihpa lyu ei ta, â doleipa ta athôhna ama hmô thei nawpa ta, thisaih palo ei ta, chyhsa hronazy ama pahleipadia.

EZEKIA 22:4

Thisaih na palona liata thailei châ ha chi ta, khazoh nothlahpa na taopazy ta a papuapaleipa ta, na nohzy pahniasa chi ta, na kôzy a vaw tlô haw. Chavâta phopizy ta ama reipachhie awpa ta cha tao na ta, râh zydua ta ama pahneisao awpa ta ei cha tao haw.

EZEKIA 22:6

“Moh teh, nâma liata a ypa Izarei beimachâzy cha, ama zydua ta ama hmotaotheina lymâ hawhta, thisaih palo a hmâhpa sai ama châ.

EZEKIA 23:37

A phei ha ei ta, ama ku liata thisaih a y haw. Ama khazoh nothlahpazy liata a phei ei ta, keima châta ama sapa ama sawzy taih mei liata raopa ta atheihna ta ama hlâ.

EZEKIA 23:45

Châhrasala chyh­sa siapazy ta âmo cha pachia aw ei ta, apheinô châta pachiana nata thisaih a palopa chanô châta pachianazy ta ama pachia aw. Apheinôzy ama châpa vâta, ama ku liata thisaih a ypa ama châ.”

EZEKIA 23:7

Asuria molaipa zydua liata â zuah ta, a sihryhkheipa chyhsazy khazoh nothlahpa zydua ta â papuapalei.

EZEKIA 33:25

Chavâta ama hnohta reih teh, Abeipa Zehôvâh ta hetana heta a tah: A thisaih chhaota sa nie ei chi ta, nama khazoh nothlahpazy lâ nama mozy uahnaohpa ta, thisaih nama palo tyh. Kheihta ma ei râh cha nama hnei thei aw?

EZEKIA 9:9

Abeipa ta ei hnohta, “Izarei nata Zudâh pathlazy moleina rarôh a y tu haw. Râh cha thisai ta bie ta, khihpi chhao avyuhna ta a bie. ‘Abeipa ta râh siesai ha ta, Abeipa ta hmô vei,’ ama tah.

MIKÂ 3:10

Thisaih ta Zaio padua ei chi ta, Moleina ta Zerusale a paduapazy saih u; He bie he thei teh u.

ZEPHANIA 3:3

A chhôh liata beimachâzy cha, Chakeibarôhneipa a rôh ngâpazy châ ei ta; A ryureituhpazy chhao, Zâ changie zohpa ama châ; My ta nie awpa dâhdei chhao, Pahlôh khao tyh veih ei.

RAWMA 2:5

Na palôh kuhchhana nata ro khoh leina vâta, hiehâhna noh, Khazohpa pachiana siapa â vaw luahna noh châta, nâmasasyh ta hiehâhna nâ pachôpakhy.

2 PITY 2:3

Sôh tlaichhaina vâta haipa biezy reih aw ei ta, sôhpalie nawpa ta ama cha hmâh aw. Ama thaileichâna cha hlâno tawhta y chakhyh thlâh ha leipa ta, ama leidiana chhao a mô vei.