EZEKIA 22:20 - Mara Bible RV (BSI)

²⁰ Chyhsa ta tâkâ, dawh, thua nata ky zy patina mei liata pahmaoh ta, patisa awpa ta mei a hmô thlupa hawhta, ei hiehâhna nata ei pathiiana ta cha pahmaoh aw ei na ta, patina mei liata cha soh aw ei na ta, ei cha pati aw ei.

EZEKIA 22:20 ပူးပေါင်းရင်းမြစ်များ

ISAI 1:25

Na chô liata ei ku pathla aw na ta, Na saiiepa cha lôiah ta pasi aw na ta, Na thua chhiepa cha ei pathaisa aw.

ISAI 54:16

Moh teh, syudaihpa paysa na ta, Ano ta syu zie ta; Hmâ nawpazie lymâ hawhta Chaihraizy a tao tyh. Keima lilaw ta paraona rai hria awpa ta, Paraotuhpa ei tao hra.

ZEREMIAH 4:20

Raokeina nata raokeina a patho ta, Râh pôhpalôhpa a rao haw. Ei poh ozy eikhapi ta paraopa châ ta, Ei pohraipazy buakha chhôh ta paraopa a châ.

ZEREMIAH 8:13

“Ama kôveizy lapa khai aw ei na ta, Kre zôh liata a theizy y khao aw vei. Theiku kôzy liata chhao theikuzy y khao leipa aw ta, Ama hnazy a uah khai aw. Âmo ei piepazy ei kha, Âmo tawhta la pakhuapa a châ aw,” Abeipa ta a tah.

EZEKIA 22:19

Chavâta Abeipa Zehôvâh ta hetana heta a tah: Syu ie nama châ khai hapa vâta, moh teh u, Zerusale liah liata ei cha pahmaoh aw ei.

EZEKIA 22:21

Zerusale liata cha pahmaoh aw ei na ta, ei hiehâhna mei cha hmô thlu aw ei na ta, cha liata ei cha pati aw ei.

EZEKIA 22:31

Chavâta ei ruchhôna ama chô liata lei thlu ei na ta, ei hiehâhna mei ta âmo cha pakâpa ta, ama hrozie hawh tlai ta ama luh chô liata ei lie thlu ha ei,” Abeipa Zehôvâh ta a tah.

EZEKIA 24:13

Na pathaih leina cha aohraohna a châ. Cha pathaisa na ta, châhrasala na puana tawhta na pathaih hlei leipa vâta, na chô liata ei hiehâhna a pai hlâlei cha, na pathaih leina tawhta pathaih heih khao aw va chi.

EZEKIA 36:18

Râh chô liata thisaih palo ei ta, ama khazoh nothlahpazy ta râh cha ama papuapaleipa vâta, ama chô liata ei pathiiana ei lei thlu hapa ei a châ.

HÔSIA 8:10

Phopizy hry tawhta viasazy chalei hra ei sala, Thlai ei pahmaohpakhy aw ei. Bei laipa hnohta pie awpa râhpaw phaohri vâta, Bei nata beimachâzy riethei taopa ta ama y aw.