EZEKIA 22:13 - Mara Bible RV (BSI)

¹³ “Chavâta pachâ teh, avyuhna ta nâ thôhna nata khihpi chhôh liata thisaih na palona zy vâta na chô liata ei ku ei pathla aw.

EZEKIA 22:13 ပူးပေါင်းရင်းမြစ်များ

BIESOZY 28:8

A pôhna chadaipa ta a sôh a papôhsatuhpa cha, Dyhchhiepazy chô liata riaphapa châta a sôh cha a pachô.

ISAI 33:15

Siana ta chareipa ta bie dopa a reihpa, Avyuhna taopa ta athôhna hmôpa a dythapa, Panaopapana la lei awpa ta a ku a phaihpa, Thisaih palona bie a thei lei nawpa ta a nah a chahupa, Moleina lâ mo lei awpa ta a mo a pasopa,

EZEKIA 21:14

“Chavâta chyhsa sawchapawpa y, hrohsona bie phuah mah y. Na ku chabaih la, zaozi ta ei no chhawh sala, a châ na, ei thôh chhawh mawh sy. Cha zaozi cha thie nawpa zaozi châ ta, âmo dôhpa ta, thiena rarôh ypa ta a thie awpa zaozi a châ.

EZEKIA 21:17

Kei chhao ei ku chabaih aw na ta, ei pathiiana a pai ha aw, kei Abeipa ta ei reih haw, tahpa ta na reih aw,” tah ta.

EZEKIA 21:19

“Chyhsa sawchapawpa y, Babylaw bei zaozi vaw tlô nawpa ta, lâpi miano pahnona tao mah y. Cha lâpi mianopazy cha râh miakha tawhta a vaw pua awpa a châ. Lâpi pahnona tao la, khihpi angiana hawka liata tao mah y.

EZEKIA 22:27

Râh beimachâzy cha changie zohpa ta sa tai ta, a hriechheihpa lyu ei ta, â doleipa ta athôhna ama hmô thei nawpa ta, thisaih palo ei ta, chyhsa hronazy ama pahleipadia.

EZEKIA 33:31

Phopi hawhta nâ lâ a vy aw ei ta, ei phopi haw tlai ta na hmiakô liata a tyuhpa ta, na bie reipa thei aw ei ta, châhrasala zyh hlei aw veih ei. Ama pakah ta aohraohna bie sai reih ei ta, ama palôh cha athôhna sai a pachâ tyh.

AMÔSÂ 3:10

“Ama thokhy chhôh liata thachahra hmâh ei ta, Hraona a pachôpazy châta la, Â dopa ta hmo taozie pahno veih ei,” Abeipa ta a tah.

MALUHREINA 24:10

Chatawhcha Bâlâka cha Bâlâma chô liata a pathi ia ta, a ku nata a ku thata a chô ta, Bâlâka ta Bâlâma hnohta, “Ei chariahpazy chhiesapa awpa ta cha aw na ta, pachâ teh, ei thôh dua byhnâ na awpa ei.

1 THYSALAWNIKA 4:6

He kyh liata ahy hmah a unawhpa chô liata moleipa ta hmopha leipa a tao awpa châ vei. Cha chho chhielie ha pi ta, a phapa ta zikyu eima châ râ hapa hawhta, Abeipa cha, cha hawhpa hmo a taotuhpa zydua chô liata phuh latuhpa a châ.