EZEKIA 22:25 - Mara Bible RV (BSI)

²⁵ Râh beizy cha chakeibarôhneipa a rôh ta, sa tai ta, a hriechheihpa lyu ei ta, arulâta chyhsa teipa ta, chyhsa hronazy la ei ta, chyhsa ryubyhzy nata hmo sôhpazy lapa ei ta, râh liata nôhmei hluhpi ama paysa.

EZEKIA 22:25 ပူးပေါင်းရင်းမြစ်များ

1 ABEIZY 22:23

Chavâta tahmâ he pachâ tua, Abeipa ta na hrohsopa zydua pakah liata thlahpa haih thaipa soh ta, Abeipa ta na rao nawpa kyh a phuah haw,” tah ta.

ISAI 56:11

Izy cha pahâpahaohpa châ ei ta, Â daih tahna rai hnei veih ei. Izarei vaituhpazy deikua cha, Mietaku vaituhpazy châ taraw ei ta, Novâhna hnei veih ei; Ama lâpi chyu lâta a heih ei ta, Âmo athôhna lâ a heihpa sai ama châ.

ZEREMIAH 11:9

Abeipa ta hetana heta eina chho heih: “Zudâh râhsawzy nata Zerusale khihsawzy ta arulâta eina tei ei.

ZEREMIAH 15:8

Tilaipi sadi hlâta hluh viapa ta, Ama nôhmeizy ei papôh. Satliapazy nôzy lâta paraotuhpazy tuah na ta, Nohchhô sawhvaw ta nôzy cha ama parao; Chichhihna nata thlazohna patlôsa na ta, Eikhapi ta ama chô liata a tlô thlu ei.

ZEREMIAH 18:21

Chavâta ama sawzy cha chakâhna lâ hlâ la, Zaozi hmotaotheina lâ hlâ mah y. Ama lapinôzy saw leipa ta y ei sala, Nôhmeipa ta y mawh ei sy. Ama pawhrâhpazy hri ta thi ei sala, Ama satliazy adyuhna liata zaozi ta thi mawh ei sy.

ZEREMIAH 2:30

“Nama sawzy tu na ta phahnai leipa ta, Phakhei hlei veih ei. Chakeibarôhneipa sa niepa hawhta, Nâmo zaozi ta nama hrohsopazy a palâ khai haw.

ZEREMIAH 2:34

Cha hrao awpa ta amâ vaw ngiapa na hmô leipa chhao ei ta, Thaileina a hnei leipa dyhchhiepa hrona thisaih cha, Na hnorâhzy liata â bai. Cha hmo zydua a y ha tawh chhao ta,

ZEREMIAH 23:14

Zerusale hrohsopazy liata chhao, Hmo rarôh ypa ei hmô: A phei ei ta, Haipa ta khih ama sa; Hmo pha leipa a taopazy ku thapatlô ei ta, Chavâta ama moleina ro a chhuah tlâ veih ei; Kei châta cha Sawdawmâ lyu khai ei ta, Zerusale khihsawzy chhao Kawmawrâ ama lyu khai.”

ZEREMIAH 6:13

“A nawh chaipa tawhta a lai chaipa taihta, Chyhsa to karâyna ta bie ei ta, Â doleipa ta athôhna ama tlua; Hrohsopa nata theihthaipa a hlaopa ta, Chyhsa to ta hmo doleipa ama tao.

CHAPHÔHTUNA 2:14

Na hrohsopazy ta na châta Aluahna phichhyhpa nata dôveina zy ama hmô; Vânoh na to heih thei nawpa ta, Na moleina palâhâh veih ei; Aluahna phichhyhpa nata paviana zy Na châta tlao ama hmô tyh.

CHAPHÔHTUNA 4:13

A hrohsopazy moleina vâta châ ta, A theihthaipazy paraona vâta a châ; A chhôh liata thisaih palo ei ta, Chyhsa siapa thisaih a palotuhpazy vâta a châ.

EZEKIA 13:19

Haipa bie a nathliepa ei phopi hnohta haipa bie reih ei chi ta, bâli sâh pazah kha nata viahchhâ tlâ chyhta hmô nawpa ta, ei phopi hry liata na reipachhie ei chi ta, a thi tlâh a châ leipa chyhsazy thiepa ta, a hroh tlâh a châ leipazy tlao nama pahro.’

EZEKIA 13:2

“Chyhsa sawchapawpa y, Izarei hrohsopazy hnohta hrohsona bie phuah teh. Âmo palôh liata a ypa hmo tlai cha hrohsona bie hawhta phuah ei ta, ‘Abeipa bie thei teh u,’ a tah tyhpazy ama châ.

EZEKIA 22:7

Nôpaw za leina khihpi chhôh liata y ta, chihropa mapaihpa tlybaipa ta a hmo chhu ei ta, paw hnei leipa nata nôhmei chô liata â doleipa ta ama tao tyh.

EZEKIA 34:2

“Chyhsa sawchapawpa y, Izarei mietaku vaituhpazy hnohta hrohsona bie phuah teh. Mietaku vaituhpazy hnohta hrohsona bie cha phuah tlai la, ama hnohta hetana heta reih teh. Abeipa Zehôvâh ta hetana heta a tah: Nâmosasyh â pasapa Izarei mietaku vaituhpazy nama hu a po kaw dia! Mietaku vaituhpazy cha mietakuzy ama pasa awpa châ vei ma?

EZEKIA 34:3

A thawhpazy tlao nie ei chi ta, mietaku hmi ta namâ tobi. Mietaku thawhpazy thie ei chi ta, châhrasala mietakuzy pasa veih ei chi.

HÔSIA 6:9

Hraotuhpazy ta chyhsa amâ byhpa hawhta, Theihthaipazy chhao ta ama tao hra; Sekhe lâpi liata chyhsa thie ei ta, Moleina pasichhih ngaitapazy ama tao.

MATHAI 23:13

“Nâmo, ryhpa pachutuhpa nata Phârisaih phapakheipazy saih u, nama hu a po na! Chyhsazy châta vârâh khinarâh khaw ei chi ta, nâmo hra a ngia tlôh leipa ei chi ta, chyhsazy a ngia awpa pasai pyly veih ei chi.

MÂKA 12:40

Nôhmei olyuzy nie khai ei ta, a chapuahchaluah nawpa ta a pasi pi ta thlah ama chhâ tyh. Cha hawhpa chyhsazy cha thailei ama châ pachai aw,” tah ta.

LUKA 20:47

Nôhmei olyuzy nie khai ei ta, a chapuahchaluah nawpa ta a pasi pi ta thlah ama chhâ tyh. Cha hawhpa chyhsazy cha thailei ama châ pachai aw,” tah ta.

BIEPHUAH 13:11

Chatawhcha sahrâhpa hropa alei tawhta a vaw puapa hmô na ta. Mietakutaw hawhta ki no hnei ta, drâkao reih pathliezie hawhta a reih a pathlie.

BIEPHUAH 13:15

Sahrâhpa nothlahpa cha husona pahneisa awpa ta, sahrâhpa mianona hnohta hmotaotheina piepa châ ta, chatanachata sahrâhpa nothlahpa cha reih pathlie thei aw ta, sahrâhpa nothlahpa a chhy khoh leipa maih a pathiesa aw.

BIEPHUAH 17:6

Cha chanô cha mopathaihpazy thisaih nata Zisu mâtyzy thisaih a paripa ta hmô na ta. Ei hmô nahta, ei noâh ngaita ta.

BIEPHUAH 18:13

lôiasohpa, ia-ô, ropahâhpa raopa, myrâ, sathaw ropahâhpa, kresawhti, sathaw, viahdie dipa, âtâ sâh, viahchao nata mietaku, arâ nata talailih zy nata sei ta chyhsa hrona ama zuapazy a chalei awpa y khao veih ei.