EZEKIA 22:27 - Mara Bible RV (BSI)

²⁷ Râh beimachâzy cha changie zohpa ta sa tai ta, a hriechheihpa lyu ei ta, â doleipa ta athôhna ama hmô thei nawpa ta, thisaih palo ei ta, chyhsa hronazy ama pahleipadia.

EZEKIA 22:27 ပူးပေါင်းရင်းမြစ်များ

2 THÂTIHZYRONA 36:14

Theihthai laipazy nata zawpizy chhao ta, ngâchhihna rai hnei khao leipa ei ta, phopi hropazy hmotaopa pasichhihpazy tao hra ei ta, Abeipa ta Zerusale liata a pathaisapa Abeipa o taih chhao ama papuapalei.

BIESOZY 17:23

Moleipa cha arulâta panaopapana la ta, Adona lâpizy a parao tyh.

ISAI 1:23

Na beimachâzy cha chyhsa a chakhia thaipa châ ei ta, Parutuhpazy viasa ama châ. Chyhsa to ta panaopapana tlaichhai ei ta, Kuhriazy amâ chadai tyh. Paw hnei leipazy a duakhei leipa ei ta, Nôhmeizy aduakheina bie chhao ama hnohta tlô beih vei.

ZEREMIAH 34:19

Âmosasyh ta chhie a sa khâhpa ta viahchaotaw patlawpa likawh liata a siepahliepa Zudâh beimachâzy, Zerusale beimachâzy, hrilyupazy, theihthaipazy nata râhsaw zydua cha viahchaotaw patlawpa hawhta ei patlaw aw ei.

ZEREMIAH 41:7

Khihpi amâ vaw ngia nahta, Nethaniah sawchapawpa Ismela nata â chhipa chyhsazy ta âmo cha thie ei ta, ama ri cha khaohtlô liata thy ei ta.

ZEREMIAH 5:6

Ama paraonazy hluh ta, Ama paona a lai ngaitapa vâta, Râhmâhpa chakeibarôhneipa ta âmo cha tai aw ta, Râhchawhpa changie ta a sie aw ei; Keihchhoh ta ama khihpizy a byh aw ta, Khihpi tawhta a puapazy a hriechheih lymâ aw ei.

CHAPHÔHTUNA 4:13

A hrohsopazy moleina vâta châ ta, A theihthaipazy paraona vâta a châ; A chhôh liata thisaih palo ei ta, Chyhsa siapa thisaih a palotuhpazy vâta a châ.

EZEKIA 13:19

Haipa bie a nathliepa ei phopi hnohta haipa bie reih ei chi ta, bâli sâh pazah kha nata viahchhâ tlâ chyhta hmô nawpa ta, ei phopi hry liata na reipachhie ei chi ta, a thi tlâh a châ leipa chyhsazy thiepa ta, a hroh tlâh a châ leipazy tlao nama pahro.’

EZEKIA 22:13

“Chavâta pachâ teh, avyuhna ta nâ thôhna nata khihpi chhôh liata thisaih na palona zy vâta na chô liata ei ku ei pathla aw.

EZEKIA 22:25

Râh beizy cha chakeibarôhneipa a rôh ta, sa tai ta, a hriechheihpa lyu ei ta, arulâta chyhsa teipa ta, chyhsa hronazy la ei ta, chyhsa ryubyhzy nata hmo sôhpazy lapa ei ta, râh liata nôhmei hluhpi ama paysa.

EZEKIA 22:3

A hnohta reih la, Abeipa Zehôvâh ta hetana heta a tah: Hy khihpi, khazoh nothlahpazy taopa ta, nâmasasyh ta a papuapalei chi ta, khihpi chhôh liata thisaih na palopa vâta, na daihti a vaw tlô hai.

EZEKIA 22:6

“Moh teh, nâma liata a ypa Izarei beimachâzy cha, ama zydua ta ama hmotaotheina lymâ hawhta, thisaih palo a hmâhpa sai ama châ.

EZEKIA 33:31

Phopi hawhta nâ lâ a vy aw ei ta, ei phopi haw tlai ta na hmiakô liata a tyuhpa ta, na bie reipa thei aw ei ta, châhrasala zyh hlei aw veih ei. Ama pakah ta aohraohna bie sai reih ei ta, ama palôh cha athôhna sai a pachâ tyh.

EZEKIA 34:3

A thawhpazy tlao nie ei chi ta, mietaku hmi ta namâ tobi. Mietaku thawhpazy thie ei chi ta, châhrasala mietakuzy pasa veih ei chi.

EZEKIA 36:12

Nama chô liata chyhsazy chareisa aw ei na ta, ei phopi Izarei sawzy ei chareisa aw ei. Âmo ta na tlâh liata pahrâ aw ei ta, ama ryuto râh châ aw chi ta, ama sawzy pathisa khao aw va chi.

EZEKIA 45:8

Cha cha Izarei liata abei tovyuh râh a châ aw. Keima abeizy ta ei phopi tlybai khao leipa aw ei ta, Izarei pathlazy cha âmo chi chyu ta râh tlao ama pahneisa ha aw.

EZEKIA 45:9

“Abeipa Zehôvâh ta hetana heta a tah: Hy Izarei beizy saih u, a daih bâ se! Atudaina nata tlybaina bâhsai u la, ryureina dopa ta ryureih teh u. Siana ta hmo tao u la, ei phopi ama râh tawhta nama papua tyhpa bâhsai teh u, Abeipa Zehôvâh ta a tah.

EZEKIA 46:18

Râhsawzy cha abei ta ama ryuto râhzy tawhta papuapa ta, ahy ryuto râh hmah a chhu awpa châ vei. A sawchapawzy cha, ano râh tawhta ama ryuto râhzy a pie awpa ei a châ. Chatanachata ei phopi chyhsa ahy hmahta a ryuto râh tawhta papuapa châ aw veih ei.”

MIKÂ 7:8

Hy ei chariahpa y, Na palôh nâ eih khah y; Ei paopa chhao ta, Ei thyu heih aw; Zohna lia ei tyupa chhao ta, Abeipa cha ei khaihna a châ aw.

HABAKU 2:9

“Chhiena ku thatlôna tawhta a boh awpa ta, Su sâhpa liata a bu a tu thei nawpa ta, A chhôhkha châta athôhna doleipa a tluapa cha, A hu a po na!

ZEPHANIA 3:3

A chhôh liata beimachâzy cha, Chakeibarôhneipa a rôh ngâpazy châ ei ta; A ryureituhpazy chhao, Zâ changie zohpa ama châ; My ta nie awpa dâhdei chhao, Pahlôh khao tyh veih ei.

MATHAI 21:13

Ama hnohta, “‘Ei o cha thlahchhâna o tahpa a châ aw’ tahpa ta ropa châ ta, nâmo deikua ta parutuhpazy lôpu ta nama tao haw,” tah ta.

MATHAI 7:15

“Hrohso pakheipazy tawhta a vaih muh vy. Chazy cha mietaku vo a bupa ta nâmo lâ a vy ei ta, ama chhôh lâ deikua cha changie chahraochatôhpazy ama châ.

HMOTAOPAZY 20:29

Ei sie tawhta changie a hrâhpazy nama hry liata a vaw ngia aw ei ta, mietakuzy pahlôh aw vei tahpa ei pahno.

HMOTAOPAZY 24:9

Zuzy chhao ta, ama leihna cha â dopa tlai a châ tahpa a vaw pykhei ei ta.