EZEKIA 22:26 - Mara Bible RV (BSI)

²⁶ Râh theihthaipazy ta ei ryhpa thata parao ei ta, ei hmo pathaihpazy ama papuapalei. Hmo pathaihpa nata hmo zawrâpa pahrua leipa ei ta, hmo pathaih leipa nata hmo pathaihpa likah ananona pachu hra veih ei. Ei Pahâ­nohzy chhao a papeisa veih ei. Chavâta ama hry liata papuapaleipa ta ei y.

EZEKIA 22:26 ပူးပေါင်းရင်းမြစ်များ

2 THÂTIHZYRONA 36:14

Theihthai laipazy nata zawpizy chhao ta, ngâchhihna rai hnei khao leipa ei ta, phopi hropazy hmotaopa pasichhihpazy tao hra ei ta, Abeipa ta Zerusale liata a pathaisapa Abeipa o taih chhao ama papuapalei.

ZEREMIAH 15:19

Chavâta Abeipa ta hetana heta a tah: “Na vaw kua khiahta cha, Cha paduapathi aw na ta, Ei hmiakô liata nâ duah heih aw. Hmo sôhpa kyh reih la, Hmo phahnai leipa na reih leipa khiahta cha, Ei pakah hawhta na châ aw. Nâ lâ a vaw heih aw ei ta, Nâ deikua cha âmo lâ a heih aw va chi.

ZEREMIAH 2:8

Theihthaipazy ta, ‘Abeipa khataih liata a y?’ Tah leipa ei ta; Ryhpa a hmâhtuhpazy chhao ta, Na pahno veih ei. Ryureituhpazy ta nâ dyuh ei ta, Hrohsopazy ta Bâlâ moh ta hrohsona bie phuahpa ta, Hmo phahnai leipazy amâ chadai.

CHAPHÔHTUNA 4:13

A hrohsopazy moleina vâta châ ta, A theihthaipazy paraona vâta a châ; A chhôh liata thisaih palo ei ta, Chyhsa siapa thisaih a palotuhpazy vâta a châ.

EZEKIA 22:8

Ei hmo pathaihpazy saw ta reih leipa chi ta, ei Pahânohzy na papuapalei.

EZEKIA 23:38

Cha dei châ vei, he hmo chhao he ei chô liata ama tao: Ama sawzy atheihna ta ama hlâ noh lia tlai ta, ei supathaihpa papuapalei ei ta, ei Pahânohzy taih ama parao.

EZEKIA 36:20

Ama siena râhzy ama tlô nahta, ama tlôna maih liata ei moh pathaihpa papuapalei ei ta, cha hawhta ama ypa vâta chyhsazy ta, ‘Hezy he Abeipa phopi châ ei ta, châhrasala râh tawhta a pua hapazy ama châ hih,’ ama tah tyh.

EZEKIA 42:20

A kâ miapalih thlie heih ta. Achhyna o cha thokhy ta chadô ta, a doh lâ dy za pangawh, a hâ lâ dy za pangawh a châ. Cha thokhy cha su pathaihpa nata vâtlâh yna pananona châta taopa a châ.

EZEKIA 44:10

Izarei a sie chhei nota, na tleisai ei ta, ama khazoh nothlahpazy pazipa ta, kei tawhta lâ hlapi lâta a sie hapa Livai chizy chhao ama paraona maoh ama phaoh aw.

EZEKIA 44:23

Ei phopi cha hmo ziehpa nata zieh leipa ananona pachu aw ei ta, hmo pathaihpa nata pathaih leipa ananona ama pachu awpa a châ.

EZEKIA 44:24

“Lyuh atuana a y tita, pachiatuhpa rai hria aw ei ta, ei pachiazie hawhta ama pachia awpa a châ. Kyhchhi ei raopazy liata, ei ryhpazy nata ei bieraopazy ama zyh awpa châ ta, ei pahânohzy ama pathaisa awpa a châ.

EZEKIA 7:26

Chhiena nata chhiena a patho aw ta, bie pathâhpa nata bie pathâhpa â pazi aw. Hraoleipa ta hrohsopa tawhta aluahna tlua aw ei ta, theihthaipazy tawhta ryhpa lei aw ta, machâzy tawhta ryhraokheina a lei aw.

THEIHTHAINA 10:10

Hmo ziehchhôhpa nata hmo vâtlâhpa panano aw ei chi ta, hmo pathaih leipa nata pathaihpa nama panano awpa a châ.

THEIHTHAINA 11:47

Pathaihpa nata pathaih leipa panano awpa châ ta, hmohrohneipa nie theipa nata hmohrohneipa nie lei awpa chi chhao panano awpa a châ,” tah ta.

THEIHTHAINA 13:43

Theihthaipa ta moh aw ta, a luh pôlôpa liata tlyma, a khi tlyhpa liata tlyma hri a kaw puapa cha, pôhpa vo liata phawhpa a vaw lâpa hawhta saih tôlôhpa ta a kaw pua khiahta cha,

THEIHTHAINA 20:25

Chavâta sa pathaihpa nata pathaih leipa, pavaw pathaihpa nata pathaih leipa nama panano awpa a châ. Sa tlyma, pavaw tlyma, alei liata alyhpasa tlyma, nama châta pathaih leipa ta ei pananopazy niepa ta, nama hrona cha pasichhihpa ta nama tao awpa châ vei.

MALAKHAI 2:7

Theihthaipa hmao ta pahnona pabohsa ta, Pheisaihzy Abeipa lyuhchâpa a châpa vâta, Chyhsazy ta a pakah tawhta pachuna ama mokhâh tyh.

MALAKHAI 2:8

“Châhrasala lâpi tleisai ei chi ta, nama pachuna ta chyhsa hluhpi pahluasapa ta, Livai biehrai cha nama parao haw.

RAWMA 2:24

“Nâmo vâta Khazohpa moh cha Zenitaizy hry liata reipachhiepa ta a y,” tahpa ta ropa hawhna khata a châ.

1 SAMUELA 2:22

Eli cha machâ kaw bâ ta, Izarei zydua chô liata a sawchapawzy hmotaopa zydua nata ahmaohna poh o chhikao liata chakaotuhpa chanôzy amâ ziakhei tyhpa kyhzy thei tyh ta.

1 SAMUELA 2:29

Cha hawhta a châ nota, khazia ma ei pahrâna su châta bie ei piepa atheihna nata hmohlâpazy mohnao ei chi ta, kei hlâta na sawchapawzy palyupalih viapa ta, ei phopi Izarei sawzy hmohlâpa to tawhta a pahâh chaipazy cha nâmo a pathawhna châta nama hmâh?