Chavâta Abeipa Zehôvâh ta hetana heta a tah: Khihpi chhôh liata sawvawhpa ri nama pazawhpazy kha sa cha châ ei ta, khihpi he sa pasyuna beih cha a châ. Châhrasala khihpi tawhta papuapa nama châ aw.
“Chyhsa sawchapawpa y, Izarei pathlazy cha kei châta syu ie châ ha ei ta, ama zydua ta patina mei liata dawh, râhvâ, thua nata ky zy châ ei ta, tâkâ syuiepa ama châ haw.
Chyhsa ta tâkâ, dawh, thua nata ky zy patina mei liata pahmaoh ta, patisa awpa ta mei a hmô thlupa hawhta, ei hiehâhna nata ei pathiiana ta cha pahmaoh aw ei na ta, patina mei liata cha soh aw ei na ta, ei cha pati aw ei.
Sâh hria daihti taih cha y khoh thlâh ha ei sala, sâh hria daihti liata hriatuhpazy hnohta, “Sâh pakheipazy kha pahmaoh tua u la, rao awpa ta a pia ta chahry u la, sâh deikua cha ei sawvâ liata pahmaoh teh u,” ei tah aw,’” tah ta.